logo

фарҳанг

ВОХӮРИИ ХОТИРМОН Ё ЧӢ ГУНА НОМИ НУСРАТУЛЛО МАХСУМ ДАР ХОВАЛИНГ ВИРДИ ЗАБОНҲО ШУД

Дар ноҳияи Ховалинг вақте сухан дар бораи шахсиятҳои шинохта ва барӯманди солҳои 20 - 30 - и замони шӯравӣ меравад, пеш аз ҳама, номи Қаҳрамони  Тоҷикистон Нусратулло Махсум бо некӣ ба забон гирифта мешавад. Зеро ӯ ҳамчун шахси худшиносу худогоҳ, масъулиятшиносу ватандӯст ва раъиятпарвар барои наҷоти миллат ва фардои дурахшони Ватани аҷдодӣ хизмати шоиста анҷом додааст.
Замони кӯдакиву наврасӣ ва ҷавонии Нусратулло Махсум  дар зодгоҳаш - деҳаи Чашмаи Кизии бекигарии Қаротегин, баъдан мардикориву ҳамолӣ дар Қӯқанду Фарғона гузаштааст. Ин марди оқилу дурандеш дар вазифаҳои гуногуни давлатӣ кор карда, аз раиси вилояти Ғарм то раиси Кумитаи Иҷроияи Марказии Ҷумҳурии Шӯравии Сотсиалистии Тоҷикистон расидааст. Дар бораи ҳаёту рӯзгори ибратбахши ӯ, вазниниҳои дар зиндагию кор паси сар намудааш, махсусан ҳаёти пурпечутоби ҳамсараш Ҳалима, фарзандонаш Хосият, Мунавваршоҳ, Акбаршоҳ ва Музаффар дар рӯзномаи писандидаи мардум-«Ҷумҳурият» мақолаҳои зиёде ба табъ расиданд, ки ҳоҷат ба такрор нест. Ҳамин қадар мегӯем, ки бузургӣ ва хизматҳои назарраси ӯ ҳеҷ гоҳ аз лавҳи хотири мардуми тоҷик зудуда намешаванд.
Сокинони солдидаи ноҳияи Ховалинг нақл мекунанд, ки Нусратулло Махсум дар шаҳри Душанбе бо Теша Паҳлавони Ховалингӣ ҳангоми мусобиқаи гӯштин, ки пирӯз гардида буд, ҳамсуҳбат шуда, мушкилашро осон гардондааст. Ин паҳлавони машҳур дар Гузари Паранаки шаҳраки Ховалинг дар оилаи Сафар ном деҳқон, ӯ низ паҳлавон будааст, ба дунё омадааст. Мегӯянд, ки вақте Теша ба гӯштин медаромад, ҳарифашро дар як ё ду дақиқа ба пушт меафтонд. Дар чорабиниҳои варзишии наврӯзӣ ва мусобиқаҳои бузкашӣ ҳамеша дастболо мешуд...
Солҳои 30-юми асри гузашта падарандари Теша Паҳлавон - Зоир Қаровулбегиро бо гуноҳи «аз синфи истисморгар будан» равонаи зиндон карданд. Теша барои дидорбинӣ ба Душанбе омад. Чанд муддат дар пойтахт монд. Барои он ки рӯзаш гузарад, мардикорӣ мекард, аз субҳ то шом хишт мерехт. Музди хуб мегирифт. Рӯзе дар маркази шаҳр мусобиқаи гӯштингирӣ баргузор гашт. Дар он аз тамоми минтақаҳои кишвар паҳлавонҳо иштирок доштанд. Теша Паҳлавон ҳам дар ин чорабинӣ ширкат варзида, се ҳарифи асосиро шикаст дод. Дигар ягон паҳлавон ҷуръат накард, ки ба майдон барояд.
Дар ин мусобиқа раиси Кумитаи Иҷроияи Марказии Ҷумҳурии Шӯравии Сотсиалистии Тоҷикистон Нусратулло Махсум низ иштирок дошт. Раиси КИМ аз тарзи гӯштингирӣ, ҳамзамон ҷасурию чолокии ин ҷавон ба ваҷд омада,  пас аз ҷамъбасти мусобиқа ӯро ба наздаш даъват кард:
- Чӣ ном дорӣ, аз кадом минтақаӣ?
 - Ман Теша Паҳлавон, аз Паранаки Ховалинг.
- Дар Душанбе чӣ кор мекунӣ?
- Падарандарамро аз синфи истисморгар гуфта, ба ин ҷо оварданд. Ҳоло дар зиндон аст. Мардикорӣ карда, ӯро бо нону об таъмин мекунам.
Вақте Нусратулло Махсум ин суханонро шунид, ба дасту бозуи тавонои Теша Паҳлавон нигариста, гуфт, ки падарандаратро, агар бегуноҳ бошад, озод мекунанд.
Ҳамин тавр, субҳи рӯзи дигар Зоир Қаровулбегиро аз зиндон озод намуданд. Баъди ба Ховалинг баргаштани падару писар ин вохӯрии хотирмон нақл шуд ва аз даҳон ба даҳон гузашта, номи неки фарзанди фарзонаи миллат Нусратулло Махсумро вирди забонҳо гардонд.
Амир Сайиди МУНКӢ, ноҳияи Ховалинг


Баёни ақида (0)    Санаи нашр: 15.08.2017    №: 171    Мутолиа карданд: 315

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед