logo

туризм

ОСОРХОНА ДАР ҲАВОИ КУШОД

Ҳисор бо таърихи куҳан, иморатҳои вижаи дар давраҳои гуногун қоматафрохта, фарҳанги волои гузаштагони сарзамини аҷдодӣ ва бозёфтҳои нодири ҳафриётӣ дер боз мавриди таваҷҷуҳи сайёҳон ва бостоншиносон қарор гирифтааст.

Яке аз маконҳои диданӣ Мамнуъгоҳи таърихию фарҳангии  Ҳисор ба ҳисоб меравад. Ин осорхона зери фазои кушод ҷойгир буда, қимати беҳамтои таърихӣ, бостоншиносӣ ва меъмориро дар худ нуҳуфтааст. Барои боздид аз он ҳамасола ҳазорҳо сайёҳону меҳмонон ташриф меоранд. Мамнуъгоҳ соли 1982 таъсис ёфта, дар ҳудуди 22 гектар, дар мавзеи зебоманзар воқеъ гардидааст. Дар ин макон беш аз 3000 - сол қабл маркази тамаддуни воло мавҷуд буд. Ёдгориҳои таърихию меъморие, ки то имрӯз симои аслии хешро маҳфуз доштаанд, бунёдашон аз қарни XI пеш аз мелод оғоз гирифта, то садаи XIX идома меёбанд. Маҷмааи ёдгориҳои таърихию меъморӣ шаҳри асримиёнагиро мемонад, ки дорои майдон - Регистон, дижи қадим, силсилаи иншооти фарҳангӣ - маърифатӣ, ҷомеавӣ – савдоӣ мебошад. Майдони Регистонро ду мадрасаи куҳна ва нав, корвонсарои хиштин, дарвозаи арк, девори мудофиавии Ҳисор иҳота кардаанд. Дуртар аз майдони Регистон дар қисми ҷанубӣ мақбараи Махдуми Аъзам, дар қисмати ҷанубу шарқӣ масҷидҳои Сангин, Одина ва мадрасаи Чашмаи моҳиён воқеанд. 
Ҳафриёти бостоншиносии дар ин мавзеъ гузарондашуда аз он дарак медиҳад, ки Ҳисор яке аз шаҳрҳои қадимтарини Осиёи Миёна ба шумор меравад. Одамон ҳанӯз 40 - 50 ҳазор сол қабл дар ин мавзеи бобаракат маскун шуда, ба зироаткорию чорводорӣ ва ҳунармандӣ машғул буданд.
Тибқи иттилои Зикрулло Ҷобиров, директори Мамнуъгоҳи таърихию фарҳангии Ҳисор, дар нимсолаи аввали соли ҷорӣ ба мамнуъгоҳи таърихию фарҳангӣ беш аз 11 ҳазор меҳмон аз дохилу хориҷи кишвар ташриф оварданд. Аз ин шумора 1716 нафар аз хориҷи кишвар, 5480 нафар меҳмонони дохилӣ ва 3850 нафар хонандагону донишҷӯён мебошанд. Аз ҳисоби онҳо ба буҷети давлат 31510 сомонӣ маблағ ворид гашт. Дар ин давра теппаи ҳокимнишин, аскархона ва уштурхона тоза карда шуд.
Ҳисор ҳанӯз пурра омӯхта нашудааст. Аз ин рӯ, олимону бостоншиносон ва сайёҳон аз кишварҳои хориҷ зиёд ба ин мавзеъ сафарҳои кориву маърифатӣ анҷом медиҳанд. Ба андешаи мутахассисони соҳаи сайёҳӣ баҳри ба талаботи ҷаҳонгардии муосир мутобиқ  намудани он бояд корҳои муайянро сомон бахшид. Аз ҷумла, фаъолияти марказҳои савдои хӯроку маводи зарурӣ, ашёҳои гуногуни хотиравиро ба роҳ монд.
Мамнуъгоҳи таърихию фарҳангии Ҳисор бо таърихи куҳану фарҳанги волои худ сазовори сарфарозӣ дар ҷаҳони сайёҳист. Месазад, ки ин ҷузъи ҷудонашавандаи фарҳанги миллӣ ба макони сайру саёҳати ҷаҳонӣ табдил ёбад.
Л. РИЗОӢ, Ш. ҚУРБОН, «Ҷумҳурият»


Баёни ақида (0)    Санаи нашр: 24.08.2017    №: 180    Мутолиа карданд: 1894
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед