logo

иқтисод

"БЕШАИ ПАЛАНГОН": ИМКОНИЯТҲО ЗИЁДАНД, ФОИДА ЧӢ?

Мамнӯъгоҳи давлатии «Бешаи палангон» имконияти ба буҷети давлат ворид кардани миллионҳо сомониро дорад. Чӣ гуна?
Дар кишварҳои пешрафтаи Олмон ва Фаронса механизме мавҷуд аст, ки тавассути он бахши экология аз ҷиҳати иқтисодӣ идора ва танзим карда мешавад. Ин механизми идоракунии иқтисодии экологӣ мебошад. Дар сурати дуруст иҷро кардани талаботи он сатҳи зиндагии аҳолии деҳот беҳтар гардида, ҷойҳои нави корӣ пайдо мешаванд.
«Бешаи палангон» дорои захираи бузурги набототу ҳайвонот мебошад. Дар мамнуъгоҳ дар як сол тақрибан 300 шохи ҳайвон бароварда мешавад, ҳамчунин, пӯст ва дигар пасмондаҳо. Ба кор андохтани механизми зикршуда талафёбии шох ва пӯстро ба танзим дароварда, даромади хуб меорад. Масалан, барои рушди саноати доруворӣ шохи гавазн коркард гардида, хокаи махсуси табобатӣ истеҳсол карда мешавад. Чиниҳо аввалин шуда аз хокаи шохи гавазн ва оҳу дору ва дигар иловагиҳо барои хӯрок истеҳсол кардаанд. Айни замон онро ҳамчун беҳтарин воситаи дарозумрӣ, мустаҳкамсозии ирода ва устуворӣ ба ҳама намуди беморӣ, ғайр аз ин, табобати касалиҳои узвҳои ҳозима, ҷигар, гурда ва тоза кардани хун самаранок истифода мебаранд. Дар кишварҳои Осиёи Марказӣ шохи хушккардашудаи гавазн ва оҳу нархи гарон дорад. Шох, махсусан шохи ҳайвоноти нодир, ҳамчун маводи ороишӣ низ истифода бурда мешавад ва таваҷҷуҳи сайёҳони дохилию хориҷӣ ба он зиёд аст. Коркарди рустаниҳо ва гиёҳҳои шифобахш - шираи камол ва ширинбия низ баманфиат хоҳад буд.
- Аз мамнуъгоҳи давлатии «Бешаи палангон» гирифтан ва истифода кардани хошок манъ аст, - гуфт Убайдулло Акрамов, муовини директори муассисаи давлатии ҳудудҳои махсус муҳофизатшавандаи Агентии ҷангали назди Ҳукумати ҷумҳурӣ. – Шикор ва истифодаи шох, пӯст ва ҳатто дандони ҳайвон дар истеҳсолот танҳо дар сурати пир ва ё маъюб гаштани ҳайвон ва баръакс, зиёд шудани саршумори он имконпазир аст, он ҳам бояд оқилона сурат бигирад. Масалан, шикори гавазн, ки шуморааш дар мамнуъгоҳ ба 386 сар расидааст, қатъиян манъ мебошад. Вале, дар сурати аз меъёр зиёд шудани гавазн (яъне 400 сар) забҳи он барои коркарди маҳсулот иҷозат дода мешавад. Коркард ва истеҳсоли маҳсулоти ниҳоӣ аз ҷорӣ шудани механизми идоракунии иқтисодии экологӣ сахт вобастагӣ дорад. Амалисозии механизм мутахассисони соҳаро, ки бештар аҳолии деҳотанд, ба кор ҳавасманд месозад, махсусан аҳолии деҳоти ноҳияҳои пахтакори Дӯстӣ, Ҷайҳун, Қубодиён ва Шаҳритузро. Айни замон «Бешаи палангон»  рисолати бузурги ҳифз ва барқарорсозии олами набототу ҳайвонот ва муътадил нигоҳ доштани вазъи экологии чор ноҳияро бар дӯш дорад ва онро ба пуррагӣ иҷро менамояд, барои мутобиқат ба тағйирёбии иқлим имконият фароҳам меорад, зарари иқтисодиро коҳиш медиҳад. Лекин, барои рушди соҳа ва ғанӣ гардондани Буҷети давлатӣ имконияти аз ин ҳам бештар мавҷуд аст. Барои бакорандозии механизм дар минтақаҳои буферии мамнуъгоҳ ташкил намудани парваришгоҳ барои афзоиши саршумори ҳайвонот ва дар баробари ин, бунёди коргоҳҳои коркарди маҳсулот зарур мебошад. Иҷрои ин нақша маблағи зиёдро тақозо дорад. Маблағҳои барои соҳа ҷудогардида алҳол танҳо барои таъмини маоши кормандон ва бурдани корҳои биотехникӣ басандаанд. Масалан, барои нигоҳубини паранда маблағи ҳамагӣ 18 дирам ва ҳайвони нодир 78 дирам рост меояд, ки кофӣ нест. 
О. ВАФОБЕК, "Ҷумҳурият"


Баёни ақида (0)    Санаи нашр: 23.08.2017    №: 178-179    Мутолиа карданд: 427

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед