logo

иқтисод

ЧӢ БОЯД КАРД? ЧАРО КОРХОНАҲОИ АЗИМИ ПАРАНДАПАРВАРӢ АЗ КОР МЕМОНАНД?

Парандапарварӣ манбаи асосии таъмини аҳолӣ бо тухму гӯшти парҳезии ватанӣ буда, рушди он барои таъмини амнияти озуқавории кишвар мусоидат мекунад. Бо вуҷуди дар солҳои охир ба фаъолият пардохтани  корхонаҳои хурду калон, воридоти гӯшту тухми мурғ аз хориҷи кишвар давоми шаш моҳи соли равон нисбат ба ҳамин давраи соли гузашта афзудааст.
Дар нимсолаи аввали соли ҷорӣ ба қаламрави кишвар  зиёда аз 21 ҳазор тонна гӯшт  ва қариб 4100 тонна тухми мурғ ворид шудааст, ки нисбат ба ҳамин давраи соли гузашта  мутаносибан 5663,78  ва 3535,27 тонна  зиёд мебошад. Маҳсулоти гӯшти мурғ асосан аз  Туркия, Русия, ИМА, Бразилия  ва  тухми мурғ аз давлатҳои ҳамсояи Қазоқистон, Ӯзбекистон ва Русия ворид  мешавад.
Дар натиҷаи санҷиши маркази ташхисии Агентии Тоҷикстандарт соли гузашта 30631 килограмм тухми мурғи воридотӣ, дар нимсолаи аввали соли ҷорӣ 1870 килограмм тухм ва зиёда аз 31 тонна гӯшти мурғи воридотии ғайристандартӣ ошкор карда шуд. 
Аз ин нишондодҳо бармеояд, ки маҳсулоти воридотӣ на ҳама вақт дорои сифати баланду ба меъёри стандарт  ҷавобгӯст. Чӣ бояд кард, ки талаботи аҳолии кишварро  бо маҳсулоти босифати истеҳсоли ватанӣ таъмин намоем, то ки ҳоҷат ба истеъмоли маҳсулоти воридотӣ намонад?
Тибқи  иттилои  Машокир Назаров, сардори КВД  «Саноати парандапарварӣ» - и Вазорати кишоварзӣ, дар ҷумҳурӣ зиёда аз 100 корхонаи парандапарварӣ мавҷуд аст, ки айни ҳол 79 - тои он фаъолият дорад.
Онҳо бо таҷҳизоту технологияи муосир ва мутахассисон пурра таъминанд. Беш аз 20  корхона  муваққатан аз кор бозмондааст. Риоя накардани технологияи парвариш, сари вақт таъмин накардани хӯрокаи паранда ва чӯҷа барои такрористеҳсолкунӣ омилҳои аз фаъолият бозмондани корхонаҳои муфлисшуда мебошанд. Норасоии  хӯрокаи паранда, ки қариб 80 дарсад аз хориҷи кишвар ворид мегардад, мушкилоти асосии соҳа аст. Хӯрокаи паранда аз Русия, Қазоқистон, ҷумҳуриҳои назди Балтика, Аргентина, Лаҳистон ва дигар мамлакатҳо ворид мегардад, ки нархи интиқоли  он хеле баланд буда, ба арзиши аслии маҳсулот таъсир мерасонад. 
Дар корхонаҳои парандапарварии ҷумҳурӣ дар нимсолаи аввали соли равон 87 миллион дона тухм истеҳсол шудааст, ки нисбат ба ҳамин давраи соли гузашта 10 миллион дона кам мебошад. 
- Мушкилие, ки соли 2016 ва нимсолаи аввали соли ҷорӣ мавҷуд буд, паси сар шуда истодааст. Он миқдори саршуморро, ки кам шуда буд, дар ин нимсола аз ҳисоби афзудани миқдори паранда  дар корхонаҳои  фаъолиятдошта  пур кардем. Имрӯз саршумори паранда  дар корхонаҳои парандапарварӣ ба 1 миллиону 661 ҳазору 500 расонда шуд, ки нисбат ба ҳамин давраи соли гузашта 45 ҳазору 900 сар зиёд мебошад. Аммо тухм  нисбат ба соли гузашта 27 миллион дона кам истеҳсол шуд. Мо дар ин давра 17 миллион донаи онро то имрӯз аз ҳисоби корхонаҳои фаъол пур кардем. Боварӣ дорем, ки то охири сол 10 миллион дона зиёд тухм истеҳсол намуда, ҳисоби онро ба соли гузашта баробар намоем. Сабаби асосии истеҳсоли ками тухм ва амалӣ нашудани дурнамо  ин аз фаъолият боз мондани  корхонаи азими парандапарварии ҷумҳурӣ - ҶДММ «Мурғи ҳилол» - и ноҳияи Файзобод ва корхонаи парандапарварии № 2 - и ноҳияи Ҷабор Расулов мебошад, - гуфт М. Назаров.
Барои рушди  соҳаи парандапарварӣ таъминот бо хӯрока ва барқ аҳамияти аввалиндараҷа доранд. Барои дастгирии соҳибкороне, ки ба парандапарварӣ машғуланд ва рафъи мушкилоти ҷойдошта аз ҷониби Ҳукумати кишвар, Вазорати кишоварзӣ ва КВД «Саноати парандапарварӣ» тадбирҳо роҳандозӣ мешаванд. Солҳои пеш дарёфт кардани чӯҷаи 1 – рӯза барои гӯшт ва тухм проблемаи асосӣ буд. Онро парандапарварон аз хориҷи кишвар бо нархи гарон дастрас мекарданд.  Имрӯз  ин мушкилот тадриҷан  ҳалли худро ёфтааст. Айни ҳол КВД «Саноати парандапарварӣ», корхонаҳои «Раҳмонҷон» - и ноҳияи Данғара, «Симурғ» - и шаҳри Истаравшан, «Чептура» - и ноҳияи Шаҳринав ба парвариши мурғ ва чӯҷаи якрӯзаи хушзот  машғуланд. Ҳамчунин, дар ноҳияи Данғара ва вилояти Суғд ду корхона хӯрокаи паранда истеҳсол мекунанд.
Барои рушди минбаъдаи соҳа  лоиҳаи қарори Ҳукумати Ҷумҳурии Тоҷикистон «Дар бораи Барномаи рушди соҳаи парандапарварӣ дар Ҷумҳурии Тоҷикистон барои солҳои 2017 - 2021»  омода шудааст. Ҳадафи  барномаи нави таҳияшуда афзун кардани саршумор, истеҳсоли босифати тухм ва гӯшти паранда бо истифода аз технологияҳои муосир, беҳтаркунии зот,  баланд бардоштани маҳсулнокӣ, инчунин, кам намудани хароҷоти изофа  мебошад.
Матлубаи АБДУҚАҲҲОР,  «Ҷумҳурият»


Баёни ақида (0)    Санаи нашр: 11.08.2017    №: 169    Мутолиа карданд: 781

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед