logo

сиёсат

АХЛОҚ ҒАНОВАТИ МАЪНАВИСТ

Дар ҳошияи мақолаи С. Ятимов «Илм ва амният», «Ҷумҳурият», 30 майи соли 2017
Вазъи феълии ҷаҳони муосир аз ҳар нафари худогоҳу хештаншинос тақозо менамояд, ки дар ҳифзу таҳкими дастовардҳои Истиқлолияти давлатӣ беш аз ҳар вақти дигар камари ҳиммат бандад. Зеро Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳанӯз дар Иҷлосияи таърихии XVI Шӯрои Олии Ҷумҳурии Тоҷикистон ба ин масъала таваҷҷуҳ зоҳир намуда, ҳифзи дастовардҳои истиқлолиятро ба сифати ғояи миллӣ муайян карданд.
Ба ҳифзи Истиқлолияти давлатӣ ҳимояи асолат, забон, расму ойин, фарҳанг ва адабу ахлоқи миллӣ низ марбут аст. Ин ҷо сухан, пеш аз ҳама, атрофи истифодаи афкори ҷомеа меравад. Заифии ақлу идрок, ки ба дониш, таълиму тарбия вобастагӣ дорад, метавонад барои пиёдасозии ҳадафҳои тахрибкоронаю ғаразноки гурӯҳҳои алоҳида истифода шавад. Ба муқобили ин падидаи номатлуб, ки дар раванди ҷаҳонишавӣ ба арзишҳои миллӣ таъсири манфӣ мерасонад, чиро метавон садд гузошт? Дар ин маврид профессор С. Ятимов дар мақолааш хеле ҳадафманд ва боварибахш андешаи худро баён кардааст: «Дар муқобили доноӣ ва амалкарди бадхоҳон, фақат тавассути такя кардан ба илм, маърифат, усули шинохти аъмоли зиддимиллӣ, ҳушёриву зиракии сиёсӣ ва истодагарии мақсаднок ғолиб омада метавонад».
Дар ин ҷо муаллиф унсур ё воситаҳоеро нишон додааст, ки онҳо омили муҳиме дар мубориза алайҳи терроризм, дигар намуди тахрибкорӣ шуда метавонад. Аз ин миён метавон ахлоқро муҳим арзёбӣ кард. Пайдост, ки ахлоқ ва анвои он (тарбияи ақлонӣ, тарбияи ахлоқӣ, тарбияи равонӣ, фарҳангӣ ва ғайра) дар заминаи холӣ ташаккул намеёбанд. Онҳо, пеш аз ҳама, ба таълиму тарбия, муҳити ҷомеа вобастагӣ доранд. Яъне, таълиму тарбия заминаи устувор дар тарбияи ахлоқианд ва онҳо дар ташаккули насли наврас ҳамчун шахсияти комил ба воя расидан нақши муҳим доранд. Ғановати маънавӣ дар ташаккули шахсият бештар аз сарватҳои моддӣ арзиш дорад. Ин ғановати маънавӣ  ахлоқ аст. Аз ин ҷост, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахши таълиму тарбияро омили асосии таҳкими давлатдорӣ ва наҷоти миллат меҳисобанд. Зеро танҳо инсонҳои соҳибмаърифату худшинос, дорои ахлоқи неку фарҳанги воло метавонанд ҳувияти миллии худро ҳифз намоянд.
Қабули Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», дигар барномаҳои давлатӣ маҳз ба ин мақсади наҷиб равона шудаанд. Сарвари давлат тарбияи ахлоқиро бахши муҳими низоми омӯзиши кишвар меҳисобанд. Зеро худи ахлоқ мактаби асолати арзишҳои миллист. Ин неруи қавист, ки метавонад ба ангеза, таъсири харобиовари ҷаҳонишавӣ дар муқовимат бошад.
Тӯли асрҳо ҳифз намудани асолати миллӣ, забону фарҳанг аз дош-тани ахлоқу иродаи қавии халқамон гувоҳӣ медиҳад. Он имрӯз ҳам идома дошта, қавию устувор гардидааст, ки ҳифзи дастовардҳои даврони соҳибистиқлолӣ дар меҳвари он қарор дорад. Дар ин маврид профессор С. Ятимов намунаи ибратомӯзу ҷолибе овардааст: «Агар ба хотири барпо кардани давлат чи қадар ҷоннисориҳо шуда бошад, барои ҳифз кардан, дар амну осудагӣ ва рушду тараққӣ нигоҳ доштани давлат, сарфи на камтар аз он зарур аст. Фаъолияти ҳаррӯзаи Пешвои муаззами миллати тоҷик нишонгар ва намунаи олии ҳамин гуна муносибат ба тақдири имрӯзу ояндаи давлати миллии мо мебошад». 
Аъзам МӮСОЕВ,
Корманди шоистаи Тоҷикистон


Баёни ақида (0)    Санаи нашр: 18.08.2017    №: 174-175    Мутолиа карданд: 454

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед