logo

фарҳанг

ПАС, ДЕР НАКУНЕМ!

Омӯзиши таърих ва гузаштаи худ ҳаргиз ба хотири фароғату хуш гузарондани вақт нест. Мақсад аз он шинохти беҳтари миллат, таҳкиму пойдории давлат ва боло бурдани сатҳи маърифату дарки сиёсати давр мебошад. Бузургонамон ҳам таъкид намудаанд, ки:
Ин ҷаҳонро нигар ба чашми хирад,
Не бад-он чашм, к-андар ӯ нигарӣ.
Ҷойи таассуф аст, ки бар асари ноогоҳию фориғболӣ ин ҳама ҳақиқатро нодида мегирем ва боз умедвор мешавем, ки рӯзгори хубу шоиста худ ба худ моро насиб мегардад. Ба ҷуз ин пайомади баъзе аз ҳодисаҳои номатлуби рухдодаро эҳсос намекунему мепиндорем асари бадаш бар мо намерасад.
Ҷойи масаррату шодмонист, ки шумораи корбарони шабакаҳои иҷтимоӣ рӯз ба рӯз дар кишвар меафзояд ва ҳолиё он аз миллион гузаштааст. Аммо ҳолатҳои ногувору муносибатҳо ва мавқеъгириҳои номуносиб ин ҳақиқатро ошкор месозад, ки на аз таърих дуруст сабақ бардоштаему на сатҳи худшиносии миллиамон боло рафтааст. Ончунон дилбохтаи ҳангомаву фитнаҳоем, ки онҳоро аз душманонамон ҳам бисёр хуш мепазирем ва ҳатман дар ҷавоб «аҳсан!» - ашон мехонем.
Мисли ин аст, ки аксар зиёиён рисолати худро фаромӯш кардаанд. Ва ё гурӯҳе аз онҳо сахт метарсанд, мабодо номашон дар «рӯйхати сиёҳ» биафтад. Чаро намеандешем, ки душманони миллату давлати мо барои мо ҳеҷ гоҳ «рӯйхати сафед» надоштанду надоранд? Чаро аз кору рӯзгори устод Садриддин Айнӣ дарси ибрат намегирем? Магар барои ӯ осон буд бо душманони сарсахту ҷонсахти миллату давлати тоҷикон мубориза бурдан? Ҷисму ҷони худро ӯ барои ҳифзу пойдории мо сипар намуд.
Душманон, мухолифон, мутаассибон рӯ ба рӯи мо овоз баланд мекунанду мо дар посух ба онҳо хомӯширо ихтиёр мекунем. Аз ин ҳама рамуз мегиранд, ки ба тақдири худу ояндаамон бетафовутем ва дар натиҷа тадбирҳои муассиртар барои маҳв гаштанамон меандешанд.
Ин миллати борҳо ҷабри таърих кашида оқибат истиқлол ба даст овард. Аммо душманон ин дастовард, ин ҳадяи эзадиро хуш қабул накарданд ва хостанд ба ин бор ҳатто номи кишвари моро аз харитаи ҷаҳон барои умре маҳв бисозанд. Ба ин хотир, ҷанги шаҳрвандиро таҳмил намуданд, ки бар асари он ҳазорон намояндагони миллат, сокинони ин диёри маҳбуб аз зиндагӣ маҳрум шуданд ва беш аз он муҳоҷири иҷборӣ.
Душманон, мухолифонамон ба ҳар сурат, ба ҳар шакл бо мо ба мубориза, ҷанги рӯ ба рӯ бархостаанду ин ҳамаро нодида мегирем. Бадбахтии бештару бузургтар он аст, ки бархе аз ҳаммиллатони мо бар осиёби гардони онҳо об мерезанд. Албатта, ба ин умед, ки муште орд насибашон мегардад. Наметавон ин амали номатлубу нангинро хиёнат ба миллату давлат наҳисобид. Номҳову чеҳраҳову мавқеъҳо мисли солҳои пешин ноошно нестанд. Ҳар кирдори худро хидмати бузургу таърихӣ барои ҷомеаи ҷаҳонӣ мешуморанд ва мутмаин месозанд, ки номашон дар саҳифаҳои заррини таърих, ба яқин, навишта мешаванд. Аммо:
Чаро оқил кунад коре, ки боз орад пушаймонӣ?
То ба кай фиреби онҳоро мехӯрем? То ба кай доми онҳо бароямон биҳишти гумшуда менамояд? Дар ин домҳо ҳар кӣ афтодааст, маҳол аст, ки раҳоӣ биёбад. Барҳақ фармудаанд:
Ба дому дона нагиранд, мурғи доноро.
Бархе аз мо тамошобин аст, бехабар аз он ки ин саҳна аз саҳнаи театр фарқ дорад. Шамшер на тасодуфан, балки қасдан низ бар сари хам ҳам фуруд меояд. Ин оташи фитна хушку тарро ҳама якҷо месӯзад. Замону давронест, ки ҳар зиёӣ, ҳар ватандори асил ба амалу навиштаҳои бадғаразон бо донишу маҳорату ҷасорате, ки дорад, бояд посух бигӯяд, посухи сазовор. Набояд душманону мухолифонамон бупиндоранд, ки мо дар хобем, дар хоби ғафлатем ва ба ҳимояи Ватану сарзамини аҷдодӣ ҳеҷ барнамехезем.
Дар ин сарзамин, дар ин хоки аҷдодӣ нафас мегирем, ба камол расидаем, ҳамчун миллати асил ташаккул ёфтаем. Пас, бояд бар ҳифзи он ҳамеша омода бошем, нагузорем, ки тариқи шабакаҳои иҷтимоӣ бар мо санг бизананд. Ҷои номусу нанг аст. Дуруст фармудаанд, ки раҳи оби ҷӯйро метавон ба бел гирифт. Интизор набошем, ки он ба сел табдил биёбаду мулкро хароб бинамояду мардумро дар ранҷу азоб бигузорад.
Ва низ ба таъкид гуфтаанд: «Душманат гар пашша бошад, камтар аз филаш мадон».
Оре, бояд вақтшиносу дунёшинос бошему душманро аз дӯст фарқ карда битавонем. Агар акси ҳол бошад, душманону мухолифон барои маҳву нестии ин миллат неруи тоза меёбанд ва саъю кӯшишашон тариқи шабакаҳои иҷтимоӣ низ ба маротиб меафзоянд. Пас дер накунем, ки ҳар лаҳза қимату ғанимат аст. Бетараф набошем, худро нафурӯшем ва миллату Ватани азизамонро бузургтарин неъмату ганҷ бидонем.
Абдулқодири РАҲИМ, «Ҷумҳурият»


Баёни ақида (0)    Санаи нашр: 15.08.2017    №: 171    Мутолиа карданд: 498

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР


Дар сомонаҳои дигари Тоҷикистон хонед