logo

иқтисод

САРКАШИИ РӮИРОСТ. ДАР БОРАИ НАПАРДОХТАНИ ҲАҚҚИ ОБ ВА МУШКИЛОТИ ВОБАСТА БА ОН

Тибқи маълумоти Иттиҳодияи беҳдошти замин ва обёрии минтақаи Кӯлоб, дар минтақа 33 Ассотсиатсияи истифодабарандагони об фаъолият мекунад. Ба иллати ҳаққи хизмати обро напардохтани онҳо қарзи иттиҳодия дар назди шарикони истеҳсолӣ ба 9 миллиону 771 ҳазор сомонӣ расида, муассисаҳои зертобеи он  рӯ ба муфлисшавӣ овардаанд.
Ёдрас месозем, ки айнан чунин ҳолати ташвишовар 4 - 5 сол қабл рух дода,  қарзи иттиҳодия дар назди шарикон,  аз ҷумла муассисаҳои барқу андоз, ба беш аз 20 миллион сомонӣ расида буд. Ҳукумати кишвар баҳри рафъи мушкилоти мазкур, ки вазъи истеҳсолии муассисаҳои хизматрасони ин соҳаи муҳими хоҷагии халқро сахт заиф карда буд, ғамхорӣ намуда, дар баробари рӯи кор овардани як қатор тадбирҳо қарзҳои солҳо ҷамъшударо ба сифр баробар кард. Иттиҳодияи беҳдошти замин ва обёрии минтақаи Кӯлоб фаъолияти истеҳсолии хешро аз ҳамин сифр шурӯъ намуд. Мутаассифона, тавре мебинем, боз ҳамон ҳолати ташвишовар дигарбора такрор мешавад. Қарзҳо дар як муддати кӯтоҳ қариб ба 10 миллион сомонӣ расидаанд. 
- Вазифаи иттиҳодия ва муассисаҳои зертобеи он, пеш  аз ҳама, дар ҳолати хуб нигаҳ доштани заминҳои обӣ ва  сари вақт таъмин намудани кишоварзон, яъне истифодабарандагони об бо оби полизист. Ҷамъоварии ҳаққи хизмати моро ассотсиатсияҳои  истифодабарандагони об ба зимма доранд. Аммо қариб тамоми  ассотсиатсияҳо ҳаққи хизмати моро бо пуррагӣ пардохт накардаанд. Ин ҳолат моро водор намуд, ки соли ҷорӣ шартномаҳои дуҷонибаро ба сеҷониба табдил диҳем. Яъне аз ин пас идораи мо низ дар ҷамъоварии ҳаққи об саҳм мегирад, - гуфт сардори Иттиҳодияи беҳдошти замин ва обёрии  минтақаи Кӯлоб Амирхон Маҳсиддинов.
Соли равон кормандони идора барои бо об таъмин намудани 61493 гектар замини минтақа муваззаф шудаанд. Аммо ассотсиатсияҳо барои бо об таъмин кардани ин миқдор замин дар давоми 7 моҳ ба суратҳисоби иттиҳодия ҳамагӣ 1 миллиону 860 ҳазор сомонӣ ҳаққи хизмат ворид намудаанд ва маълум нест, ки маблағи боқимонда - 7 миллиону 900 ҳазор сомониро кай  ҷамъоварию  пардохт мекунанд.
- Агар  маблағҳо пурра  пардохт шаванд, мо метавонем қарзи андоз ва неруи барқро ҳисобӣ карда, миқдори зиёди заҳбуру заҳкашҳоро тоза намоем. Қарзи неруи барқ, ки 5 миллиону 645 ҳазор сомониро ташкил менамояд, аслан ба ассотсиатсияҳои истифодабарандагони оби ноҳияҳои Фархору Восеъ ва Данғара мансуб аст. Баъзе истифодабарандагони об, ки дар ихтиёрашон 15 - 20 гектар замини пахта доранд, рӯйрост аз супоридани  ҳаққи об саркашӣ мекунанд. Имсол барои рӯёндани қарзҳоямон маҷбур шудем, ки аз болои як қатор ассотсиатсияҳо ба суди иқтисодӣ шикоят барем, - изҳор дошт муовини сардори иттиҳодия Оллоҳназар Хоҷаев.
Т. ФАЙЗАЛӢ, «Ҷумҳурият»


Баёни ақида (0)    Санаи нашр: 14.08.2017    №: 170    Мутолиа карданд: 399

10.12.2018


МАСТЧОҲ. Деҳаҳо симои нав мегиранд

Путин: «Дар ИИАО бозори ягонаи газ, нафт ва маҳсулоти нафтӣ мешавад»

Нахустин ҳамоиши сарони манотиқи кишварҳои СҲШ дар Челябинск гузашт

Медведев: «Россия мушкили амнияти озуқавориро ҳал намуд»

Дар Олмон кӣ Ангела Меркелро иваз мекунад?

Нақлиёти ройгони ҷамъиятӣ дар Люксембург

Ҷаҳон дар як сатр

Кишоварзӣ бахши муҳим дар ноҳияи Деваштич

06.12.2018


74 варзишгар ба Ҷоизаи Президенти Ҷумҳурии Тоҷикистон пешниҳод шуд

Иштироки муовини вазири рушди иқтисод ва савдо дар мулоқоти сатҳи баланд

Баррасии масъалаи содироти маҳсулот ба бозорҳои Аврупо

ПАНҶАКЕНТ. Ифтитоҳи 63 иншоот

Бунёди роҳи танобӣ дар шаҳри Хуҷанд

“ГАНҶИ ҲИЛОЛ”. Тадбирҳо самар медиҳанд

05.12.2018


Баррасии масоили сиёсати хориҷии кишвар

Мулоқоти Шамсиддин Орумбекзода бо Мерилин Йосефсон

Баргузории конференсияи «Нақши сайёҳӣ дар ташаккули тарзи ҳаёти солим»

Путин ва Назарбоев ҳамкориро дар доираи Иттиҳоди иқтисодии АвруОсиё баррасӣ карданд

Куртс ҳамкорӣ бо Россияро шарти сулҳу субот дар Аврупо номид

Вашингтон дар Покистон муколамаи Кобул бо "Толибон"-ро муҳокима мекунад

Трамп дар фикри баррасии мушкили мусаллаҳшавии бошитоб бо Путин ва Си Ҷинпин шуд

Ҳонконгро матлубтарин кишвари дидании сайёҳон дар соли равон хонданд

Ҷаҳон дар як сатр

ЛУКА МОДРИЧ - барандаи "Тӯби тиллоӣ"

5 медали теннисбозони тоҷик

04.12.2018


Ҳамоиш оид ба татбиқи самтҳои асосии сиёсати хориҷии Тоҷикистон

Баргузории фестивали сайёҳӣ

Бунёди гармхона бо усули гидропоникӣ

Олимони тоҷику рус 200-солагии шарқшиносии Россияро таҷлил карданд

Дар Лаҳистон конфронси СММ оид ба тағйирёбии иқлим оғоз ёфт

Ҷанги тиҷоратии ИМА ва Чин анҷом меёбад?

Кишварҳои G-20 мубориза бо маблағгузории терроризмро таҳким мебахшанд

Ҷаҳон дар як сатр

Бозгашти Фузайлов ба футболи тоҷик


Дар сомонаҳои дигари Тоҷикистон хонед