logo

ҳуқуқ

АМНИЯТИ ИҚТИСОДӢ ВА НАҚШИ ПАЛАТАИ ҲИСОБ ДАР ТАЪМИНИ ОН

Палатаи ҳисоби Ҷумҳурии Тоҷикистон ҳамчун мақоми олии назорати молиявӣ дар шаш моҳи соли равон барои беҳтар намудани вазъи соҳаҳои иқтисоди миллӣ доир ба истифодаи самараноки  захираву  иқтидорҳои молиявӣ,  пешбурди сиёсати самараноки молия  ва қарз, риояи қатъии низоми истифодаи сарфакоронаи маблағҳои буҷетӣ корҳои муайянро ба сомон расонд.

Фаррух Ҳамрализода, раиси Палатаи ҳисоби Ҷумҳурии Тоҷикистон, дар суҳбат ба хабарнигорон изҳор дошт, ки кормандони палата дар самти назорат оид ба масъалаҳои баҳодиҳӣ ба буҷети давлатӣ ва иҷрои он дар вазорату идораҳо, сохторҳои тобеи онҳо ва дигар субъектҳои хоҷагидории давлатӣ 138 санҷиши аудиторӣ гузаронда, зарари молиявиро ба маблағи 55,5 миллион сомонӣ ошкор намуданд, ки аз он 10 миллион ба буҷет ва 4,8 миллион сомонӣ ба ташкилоту муассисаҳо барқарор карда шуд.
Бо мақсади истифодаи самаранок ва мақсадноки маблағҳои буҷетӣ санҷиши маҷмӯи ташаккул ва иҷрои буҷетҳои маҳаллии ноҳияҳои Мир Сайид Алӣ Ҳамадонии вилояти Хатлон 649 ҳазор сомонӣ, Файзобод 1,1 миллион, Айнии вилояти Суғд 1 миллиону 127 ҳазор ва Шуғнони Вилояти Мухтори Кӯҳистони Бадахшон 435 ҳазор сомонӣ ба анҷом расонда шуд, ки дар раванди он 126 ташкилоту муассисаи буҷетӣ мавриди санҷиши аудиторӣ қарор гирифта, зарари молиявӣ ба маблағи 6,8 миллион сомонӣ муайян гардид. Дар натиҷаи андешидани чораҳои зарурӣ товони зарари молиявӣ ба маблағи 5,9 миллион сомонӣ ё 86 дарсад барқарор гардида, дар рафти санҷишҳо маблағгузории сметаҳои хароҷотии ташкилоту муассисаҳои буҷетӣ ба андозаи 820 ҳазор сомонӣ кам карда шуд.
Ҷиҳати таъмини назорат вобаста ба истифодаи мақсаднок ва самараноки маблағҳои барои татбиқи лоиҳаҳои сармоягузорӣ ҷудогардида, санҷишҳои аудиторӣ дар 11 марказ ва гурӯҳҳои татбиқи лоиҳаҳои сармоягузорӣ гузаронда шуд, ки дар натиҷа зарари молиявӣ ба маблағи 2,6 миллион сомонӣ ошкор гардид, ки аз он, изофанависӣ дар корҳои таъмиру сохтмонӣ 2 миллион ва маблағи рӯйпӯшнамудаи андозҳо ба 372,5 ҳазор сомонӣ рост меояд. Аз ҷумла, дар гурӯҳи татбиқи лоиҳа, таҷдид ва идомаи сохтмони мактабҳои миёна марҳалаи 3 ва барномаи омӯзиши касбӣ барои паст кардани сатҳи камбизоатӣ зарари молиявӣ ба маблағи 1,3 миллион сомонӣ муайян карда шуд, ки аз он 1 миллиону 243 ҳазор ба буҷети давлатӣ барқарор карда шуд. Инчунин, дар доираи татбиқи лоиҳаи барқарорсозии системаи обтаъминкунии шаҳрҳои шимолии Тоҷикистон 511,1 ҳазор сомонӣ, маркази идораи лоиҳаи рушди чорводорӣ ва чарогоҳҳо 197, 2 ҳазор, лоиҳаи барқарорсозии системаи обтаъминкунии шаҳрҳои ҷанубии Тоҷикистон 185,3 ҳазор, лоиҳаи беҳтаркунии хизматрасонии тиббии Вазорати тандурустӣ ва ҳифзи иҷтимоии аҳолӣ 140,5 ҳазор сомонӣ муайян карда шудааст.
Дар доираи санҷиши филиали рақами 54-и Бонки давлатии амонатгузории Тоҷикистон «Амонатбонк» дар ноҳияи Бохтари вилояти Хатлон 432,6  ҳазор, ҶДММ  «Сапеда» 112 ва истифодаи мақсадноки маблағҳо ба тариқи кредити додашудаи «Амонатбонк» 342,5 ҳазор сомонӣ зарари молиявӣ ошкор шуд, ки аксари маблағҳо дар рафти санҷишҳои аудиторӣ ба буҷет барқарор шуданд.
Раиси Палатаи ҳисоб дар иртибот ба гузарондани санҷишҳои аудиторӣ дар вазорату идораҳо зикр сохт, ки дар вазоратҳои маориф ва илм беш аз 718 ҳазор сомонӣ, нақлиёт ва зерсохторҳои он 141 ҳазор, энергетика ва захираҳои об ва зерсохторҳои он, инчунин, Барқи тоҷик ва зерсохторҳои он  3,3 миллион, кишоварзӣ 1,1 миллион, тандурустӣ ва ҳифзи иҷтимоии аҳолӣ 2,3 миллион, Кумитаи телевизион ва радио ва сохторҳои он 2, 6 миллион, Агентии беҳдошти замин ва обёрӣ 383 ҳазор сомонӣ зарари молиявӣ ошкор шуд. Дар натиҷа кормандони палата 81 маводи санҷишии аудиториро бо зарари молиявии 71,9 миллион сомонӣ  ба мақомоти ҳифзи ҳуқуқ  ирсол намуданд, ки аз он  истифодаи ғайримақсадноки  исрофкоронаи маблағҳои давлатӣ 19,9 миллион сомониро ташкил медиҳад.
Бино ба иттилои Фаррух Ҳамрализода, Палатаи ҳисоб минбаъд низ фаъолияти худро ҷиҳати таъмини амнияти иқтисодии давлат, иҷрои саривақтиву сифатноки даромад ва хароҷоти буҷети давлатӣ аз тамоми воситаю имкониятҳо истифода бурда, бо мақсади пешгирии амалҳои ғайриқонунӣ, маблағу амволи давлатӣ ва истифодаи мақсадноку шаффофи маблағҳои буҷетӣ тадбирҳои зарурӣ меандешад.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 14.08.2017    №: 170    Мутолиа карданд: 399

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед