logo

фарҳанг

РИСОЛАТ. АЗ ШИНОХТИ ФАЗИЛАТ ТО ҲИКМАТИ ЛИБОСИ МИЛЛӢ

Андешидани чораҳои муассир ҷиҳати пешгирии бегонапарастӣ ва тақлид ба либоси ғайр, махсусан сатр ва ҳиҷоб, метавонад омили муҳим дар самти ҳифзи як рукни асосии фарҳанги миллӣ гардад. Дар ин раванд омӯзиш ва шинохти фазилат ва ҳикмате, ки либоси миллии ҳар як халқу миллат дар худ таҷассум менамояд, василаи муҳими нигоҳдошти он ба ҳисоб меравад.

Махфират Хидирзода, муовини раиси вилояти Хатлон, дар суҳбати телефонӣ бо хабарнигори «Ҷумҳурият» ин мавзӯъро матраҳ намуд ва аз гароиши бархе занону духтарони кишвар ба фарҳанги бегона изҳори таассуф кард. Тазаккур дод, ки дар вилоят бо мақсади муайян кардани омилҳои зуҳури бегонапарастӣ тадқиқоти сотсиологӣ гузаронда шуд. Аз натиҷаи тадқиқот ба чунин хулоса омадем, ки сабабҳои асосии рӯ овардани занон ба сарулибоси бегона, махсусан сатру ҳиҷоб, тақлидкорӣ, мӯд пиндоштани чунин либосҳо ва намоиш додани мазҳабӣ будани худ, водорсозӣ аз ҷониби шавҳар ва дигар аъзои оила, инчунин, таъсири фарҳанги бегона тавассути тамошои кинофилмҳо мебошанд. Ба гуфтаи муовини раиси вилоят, дар ин раванд мардон, бахусус ҷавонон, низ таъсиргузоранд. Зеро баъзеи онҳо то он дараҷа ба хурофот дода шудаанд, ки дар назди зан масъалаи интихоби  либоси бегона ва ё оиларо мегузоранд. Дар чунин ҳолат, албатта, аксари занҳо пойдории оиларо афзал дониста, маҷбур сатр ё ҳиҷоб мепӯшанд.
Ҳамчунин, тадқиқот муайян намуд, ки бархе аз занону духтарон байни либоси миллӣ ва бегона дар мавриди риояи ниёзҳои мазҳабии худ фарқ гузошта наметавонанд. Ва ҳамон сатру ҳиҷобро ҳамчун либоси миллӣ қабул кардаанд. Яъне аз ин ҷо маълум мешавад, ки мо дар шиносондани либоси миллӣ ба камбудиҳои ҷиддӣ роҳ додаем. Бинобар ин, зарур аст, ки ҳар чи бештар либоси миллӣ ҳамчун рукни муҳими фарҳанги миллӣ ҳаматарафа тарғибу ташвиқ шавад. Барои пешгирӣ аз ин раванд баланд бардоштани сатҳи маърифати динию ҳуқуқии шаҳрвандон ва эҳсоси ифтихори миллии онҳо бағоят муҳим мебошад.
Вобаста ба ин, дар вилоят корҳо дар якчанд самт амалӣ гашта истодаанд. Якум, ин ташкили корҳои фаҳмондадиҳӣ дар ҷойҳои ҷамъиятӣ, бозору марказҳои савдо ва дигар ташкилоту муассисаҳо, дуюм, мулоқоту вохӯриҳои бевосита бо мардум дар маҳаллаҳо, сеюм, пешбурди кори фардӣ аз рӯи усули «Хона ба хона», чорум, роҳандозии корҳои иттилоотию маърифатӣ тавассути воситаҳои ахбори омма ва ташкили чорабиниҳои фарҳангӣ ҷиҳати муаррифии либоси миллӣ. Имрӯзҳо ниҳодҳои дахлдори шаҳру навоҳии вилоят бо занону духтароне, ки майли бегонапарастӣ доранд, дар ҳама ташкилоту муассисаҳо, новобаста аз шакли ташкилию ҳуқуқиашон, мулоқоту вохӯриҳо гузаронда, ба онҳо моҳияти амалашонро мефаҳмонанд,- иброз дошт Махфират Хидирзода.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 14.08.2017    №: 170    Мутолиа карданд: 405

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед