logo

иқтисод

"ОЗОД ТРАНС". ТЕРМИНАЛИ НАВИ МУСОФИРБАРӢ БА ФАЪОЛИЯТ ОҒОЗ КАРД

Терминали «Озод транс», ки барои хизматрасонии нақлиётӣ ба мусофирону ронандагон бунёд шудааст, дар назди дарвозаи шарқии шаҳри Душанбе ҷойгир аст. Дар бино ва майдони назди терминал барои хизматрасонии баландсифат ба мусофирон ва ронандаҳо тамоми шароит фароҳам аст. Мусофирону гуселкунандагон метавонанд то лаҳзаи саворшавӣ ба автобус, микроавтобус ё мошинҳои сабукрав дар толори барҳавои интизорӣ фароғат намоянд, рӯзномаю маҷалла, китоб хонанд, телевизор тамошо кунанд, ба бозиҳои шавқовари зеҳнӣ машғул шаванд, хӯроки гарм хӯранд, чой, қаҳва ва нӯшокиҳои дигар нӯшанд. Ронандагон имкон доранд мошинҳои худро пеш аз сафар (ё баъд) аз муоинаи техникӣ гузаронанд, шустушӯ ва тоза намоянд.
Бинои марказии терминали «Озод транс» хуштарҳу зебо ва сеошёна буда, дар ошёнаи аввал бинои интизорӣ бо ғунҷоиши 90 кас дар як вақт, ошхона барои 60 кас, нуқтаи муоинаи тиббӣ, хонаи модару кӯдак ва дигар ҳуҷраҳои хизматрасонӣ ҷой гирифтаанд. Дар ошёнаҳои дуюму сеюми бино меҳмонхона барои мусофирону ронандагон ҷойгир аст. Майдони умумии терминал 1,48 гектарро ташкил дода, аз таваққуфгоҳ барои то 300 воситаи нақлиёти автомобилӣ, нуқтаҳои шустушӯй, таъмир ва хизматрасониҳои дигари техникӣ иборат мебошад. Дар як гӯшаи майдони терминал нуқтаи фурӯши сӯзишвории нақлиёт ба муштариён хизмат мерасонад.
Терминал дар давоми ду сол аз ҷониби ҶДММ «Озод интернейшнл» бунёд гардид. Маблағи лоиҳавии сохтмон қариб 4 миллион сомониро ташкил дода, камтар аз нисфи ин маблағ барои харидан ва насби таҷҳизоту воситаҳои техникӣ масраф шудааст.
«Озод транс», тибқи нақша, барои мусофироне, ки аз шаҳри Душанбе ба шаҳру ноҳияҳои Ваҳдат, Роғун, Файзобод ва минтақаи Рашт сафар мекунанд, пешбинӣ гардидааст. Ҳамчунин, ҳаракати автобусу микроавтобусҳои 7 хатсайри нақлиётӣ, ки ба сокинону меҳмонони шаҳри Душанбе хизмат мерасонанд – автобусҳои № 2, 7, микроавтобусҳои № 2, 5, 5А, 18, 43 аз ҳамин макон оғоз меёбад.
Корҳои сохтмонии иншоотро беш аз 50 нафар мутахассисони бинокори тоҷик анҷом доданд. Айни ҳол дар терминали нав қариб 40 сокини маҳаллӣ бо кори доимӣ фаро гирифта шудааст. Дар назар аст, ки бо васеъ гардидани ҳудуди терминал ва бунёди иншооти дигари хизматрасон шумораи ҷойҳои нави кор зиёд карда шавад.
Роҳбарону масъулони мақомоти иҷроияи маҳаллии ҳокимияти давлатии ноҳияи Шоҳмансури шаҳри Душанбе ва ҷамъияти «Озод интернейшнл» бунёди ин иншооти замонавиро самараи неъмати ваҳдати миллӣ, оромию суботи кишвар ва фазои мусоиди соҳибкорию созандагӣ, ки дар натиҷаи фидокорию заҳмату талошҳои пайвастаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадаанд, арзёбӣ намуданд.
Терминал шабонарӯзӣ фаъолият мекунад. Он ба Душанбашаҳр ҳусни тоза зам намуда, ҳамчунин, иқдоми муҳимест дар самти боло бурдани сатҳи хизматрасонии нақлиётӣ ба сокинону меҳмонони пойтахт, озодатар гардидани ҳаракати нақлиёт дар кӯчаю хиёбонҳо, коҳиш ёфтани танбашавӣ ва туҳфаи арзандаест ба истиқболи солгарди Ҷашни бузурги миллӣ – Истиқлолияти давлатии Ҷумҳурии Тоҷикистон.
С. АЗИЗӢ, «Ҷумҳурият»


Баёни ақида (0)    Санаи нашр: 18.08.2017    №: 174-175    Мутолиа карданд: 399

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед