logo

иқтисод

ИХТИРОЪ ВА НАВОВАРӢ. ҲАМҚАДАМИ ЗАМОН БОШЕМ!

Ихтирооту  навоварӣ дар ҳама давру замон барои рушду маҳсулнокии меҳнату самаранокии истеҳсолот мусоидат намуда, яке аз омилҳои асосии беҳтар намудани шароити зиндагии мардум маҳсуб меёбад.

Инсон аз қадимулайём ба тахайюлоти офариниш дода шудааст. Маҳз  маҳсули хирад ва ғояҳои неки инсонӣ имрӯз ба ҷомеаи ҷаҳонӣ ҳусни дигар бахшидааст. Моликияти зеҳнӣ  ганҷест пурарзиш ва гаронбаҳо. Дар шароити имрӯза иқтидор ва қувваи  давлат на танҳо аз рӯи боигариҳои табиию канданиҳои фоиданоки он, балки аз рӯи истифодаи моликияти зеҳнӣ, аз  ҷумла моликияти саноатӣ ва технологияҳои иттилоотии нави он, баҳогузорӣ мешавад. Аз ин рӯ, давлат ва Ҳукумати ҷумҳурӣ рушд ва тараққӣ додани соҳаи моликияти зеҳниро яке аз самтҳои муҳими сиёсати иқтисодӣ дониста, дастгирӣ ва ҳифзи ҳуқуқии ихтироъкорон, навоварон ва дигар шахсони эҷодкорро дар қаламрави кишвар ва берун аз он таъмин менамояд.
Дар асоси дастуру супоришҳои Асосгузори сулҳу ваҳдати миллӣ -  Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон  бо мақсади ҷалби афроди лаёқатманд ба навоварию ихтироъкорӣ, тарғибу ташвиқи соҳа дар байни аҳолӣ, дастгирӣ ва ҳавасманд намудани ихтироъкорону навоварони ҷумҳурӣ муассисаи давлатии “Маркази миллии патенту иттилоот” ҳамасола дар доираи як қатор озмунҳо ва чорабиниҳо онҳоеро қадрдонӣ менамояд, ки бо хирад ва офаридаҳои хеш, бо эҷоди тахайюлот ҷиҳати  беҳбудии зиндагӣ ва ҷомеаи имрӯза  кору фаъолият менамоянд ва дастовардҳои зеҳнии хешро барои манфиати халқ равона месозанд. Муассиса  ҳамчун мақоми ваколатдори давлатӣ оид ба ҳифзи объектҳои моликияти саноатӣ  амалигардонии сиёсати ягонаи давлатиро дар соҳаи ҳифзи ҳуқуқии объектҳои моликияти саноатӣ, аз ҷумла ихтироот, таъмин менамояд. Бо ибтикори муассиса дар ду сол як маротиба дар доираи ҷашнҳои Рӯзи ихтироъкорон ва навоварони Ҷумҳурии Тоҷикистон ва Рӯзи байналмилалии моликияти зеҳнӣ (26 апрел) озмуни ғайритиҷоратии «Ихтироъкори беҳтарини Тоҷикистон» баргузор мешавад.
Ҳукумати кишвар ба неруи зеҳниву ақлонии ихтироъкорону навоварон умед ва боварии комил дошта,  баҳри  дар амал татбиқ намудани андешаҳои илмии онҳо ва барои дастгирии аҳли илм, ихтироъкорону навоварон ҳамаҷониба талош менамояд. Дар  солҳои Истиқлолияти давлатӣ барои саҳми арзанда гузоштан дар самти ихтироъкориву навоварӣ як қатор ихтироъкорони ҷумҳурӣ бо нишону ҷоизаҳои ватанӣ ва байналмилалӣ қадрдонӣ  шудаанд. Аз ҷумла, 21 нафар ихтироъкор бо медали тиллои Созмони умумиҷаҳонии моликияти зеҳнӣ, 16 нафар бо Нишони фахрии «Маркази миллии патенту иттилоот» сарфароз гардидаанд.  
Солҳои охир дар қатори ҷавонон сафи занони ихтироъкор низ рӯз то рӯз афзуда истодааст. Маҳсули дасти занҳои ихтироъкори кишвар дар намоишгоҳҳои байналмилалии «Занҳои ихтироъкори ҷаҳон»  солҳои 2012 - 2016 (шаҳри Сеули Ҷумҳурии Корея) сазовори медалҳои тилло, нуқра ва биринҷӣ гардидаанд.
Асри XXI асри иттилоот ва технология буда, навоварию эҷодкорӣ бо суръати баланд пеш рафта истодааст. Ихтироъкорон ва навоварони моро низ зарур аст, то ҷиҳати ҳамқадами замони муосир гардидан боз ҳам кӯшиш ба харҷ дода, бо ихтирооту эъҷодиёти навин, маҳорату истеъдод ва донишу малакаи хеш дар рушду шукуфоии кишвар бештар саҳм гиранд.
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 21.08.2017    №: 176    Мутолиа карданд: 407

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад


Дар сомонаҳои дигари Тоҷикистон хонед