logo

иқтисод

РУШДИ КӮЛОБ. МАРДУМ АЗ ИҶРОИ БАРНОМА ИНТИЗОРИҲОИ ЗИЁД ДОРАД!

Барномаи рушди иҷтимоиву иқтисодии шаҳри Кӯлоб барои солҳои 2015-2019 тибқи қарори Ҳукумати Ҷумҳурии Тоҷикистон ҷиҳати рушди самтҳои иқтисодию иҷтимоии шаҳр, таъмини аҳолии маҳаллӣ бо ҷойҳои корӣ ва паст намудани сатҳи камбизоатӣ қабул шудааст. Давоми ин муҳлат 262 лоиҳа бо маблағи 1 миллиарду 46 миллион сомонӣ бо ҷалби ҳама намуди сарчашмаҳои сармоягузорӣ амалӣ карда мешавад.
Абдураззоқ Хӯҷамқулов, мудири шуъбаи иқтисоди мақомоти иҷроияи маҳаллии ҳокимияти давлатии шаҳр, иброз дошт, ки дар доираи барнома то ҳол 12 корхона сохта ба истифода дода шудааст. Аз ҷумла, корхонаҳои хишт бо иқтидори истеҳсолии 4 миллион дона дар як сол ва коркарди шир, инчунин, 10 коргоҳи хурди қаннодӣ, дӯзандагӣ, дару тирезаҳои пластикӣ ба фаъолият пардохтанд. Корҳои сохтмонӣ дар 26 иншооти дигар идома доранд.
Бо ҷалби сармояи хориҷӣ  бояд корхонаҳои консервабарорӣ ва ресандагӣ сохта мешуданд, вале бинобар сабаби нарасидани сармоя корҳо дар ин самт оғоз нагардидаанд.
Дар бахши маориф бояд 8 муассисаи таълимӣ сохта мешуд. Мутаассифона, айни замон танҳо як мактаб аз ҳисоби соҳибкорон сохта, мактабҳои Ҷамоати деҳоти Даҳана ва № 37-и маркази шаҳр дар асоси барнома навсозӣ шудааст.  Сохтмони муассисаҳои дигар идома дорад.
Барои ободу зебо гардондани намои шаҳри Кӯлоб ва таъмини ҳаракати муназзами нақлиёт дар дохили шаҳр дар асоси барнома сохтани биноҳои бисёрошёна ва тармиму таҷдиди 24 километр роҳҳои байнишаҳрӣ дар назар аст. То ин давра аз тарафи соҳибкорони маҳаллӣ як бинои панҷошёнаи истиқоматӣ бунёд ёфта, меҳмонхонаи “Чинор” ба фаъолият оғоз кард. Сохтмони ду бинои нуҳошёнаи дигар бо сабабҳои гуногун ба таъхир афтодааст. Дар марҳилаи аввал бо ҷалби сармояи хориҷӣ 5,8 километр роҳ таҷдиду азнавсозӣ шуд. Дар марҳилаи дуюм 11,4 километр роҳ сохта мешавад ва корҳо аллакай оғоз гардиданд. Сохтмони як пул ба итмом расида, пули дигар бо дарозии 24 метр то ҷашни 26 - солагии Истиқлолияти давлатӣ ба истифода дода мешавад. 
Барои таъмин намудани бозорҳои шаҳр бо маҳсулоти худӣ дар доираи барнома бояд зиёда аз 300 гектар боғ барқарор карда мешуд. Вале танҳо 15 гектар барқарор гардидааст.
Яке аз мушкилиҳои асосии шаҳру деҳоти Кӯлоб бо оби тозаи ошомиданӣ таъмин намудани аҳолӣ мебошад. Дар доираи барнома сокинони 4 деҳа ва 6 маҳаллаи аҳолинишин аллакай бо оби нӯшиданӣ таъмин гардиданд.
Дар ду сол 116 лоиҳа амалӣ шуд, ки 56,6 дарсади дурнамои дар барнома муайяншударо ташкил медиҳад. Саҳми соҳибкорон дар бунёди иншооти иҷтимоию иқтисодӣ ва амалисозии барнома нисбат ба солҳои қаблӣ бештар шудааст.
Комрон САФАР,  “Ҷумҳурият”


Баёни ақида (0)    Санаи нашр: 21.08.2017    №: 176    Мутолиа карданд: 478

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед