logo

иҷтимоиёт

РАШТ. ҲАҚИҚАТ ВА ОВОЗА

Пайомади офати табиие, ки моҳи июли соли равон бар асари боришоти зиёд дар ноҳияи Рашт рух дод, бо дастгирии Ҳукумати кишвар, вазорату идораҳои дахлдор ва мақомоти иҷроияи маҳаллии ҳокимияти давлатии ноҳияҳо ба тадриҷ бартараф карда шуд.

Зарардидагони ин офати табиӣ аз дастгирии Ҳукумати мамлакат сипосгузор буда, пайваста дар нишасту вохӯриҳо ва суҳбатҳои сарироҳӣ дуои ҷони Роҳбари давлат ва шукронаи истиқлолияту ваҳдат мекунанд. Вале баъзе ашхос дар шабакаи интернет ва ҳатто расонаҳои хабарии хусусии кишвар дар ин давом хабарҳои зиёди бардурӯғ интишор намуданд, ки гӯё масъулин дар бартарафсозии оқибатҳои офати табиат саҳлангорӣ доранд.
Боришоти зиёди борон 4 июли соли равон дар ноҳияи Рашт боиси фаромадани сел дар деҳаҳои Ҳалқарфу Бедаки Ҷамоати деҳоти Навдӣ, шаҳраки Ғарм, деҳаҳои Қулои Ҷамоати деҳоти Навдӣ,  Ялдамичи Ҷамоати деҳоти Қалъанак, Ярхаби Ҷамоати деҳоти Ҳиҷборак ва Кӯҳдомани Ҷамоати деҳоти Боқӣ Раҳимзода гардида, дар маҷмӯъ ба 70 хоҷагӣ хисорот овард.
Тибқи иттилои Шодмон Ғиёсов, сардори ситоди ҳолатҳои фавқулода ва мудофиаи граждании ноҳияи Рашт, бар асари селе, ки аз доманакӯҳҳои Ҷамоати деҳоти Навдӣ фаромад, 47 хоҷагӣ, аз ҷумла 2 хонаи истиқоматӣ  ва 27 иншооти ёрирасон пурра, 4 хонаи истиқоматӣ ва 10 иншооти ёрирасон қисман, 47 қитъаи замини наздиҳавлигӣ, як шабакаи барқӣ (трансформатор), 1 пули мошингузар, 2,5 километр роҳҳои маҳаллӣ, 2,5 километр хатҳои интиқоли барқ, 610 метр хатҳои оби нӯшокӣ зарар дида, дар деҳаҳои Ҳалқарфу Бедаки Ҷамоати  деҳоти Навдӣ ва шаҳраки Ғарм чорвои калону паранда зери сел монд. Бар асари сел 13 қитъаи замини наздиҳавлигӣ ва 7 иншооти ёрирасон дар деҳаи Қулои Ҷамоати деҳоти Навдӣ, ду кӯпруки мошингузар дар деҳаи Ялдамичи Ҷамоати  деҳоти Қалъанак,  5 қитъаи замини наздиҳавлигӣ дар деҳаи Ярхаб, 1 километр роҳҳои дохили деҳа ва 11 қитъаи замини наздиҳавлигӣ дар деҳаи Кӯҳдомани Ҷамоати деҳоти Боқӣ Раҳимзода зарар диданд.
Ба гуфтаи Ш. Ғиёсов, оқибати ҳодисаи табиӣ дар ин мавзеъҳо пурра бартараф карда шудааст. Маҷрои сойҳои Лояк 3,5 км,  Ялдамич 800 метр ва роҳҳои  деҳаҳои Бедак, Ҳалқарф, Қуло, Кӯҳдоман, Ярхаб ва шаҳраки Ғарм тоза карда, хатҳои интиқоли барқ ва оби нӯшокӣ низ сари вақт барқарор гардиданд. 
Муминшо Қаюмов, раиси Ҷамоати шаҳраки Ғарм, дар ин бора иттилоъ дод, ки шоми ҳамон рӯз таҳти роҳбарии узви Маҷлиси миллии Маҷлиси Олии Ҷумҳурии Тоҷикистон, раиси ноҳияи Рашт Лоиқзода Қаноатшо Холиқ ситоди фаврӣ таъсис ёфта, ҳайати он ба ҷойи ҳодиса ҳозир гаштанд ва техникаҳои давлатию ҷамъиятӣ ва шахсии дар ҳудуди ноҳия буда фавран барои рафъи офат сафарбар карда шуданд. Ситод фаъолияти  худро  аз кӯчондани аҳолӣ ба ҷойҳои бехавф оғоз кард.  Рӯзи дигар муовини Сарвазири Ҷумҳурии Тоҷикистон Зокирзода Тоир ва муовини аввали раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон генерал - майор Рустам Шоҳиён ба ноҳия омада, ба амалҳои рафъи оқибатҳои  офати табиӣ роҳбарӣ карданд. Аз ҳисоби Агентии захираҳои моддии назди Ҳукумати мамлакат ба зарардидагоне, ки хонаҳои истиқоматиашон пурра зери сел монда буданд, маводи хӯрока ва ёрии дигар расонда шуд.
Ҳангоми пайгирии мавзӯъ бо чанде аз зарардидагон ҳамсуҳбат шудем. Бигзор хонанда худ қазоват кунад: мардуми таҳҷоӣ  чӣ мегӯяду расонаҳои алоҳида чӣ?
-  Аъзои ситоди ноҳиявӣ аз лаҳзаи сар задани офат то бартарафсозии он дар паҳлуи мо буданд. Лоиқзода Қаноатшо Холиқ ҳар рӯз омада аз ҳоли мо хабар мегирад. Муовини Сарвазири мамлакат Зокирзода Тоир ва муовини аввали  раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Шоҳиён  аз ҳоли мо, зарардидагон, хабар гирифта, кумаки моддӣ расонданд, - гуфт Раҳмуддин Фозилов, истиқоматкунандаи кӯчаи Ваҳдати шаҳраки Ғарм.
- Мо аз он шукрона мекунем, ки дар даврони созандагию бунёдкорӣ, таҳти ғамхории Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон давлати пирӣ меронем. Дастгириҳои Ҳукумати кишвар ва роҳбарияти ноҳияро дар рӯзҳои сахтамон бисёр эҳсос намудем. Онҳо моро танҳо нагузоштанд ва боварӣ дорем, ки ҳеҷ гоҳ намегузоранд. Даврони шӯравӣ агар манзили зистатро суғурта намекардӣ, дар ин рӯзҳо касе ба додат намерасид. Бо вуҷуди он ки мо суғурта надоштем, тамоми дастгириҳоро эҳсос кардем, - иброз дошт Муслиҳиддин Салоҳов, сокини деҳаи Ғарми Боло.  
Раҳимҷон Набиев, муовини аввали раиси ноҳияи Рашт, иттилоъ дод, ки мақомоти иҷроияи маҳаллии ҳокимияти давлатии ноҳия бо дастгирии Ҳукумати кишвар ба масъалаи ёрӣ ба зарардидагон диққати аввалиндараҷа медиҳад ва ин аз сиёсати инсонпарваронаи Пешвои муаззами миллат сарчашма мегирад...
Муҳимтар аз ҳама худи мардум инро ба хубӣ эҳсос ва қадр мекунанд.
Пас, ҳадаф аз овозабозиҳо чист? Ва онҳое, ки ҳақиқатро нодида мегиранд, чӣ мехоҳанд?
Худодод ЗАЙНИДДИН, «Ҷумҳурият» 


Баёни ақида (0)    Санаи нашр: 10.08.2017    №: 168    Мутолиа карданд: 476

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед