logo

иқтисод

ХАТЛОН. ЧАРО САРИ МУШКИЛОТИ ДЕҲҚОН НАМЕАНДЕШЕМ?!

Аҳолӣ ва хоҷагиҳои деҳқонии шаҳру ноҳияҳои вилояти Хатлон дар иҷрои яке аз ҳадафҳои асосии стратегии Ҳукумати кишвар - таъмини амнияти озуқаворӣ ва дастрасӣ ба ғизои хушсифат саҳми муносиб мегузоранд. Онҳо дар нимсолаи аввали соли ҷорӣ аз 413 ҳазор гектар замини кишт дар 13,5 ҳазор гектар (101,3 дарсад) полизӣ кишт кардаанд, ки ҳосили он 164 ҳазор тоннаро (10 дарсад нисбат ба соли гузашта зиёд) ташкил намуд. Маҳсулоти полизӣ - тарбузу харбуза фаровон гардида, бозорҳоро пур кард. Афзоиши зироатҳои полизӣ ба ҳадде расид, ки деҳқонон ҳатто маҳсулоти худро сари вақт фурӯхта натавонистанд ва он то андозае талаф низ ёфт. Барои огоҳии бештар ба омӯзишу таҳлили ҳолати воқеӣ хабарнигори «Ҷумҳурият» ба ноҳияҳои Ҷайҳун, Ҷалолиддини Балхӣ, Дӯстӣ ва Панҷи вилояти Хатлон, минтақае, ки кишоварзонаш бештар ба кишти полизӣ машғуланд, сафар кард.

Кишоварзон аз кишти полизӣ даст мекашанд?
- Кишоварзони ноҳияи Ҷайҳун истеҳсоли маҳсулоти боғу киштаҳоро ба 100 ҳазор тонна расонданд. Миқдори зиёди ҳосилро полизӣ ва сабзавот, аз ҷумла тарбузу харбуза, ҳандала ва пиёз, ташкил медиҳад. Имсол нархи полизӣ, хеле арзон шуд. Ҳарчанд нархи картошкаву пиёзро кишоварзон поин фароварда натавонистанд. Кишти аз меъёр зиёди маҳсулоти полизӣ сабаби фаровонии он гардид. Деҳқонони ноҳия назар ба порсола 269 гектар (дар маҷмӯъ 1884 гектар) зиёд полизӣ кишт намуда, ба ҳисоби миёна аз ҳар гектар беш аз 260 - сентнерӣ маҳсулот ҷамъ оварданд, - гуфт Нуралӣ Валиев, сардори раёсати кишоварзии ноҳия.
- Мо барои ба кишт омода кардани замин чанд сол кор кардем, маблағи зиёд сарф шуд. Имсол ҳосилнокии тарбуз хуб буд, аммо, афсӯс, набудани харидор, мо - деҳқононро нороҳат кардааст. Ҳосили кишти барвақтии полизиро арзон фурӯхта, алҳол дар ҷойи он сабзӣ коштам. Дар 2 гектари боқимонда дертар тарбуз кошта будам, ҳоло харидоронро интизорам, - гуфт Ғолиб Хайруллоев, роҳбари хоҷагии деҳқонии «Ҳоҷӣ Убайд».
Дар сари замини зироатҳои полизии ноҳия дидем, ки бештари тарбуз сӯхта ва нобуд шудааст. Деҳқонон барои он ки зарари зиёд набинанд, ҳосили бехаридори пеширо канда, ба кишти такрорӣ омодагӣ медиданд. Онҳо розӣ буданд, то маҳсулоти полизии худро бо нархи паст фурӯшанд. «Баъзан ҳолатҳое мешуд, ки тарбузро ройгон медодем. Зеро бештари он талаф меёфт», - гуфтанд кишоварзон.
Кишоварзони ноҳияи Ҷалолиддини Балхӣ барои парвариши тарбузу пиёз аз тухмиҳои серҳосил ва кишти зери плёнка истифода мебаранд, ки алъон самараи хуб медиҳад.
- Имсол кори кишоварзони ноҳияи мо омад кард. Натиҷаҳо назар ба  соли гузашта хеле беҳтаранд. Ҳосили 800 гектар тарбуз нағз шуд. Аз Қирғизистону Афғонистон низ омада ин навъи маҳсулотро мехариданд. Аммо деҳқонон аз арзон шудани нархи он шиква доштанд, -  гуфт Ҷамолиддин Ғуломов, сардори раёсати кишоварзии ин ноҳия.
Роҳбари хоҷагии деҳқонии «Аюбов Маҳмадшариф» аз он нигарон аст, ки заҳмати зиёд кашида бошад ҳам, ба зиёни иқтисодӣ мувоҷеҳ шудааст.
- Барои кишти 2 гектар тарбуз 6200 сомонӣ сарф кардам, аммо, бо вуҷуди ҳосили хуб, маблағи ҷамъоварда бо сабаби арзонии нарх танҳо 4000 сомониро ташкил дод. Шояд аз ҳосили боқимонда каме маблағ ҷамъ кунам. Ният дорам, ки аз ҳисоби кишти такрорӣ зиёни дидаро ҷуброн созам.
Кори деҳқонони полизикори ноҳияи Дӯстӣ имсол омад накард. Ҳосил ба савдо нарафт. Каримов Ҷумагелдӣ, яке аз деҳқонони ноҳия, мегӯяд, ки аз ҳосили имсола ҳандала хуб ба савдо рафт. Аз тарбуз бошад, зарар дид. Барои хароҷотро пӯшондан дар 0,45 гектар тамоку кошт. Кишти тамоку дар ҳама ҳолат фоидаи зиёдтар дорад. Нархи як килои он аз 16 сомонии соли гузашта имсол ба 22 - 25 сомонӣ расидааст.
Ёдовар бояд шуд, ки кишоварзони ноҳия мувофиқи дурнамо бояд дар 45 гектар тамоку кишт мекарданд, аммо майдони онро ба 74 гектар расондаанд. Онҳо мегӯянд, ки бо ин роҳ зарари кишти полизии имсоларо пӯшондан мехоҳанд.
Маҳмадҷон Абдуллоев, роҳбари хоҷагии деҳқонии «Фарғона» - и ноҳияи Панҷ бошад, аз кишти тарбузу харбуза зарари калон дид. Барои ҷуброни он дар кишти такрорӣ дар 4,5 гектар сабзиву пиёз коштанист.
- Барои зиёд намудани майдони кишти картошкаву сабзавоти дигар дар ноҳияи Панҷ имкониятҳои истифоданашуда зиёданд. Кӯшиш дорем, ки барои кишоварзон шароити хуб фароҳам орем, то ки онҳо ҳаҷми истеҳсоли маҳсулоти ватаниро зиёдтар кунанд, - гуфт Шералӣ Одинаев, мудири шуъбаи кишоварзии ноҳия.

Ба ҷойи хулоса
Зимни сафар худ шоҳид будам, ки нархи як тарбуз дар сари палак вобаста ба минтақаи кишт аз 30 дирам оғоз мешавад. Аммо дар бозорҳои шаҳру ноҳияҳо нархи он аз 4 то 12 сомонӣ боло меравад.
Мушоҳида шуд, ки мушкилоти деҳқон сохторҳои масъулро кам ба ташвиш меоранд. Барои хоҷагиҳои деҳқонию инфиродӣ меҳваре, ки дар лаҳзаҳои душвор такягоҳашон бошад, намерасад. Деҳқон дар интихоби кишти маҳсулот ба роҳнамоии нархи бозор муҳтоҷ аст. Бозор бошад, доим якхел нест. Имсол талафёбии ҳосили полизӣ дар натиҷаи бенизомӣ афзуд.
Коршиносони соҳаи кишоварзӣ низ камчинии картошкаву пиёз ва фаровонии маҳсулоти полизиро аз норасоии омилҳои зерин вобаста медонанд:
- танзими кишт дар хоҷагиҳо ва бахши аҳолӣ;
- ёрӣ дар фурӯши маҳсулоти кишоварзӣ;
- тавоноии рақобатпазирӣ бо ҳаннотон;
- марказҳои тиҷоратӣ;
- қарзҳои имтиёзнок барои деҳқонон.
Вақти он расидааст, ки марказе таъсис ёбад, ки ёвари ҳақиқии деҳқон гардад. Деҳқон танҳо ба кишт машғул шаваду дар фикри савдои он набошад. Имрӯз, мутаассифона, нақши чунин марказро тоҷирону ҳаннотон мебозанд. Ҳарчанд ҳосили тарбузу харбуза дар кишвар афзуд ва он аз сари замин бо нархи ночиз фурӯхта шуд, ҳаннотони бозорҳои пойтахт нархи онро нисбат ба арзиши аслӣ чанд карат зиёд кардаанд. Ташкилоти ҷамъиятии Иттифоқи «Тоҷикматлубот» бо онҳо рақобат карда натавонист. Аслан, «Тоҷикматлубот» - ро дар замони шӯравӣ барои миёнаравӣ миёни деҳқону харидор ташкил намуда буданд. Бояд маҳсулоти хоҷагии қишлоқро аз дасти аввал (хоҷагии деҳқонӣ  ё деҳқон) ба истеъмолкунанда расонад ва бо тоҷирону ҳаннотон рақобат намуда, нархи бозорро бо роҳи табиӣ ба танзим дарорад. Аммо имрӯз «Тоҷикматлубот» аз уҳдаи ин вазифа куллан намебарояд. Яъне на ба нарх таъсир расонда метавонад, на аз уҳдаи таъмини сокинони кишвар бо маҳсулоти кишоварзӣ мебарояд. Гузашта аз ин, нархи маҳсулоте, ки он мефурӯшад, аз нархи бозор қариб фарқе надорад. Модоме имкониятҳои «Тоҷикматлубот» ин қадар маҳдуданд, пас, он аз ҳаннотон, ки маҳз бо айби онҳо нархи тарбузи 30 - 50 - дирама дар бозор то 4 - 12 сомонӣ дакка мехӯрад, чӣ фарқ дорад? Ё андешаи роҳбарони вазорату сохторҳои масъул дигар аст?
Шаҳбоз АБРОР, «Ҷумҳурият»


Баёни ақида (0)    Санаи нашр: 21.08.2017    №: 176    Мутолиа карданд: 502

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед