logo

ҳуқуқ

ҶИНОЯТКОРИИ МУТАШАККИЛОНА. ДАР ШАШ МОҲ ШАШ ГУРӮҲ ОШКОР ВА МАҲВ КАРДА ШУД

Солҳои охир як қатор зуҳуроти номатлуб, назири терроризм, экстремизм ва ҷинояткории муташаккилона ба хатари глобалӣ табдил ёфта, ҷаҳони муосирро ба ташвиш овардаанд. Мусаллам аст, ки афзоиши ҷиноятҳои хусусияти экстремистӣ ва террористидошта ба вусъат ёфтани терроризми байналмилалӣ, ҷалби ҷавонон ба сафи созмонҳои даҳшатафкану ифротгаро ва иштироки онҳо дар низоъҳои мусаллаҳонаи давлатҳои хориҷӣ мусоидат менамояд.

Мақомоти ҳифзи ҳуқуқ ва ниҳодҳои қудратии Ҷумҳурии Тоҷикистон дар самти пешгирии чунин хатарҳо тадбирҳои муассир андешида, гурӯҳҳои зиёди муташаккили ҷиноятиро ошкор ва маҳв сохта, аъзои онҳоро ба ҷавобгарии ҷиноятӣ кашиданд. Аз ҷумла, бар пояи иттилои Вазорати корҳои дохилӣ, дар нимсолаи якуми соли равон аз ҷониби кормандони ин ниҳод шаш гурӯҳ дар ҳайати 21 нафар дастгир ва ба ҷавобгарии ҷиноятӣ кашида шудааст. Дар соли гузашта бошад, 34 гурӯҳи муташаккили ҷиноятӣ дар ҳайати 167 нафар ошкор ва боздошт гардид. Дар маҷмӯъ, аз ҷониби аъзои ин гурӯҳҳои тахрибкор дар қаламрави мамлакат 146 ҷиноят содир гардид. Аз гурӯҳҳои муташаккили дастгиршуда 27 гурӯҳаш, ки 130 нафар аъзо дошт, барои содир намудани ҷиноятҳои хусусияти террористӣ ва экстремистидошта ба ҷавобгарии ҷиноятӣ кашида шуд.
Муомилоти ғайриқонунии маводи мухаддир омили дигари нигаронкунанда буда, яке аз сарчашмаҳои асосии маблағгузории терроризми байналмилалӣ маҳсуб меёбад. Вобаста ба ин, мақомоти корҳои дохилӣ дар соли сипаришуда ва шаш моҳи соли ҷорӣ ҳафт гурӯҳро дар ҳайати 27 нафар барои содир намудани ҷинояти мансуб ба муомилоти ғайриқонунии воситаҳои нашъаовар дастгир ва безарар гардондааст. Ҳамзамон, чор гурӯҳ дар ҳайати 22 нафар барои содир намудани ҷинояти роҳзанӣ, як гурӯҳ дар ҳайати 4 нафар барои ҷиноятҳои дуздӣ, як гурӯҳ дар ҳайати 5 нафар барои содир намудани ҷинояти тамаъҷӯӣ боздошт ва муҷозот гардидаанд.
Ин далелҳо нишон медиҳанд, ки мақомоти ҳифзи  ҳуқуқ  ва  сохторҳои низомии  кишвар фаъолияти худро дар самти мубориза бар зидди ҷинояткорӣ, хусусан, ҷинояткории муташаккилона ва фаромиллӣ, таъмини амнияту тартиботи ҳуқуқӣ, мустаҳкам намудани иқтидори мудофиавии мамлакат, ҳимояи ҳуқуқу озодиҳои инсон ва шаҳрванд, манфиатҳои давлат ва ҷомеа таҳким бахшидаанд.
Додоҷон РӮЗИЕВ, “Ҷумҳурият”


Баёни ақида (0)    Санаи нашр: 18.08.2017    №: 174-175    Мутолиа карданд: 528

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед