logo

иқтисод

ТАДБИРҲО БА ИСТИҚБОЛИ ИДИ ҚУРБОН

Дар шаҳри Душанбе омодагиҳо барои таҷлили сазовори иди Қурбон оғоз гардиданд. Сокинони пойтахт хусусан аз ба тасвиб расидани қарори Рустами Эмомалӣ, раиси шаҳр, «Дар бораи ташкил ва баргузор намудани ярмаркаҳои маҳсулоти кишоварзӣ дар арафаи иди Қурбон дар шаҳри Душанбе» хуш истиқбол намуданд.
Тавре аз раёсати иттилоот ва робитаҳои хориҷии дастгоҳи раиси шаҳри Душанбе ба «Ҷумҳурият» хабар доданд, ҳадаф аз ин қарор таъмини сокинону меҳмонони пойтахт бо маҳсулоти кишоварзии хушсифат ва арзон, осон намудани мушкилот ва фароҳам овардани шароити мусоид барои сокинони пойтахт ҷиҳати истиқболи сазовори иди Қурбон, ташкил намудани рақобати солим байни соҳибкорону хоҷагиҳои кишоварзӣ ва пешгирии амалҳои ҳаннотию бенизомӣ дар бозорҳои истеъмолии шаҳр мебошад.
Раисони ноҳияҳои Исмоили Сомонӣ, Шоҳмансур, Сино ва Фирдавсӣ, кормандони раёсати рушди иқтисоду савдои мақомоти иҷроияи маҳаллии ҳокимияти давлатӣ, роҳбарону масъулони бозорҳои коммуналӣ ва дигар сохторҳои марбутаи шаҳр вазифадор карда шуданд, ки дар ҳамкорӣ бо Вазорати кишоварзӣ, хоҷагию корхонаҳои кишоварзии вилоятҳои Суғду Хатлон ва ноҳияҳои тобеи ҷумҳурӣ, Агентии захираҳои моддии давлатӣ ва иттифоқи «Тоҷикматлубот» аз 26 август то 5 сентябри соли равон барои сокинону меҳмонони пойтахт ярмаркаҳои фурӯши маҳсулоти мавриди ниёзи аввал ва кишоварзиро ташкил намоянд.
Мувофиқи қарор ярмаркаҳои маҳсулоти ниёзи аввал дар назди маркази савдои «Ёвар», бозори «Қаряи Боло», кӯчаи Ҳусейнзода, 36 (назди Кумитаи меъморӣ ва сохтмон) ва боғи фарҳангию фароғатии «Дӯстии халқҳо» баргузор мешаванд.
Раиси шаҳр бо ба тасвиб расондани қарор ба истиқболи иди Қурбон ба фурӯш ва забҳи моли майда (қаблан ин амал дар ҳудуди пойтахт қатъан манъ буд) дар нуқтаҳои алоҳидаи муҷаҳҳаз бо лавозимоти соҳа иҷозат дод. Мувофиқи қарор, амалҳои фурӯш ва забҳи чорво (бузу гӯсфанд) бояд зери назорати қатъии масъулони бахши санитарию байторӣ дар назди саллоҳхонаҳои ҳудуди шаҳр,  аз ҷумла ҶДММ «Комбинати гӯшту консерва» (ноҳияи Фирдавсӣ, кӯчаи Фучик, 4), ҶДММ «Ангара» (маҳаллаи Роҳи нави ноҳияи Сино), маҷмааи байторӣ (хиёбони Ҳ. Шерозӣ, ноҳияи Исмоили Сомонӣ, назди МБГ – 2) ва корхонаи замонавии ҶДММ «Ёвар – 11» (ноҳияи Рӯдакӣ, наздик ба пойтахт) ҷараён гиранд.
Роҳбарону масъулони сохторҳои назорату тартибот ва идораҳои дигари марбута ҷиҳати ташкили ҷойҳои муваққатии забҳи чорво, пешгирии забҳи қурбонӣ дар ҷойҳои муқаррарнашуда, санҷишу назорати сифати маҳсулот ва фаҳмондани қоидаҳои қурбонӣ аз нигоҳи динию санитарӣ вазифадор гардидаанд.
С. АЗИЗӢ, «Ҷумҳурият»


Баёни ақида (0)    Санаи нашр: 10.08.2017    №: 168    Мутолиа карданд: 573

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед