logo

иҷтимоиёт

ДАНҒАРА. КАСБУ ҲУНАРҲОИ АҶДОДӢ ЭҲЁ МЕГАРДАНД

Имрӯз қариб дар ҳама шаҳру ноҳияҳои мамлакат корхонаҳои хурди саноатӣ, коргоҳҳои атласу адрасбофӣ арзи вуҷуд карда истодаанд. Сарвари давлат дар Паёми навбатиашон ба Маҷлиси Олии Ҷумҳурии Тоҷикистон таъкид намуданд, ки ҷиҳати васеъ ба роҳ мондани корҳои гулбурӣ, кашидадӯзӣ, дӯзандагӣ, адрасу атласбофӣ, заргарӣ, бофандагӣ, кандакорӣ, қолинбофӣ ва дигар навъҳои косибиву ҳунармандӣ дар шаҳру ноҳияҳо чораҳои муассир андешида шавад. Дар ноҳияи Данғара низ оид ба эҳё намудани ҳунарҳои қариб аз байн рафтаи мардумӣ ва анъанаҳои миллӣ тадбирҳои зарурӣ роҳандозӣ мешаванд.

Бо ин мақсад дар Донишгоҳи давлатии Данғара марказҳои таълимии тренингии «Дунёи ҳунар» ва «Чаманоро» фаъолият менамоянд. Дар ин марказҳо курсҳои омӯзишӣ ба роҳ монда шудааст. Курси кутоҳмуддати «Мақсад» - ро 30  нафар занону духтарон хатм намуда, соҳиби шаҳодатномаи тахассусӣ гардиданд. Айни замон, дар ин курсҳо 60 нафар занону духтарон ба омӯзиш фарогир шудаанд.
Дар назди шуъбаи агентии меҳнат ва шуғли аҳолӣ ноҳияи Данғара филиали муассисаи давлатии «Маркази таълими калонсолони Тоҷикистон» ташкил шудааст. Дар муассисаи мазкур омӯзиши ҳунарҳои мардумӣ ба роҳ монда шуд. Чор адад дастгоҳи адрасбофӣ харидорӣ ва айни замон 16 нафар занону духтарони ноҳия ба омӯзиши адрасбофӣ машғул мебошанд. Бо ташаббуси роҳбарияти  Ҷамоати деҳоти Абдулло Ҳафизов маркази истеҳсолии атласу адрасбофӣ ташкил шуда, дар он 6 адад дуконҳои адрасбофӣ насб гардидаанд. Дар ин давра 22 нафар занону духтарони хонашин ба касбомӯзӣ фаро гирифта шуданд. То ҳол зиёда аз 500 метр адрас истеҳсол карда шуд. Бо мақсади боз ҳам равнақ додани ҳунарҳои мардумӣ ва ташкили ҷойҳои нави корӣ барои бонувони ноҳия, дар деҳаи Ҳусейншайхи Ҷамоати деҳоти Корез сохтмони корхонаи дӯзандагӣ идома дорад, ки баъди ба истифода додани он зиёда аз 50 нафар занону духтарони гирду атрофи деҳот бо ҷойи кор ва маоши доимӣ таъмин мегарданд.
Бино ба иттилои Ориф Воҳидов, мудири бахши сармоягузорӣ ва идораи амволи давлатии мақомоти иҷроияи  маҳаллии ҳокимияти давлатии ноҳияи Данғара дар деҳаҳои Хоҷа Шақиди Балхӣ, Баҳор, Алиҷон, Дилнишин, Шаҳбур, Чорсада ва Ҷамоати шаҳраки Данғара чунин курсҳо ба роҳ монда шудааст. Дар маҷмӯъ, зиёда аз 147 нафар ба касбомӯзӣ фаро гирифта шудаанд.
Дар деҳаи Остонаи Ҷамоати деҳоти Лолазор ҳунарманди маҳаллӣ Зуҳро Кенҷаева хона-музейи оилавӣ таъсис додааст, ки дар он намунаҳои ҳунарҳои аҷдодӣ аз қабили кашидадӯзӣ, куртаҳои чакани мардумӣ, гулдӯзиҳо, кӯзаву хурмаҳои қадимии мутааллиқ ба асрҳои гузашта нигоҳ дошта мешаванд.
Холназар КАСИРОВ, «Ҷумҳурият»


Баёни ақида (0)    Санаи нашр: 16.08.2017    №: 172    Мутолиа карданд: 363

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед