logo

сиёсат

ЗАМИН. АЗ 6021 ГЕКТАРИ БА ГАРДИШ ВОРИДГАРДИДА ТО ҚОНУНШИКАНИҲОИ ОШКОРШУДА

Баҳисобгирии давлатии миқдори заминҳо, заминсозии байнихоҷагӣ, баҳои замин, тадқиқоти геоботаникии чарогоҳҳо, бақайдгирӣ ва барасмиятдарорӣ, азнавташкилдиҳӣ ва таҷдиди корхонаҳои кишоварзӣ, ташкили шаклҳои нави хоҷагидорӣ, топографӣ - геодезӣ, харитасозӣ, делимитатсия ва деморкатсияи сарҳад аз зумраи он масоили муҳиме буданд, ки дар нимсолаи аввали соли равон низ дар меҳвари фаъолияти Кумитаи давлатии идораи замин ва геодезии Ҷумҳурии Тоҷикистон қарор доштанд.
Раҷаббой Аҳмадзода, раиси Кумитаи давлатии идораи замин ва геодезии Ҷумҳурии Тоҷикистон, бо баёни ин матлаб иттилоъ дод, ки дар ҳамбастагӣ бо мақомоти маҳаллии соҳа танҳо дар нимсолаи аввали соли ҷорӣ аз ҳисоби заминҳои партов, чарогоҳ ва дигар заминҳо майдони 3463 гектар, ки аз он 3407 гектараш обӣ аст, ба гардиши кишоварзӣ ворид карда шудааст. Дар вилояти Суғд аз ҳисоби заминҳои партов майдони 58 гектар обӣ, вилояти Хатлон 3405 гектар, аз ҷумла  заминҳои партов 1649 гектар, аз ин 1593 гектараш обӣ, чарогоҳ 952 гектар, буттазор 11 гектар ва дигар заминҳо 793 гектар бо қарори раисони ноҳияҳо ҳамчун заминҳои корам ба гардиши кишоварзӣ ворид гардидаанд.
Дар шаш моҳи сипаришуда аз тарафи кумитаҳои идораи замини шаҳру ноҳияҳо  инвентаризатсияи боғу токзорҳо гузаронда шуда,  ба ҳолати 1 июни соли 2017 дар майдони 2558 гектар, ки аз он 240 гектараш обӣ аст, боғу токзор бунёд гардидааст. Дар  маҷмӯъ, якҷо бо майдони боғу токзор 6021 гектар замин, аз он 3647 гектараш обӣ ба гардиши кишоварзӣ ворид шудааст.
Раиси Кумитаи давлатии идораи замин ва геодезӣ дар баробари зикри дастовардҳои соҳа, аз риоя нагардидани қонунгузории  замин изҳори нигаронӣ намуд. Ба гуфтаи ӯ, дар давраи ҳисоботӣ аз ҷониби мақомоти идораи замини кишвар 6958 ҳолати риоя нагардидани қонунгузории замин ошкор  гашта, нисбат ба  6315  ҳолат дастур, 5730 ҳолат протоколу қарорҳои ҷаримабандӣ қабул ва ба маблағи  2 миллиону 212 ҳазору 400 сомонӣ ҷарима ситонда шуд. Барои додани баҳои ҳуқуқӣ 412 мавод ба прокуратура, 313 барои бо роҳи маҷбурӣ ситондани маблағи ҷаримаҳо ба суд  ирсол гашта, 4053 ҳолати вайронкунии қонунгузории замин дар маҳал  бартараф гардидааст.
Мутахассисони  раёсати назорати давлатии замини кумита дар ноҳияҳои Қубодиён, Восеи вилояти Хатлон, Бобоҷон Ғафуров, шаҳри Гулистони вилояти Суғд, Рашт ва Тоҷикобод  оид ба риояи талаботи Кодекси замин ва дигар санадҳои меъёрии ҳуқуқии Ҷумҳурии Тоҷикистон доир ба замин санҷиш гузаронданд. Муайян гардид, ки дар ноҳияи Қубодиён дар 91 ҳолат қонунгузории замин риоя нагаштааст. Нисбат ба 58 ҳолат дастур, 74 ҳолат парвандаҳои маъмурӣ тартиб дода шуда, барои ситондани 39250 сомонӣ ҷарима қарорҳои дахлдор қабул шудаанд. Дар натиҷаи санҷишҳои суратгирифта 27150 сомонӣ ба суратҳисоби махсуси кумитаи давлатӣ ворид гардидааст. Дар ноҳияи Восеъ бошад, дар рафти санҷиш  55 ҳолати қонуншикании замин ошкор  гардида, барои бартараф намудани камбудию норасоиҳои ҷойдошта тадбирҳои муассир андешида шудаанд. Нисбат ба  40 ҳолати риоя нагардидани муқаррароти қонуни замин парвандаҳои маъмурӣ тартиб дода шуда, ба маблағи 22600 сомонӣ қарор дар бори ҷаримабандӣ қабул ва  17600 сомонӣ ба суратҳисоби махсуси кумита ворид гаштааст.
Дар рафти санҷиш дар ноҳияи Бобоҷон Ғафуров 136 ҳолати вайронкунии қонунгузории замин ошкор  гардида, нисбат ба  136 ҳолат парвандаҳои маъмурӣ тартиб дода шудаанд. Гузашта аз ин, 13 қарори ғайриқонунӣ оид ба додани замин ошкор гашта, барои баррасӣ ба  унвони раиси ноҳия пешниҳод шудааст. Санҷиш дар шаҳри Гулистон 17 ҳолати вайронкунии қонунгузории заминро ошкор  намуд. Нисбат ба  16 ҳолат парвандаҳои маъмурӣ тартиб дода шуда, ба маблағи  8050 сомонӣ ҷарима ситонда шуда,  аз ин 7050  сомонӣ ба суратҳисоби махсуси кумитаи давлатӣ ворид гаштааст. Инчунин, ҳафт қарори ғайриқонунӣ оид ба додани замин, аз он чор қарори раиси шаҳри Гулистон ва се қарори раиси ҷамоати деҳот  ошкор ва  барои беэътибор донистан ба унвони раиси шаҳр пешниҳод гардидааст. Дар рафти санҷиш дар ноҳияи Рашт 124 ва Тоҷикобод 80 ҳолати вайронкунии қонунгузории замин ошкор  шудааст.
Бино ба иттилои Раҷаббой Аҳмадзода, Кумитаи давлатии идораи замин ва геодезии Ҷумҳурии Тоҷикистон ҷиҳати пардохт намудани маблағи талафи истеҳсолоти кишоварзӣ тибқи талаботи Кодекси мурофиавии иқтисодии Ҷумҳурии Тоҷикистон ба Суди Олии иқтисодӣ, суди иқтисодии шаҳри Душанбе ва судҳои иқтисодии вилоятҳои Суғд, Хатлон  58 аризаи даъвогӣ оид ба рӯёндани 41 миллиону 980 ҳазору 882 сомонӣ таҳия ва пешниҳод намудааст. Дар нимсолаи аввали соли равон ба суратҳисоби махсуси Буҷети давлатӣ 31 миллиону 508 ҳазору 434 сомонӣ маблағи талафи истеҳсолоти кишоварзӣ ворид шудааст.
Додоҷон РӮЗИЕВ, “Ҷумҳурият”


Баёни ақида (0)    Санаи нашр: 10.08.2017    №: 168    Мутолиа карданд: 574

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед