logo

иҷтимоиёт

ТОҶИКИСТОНУ ЧИН. ҲАМКОРИҲОИ ИЛМӢ ТАВСЕА МЕЁБАНД

Дар назди Академияи илмҳои Ҷумҳурии Тоҷикистон Маркази илмӣ - тадқиқотии экология ва  муҳити зисти  Осиёи  Марказӣ таъсис гардид. Марказ дар асоси ҳамкорӣ байни академияҳои кишвар ва Ҷумҳурии Мардумии Чин  бунёд ёфта,  нахустин муассисаи муштараки  илмии Тоҷикистону Чин ба шумор меравад.
Ҳадаф аз таъсиси марказ мусоидат намудан ба  тадқиқоти илмии  экологӣ  ва муҳити зисти Осиёи Марказӣ, аз ҷумла гузарондани  тадқиқот дар самти илмҳои табиатшиносӣ, коркарди мавзӯъҳои илмӣ – амалӣ дар соҳаҳои экология ва муҳити зист, захираҳои табиии кишоварзӣ, омӯзиши равандҳои тағйирёбии иқлим ва  таъсири он ба муҳити зист, гуногунии биологӣ  ва экосистемаҳои табиӣ, тақвият бахшидани  корҳои тадқиқотӣ дар соҳаи геология, таҳлили физикӣ - химиявии  ҷинсҳои кӯҳӣ, ворид намудани  таҷҳизоти нави илмӣ  арзёбӣ мегардад.
Тағйирёбии иқлим, мушкилоти экологӣ ва ҳифзи муҳити зист на танҳо  Тоҷикистон ва минтақа, балки ҷаҳонро нигарон кардааст. Солҳои охир дар натиҷаи ин тағйирёбӣ фаслҳои сол хусусиятҳои иқлимии худро дигар карда истодаанд. Масалан, дар кишварҳое, ки одатан иқлимашон мӯътадил буд, ҳоло ҳарорат хеле баланд гашта, барои  аҳолӣ мушкилоти зиёдеро ба миён овардаанд. Мувофиқи тадқиқоти олимони тоҷик  раванди тағйирёбии иқлим  ба кишвари мо, хусусан ба  табиат -  набототу ҳайвонот таъсири  манфӣ расондааст. Ин дигаргунӣ бештар дар Вилояти Мухтори  Қӯҳистони Бадахшон ба назар мерасад. Аз рӯи мушоҳидаҳои олимон дар ин минтақа баъзе рустаниҳо хусусияти инкишофии худро гум карда, чарогоҳҳо ба биёбоншавӣ оғоз намудаанд, ки  сабаби аз як минтақа ба минтақаи дигар кӯч бастани ҳайвоноти  гуногун гардид. Раванди босуръат гармшавӣ, ҳамчунин сабаби об шудани  пиряхҳои азим дар минтақа мебошад.
- Масъалаи бамиёномада олимони кишварро водор  месозад, ки дар ин самт тадқиқот анҷом дода, омилҳо ва механизми раванди тағйирёбиро муайян ва барои бартарафсозии ҳолатҳои фавқулодаи табиӣ чора андешанд, - мегӯяд Юнус Мамадҷонов, котиби илмии маркази мазкур.
Бинобар иттилои Ю. Мамадҷонов корҳои илмӣ якҷо бо олимони чинӣ гузаронда мешаванд. Айни замон, олимони марказ  масъалаи  пайдоиши хавф ва офатҳои табиии  мавзеи Майхӯраи ноҳияи Варзобро омӯхта истодаанд. Кормандони он чунин тадқиқотро дар минтақаҳои дигари кишвар низ гузаронданианд.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 22.08.2017    №: 177    Мутолиа карданд: 355

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед