logo

иҷтимоиёт

ЗОДАИ ҒАДР

Касе, ки аз бародари мусулмони худ машварат пурсад, вале ӯ машварати хато ва носавоб диҳад, хоини ӯст.
 
Ба назари банда ин ҳадиси муборак дар ҳар маврид ҳикмат дорад ва қобили корбарӣ аст. Он одоби мушовиронро низ муайян мекунад. Ҳамчунин, иртиботи он ба мавзӯи баҳси мо ибратбахш аст. Муҳтарам мушовири аршади Вазорати умури хориҷии Ҷумҳурии Исломии Эрон оқои Саидрасули Мӯсавӣ бояд ин ҳадиси муборакро ба эътибор мегирифтанд.
Машварат чанд навъ мешавад. Масалан, аз лиҳози илмӣ машварат ва машваратдиҳӣ набояд хилофи ҳақиқат, бе асоси илмӣ, ғайривоқеъбинона сурат гирад. Пӯшидани ҳақиқат, таҳрифу идеолоҷисозии он, ба манофеи мухталифи сиёсӣ тобеъ сохтани он, хиёнат ба илм аст. Аммо, аз назари сиёсат бошад, вафодорӣ ба давлат, миллат, дин, Худо ва ҳар кадом дар мавзеи худ асл дониста шуда, қавлу амали мухолиф ба онро хиёнат мегӯянд.
Масалан, мушовири муҳтарам, ки эшон муҳаққиқи хеле хуб ҳам мебошанд, дар мавриди робитаи пасипардагии сиёсии Ҳизби мамнӯъшудаи наҳзати исломии Тоҷикистон (ҲНИТ) бо Ҷумҳурии Исломии Эрон ҳақиқату воқеиятро равшан медонанд. Аммо дар ин бора муҳаққиқона ҳарф намезананд. Эшон дар ин маврид ба хотири вафодорӣ ба давлати худ одоби илмиро нодида гирифта, ба ибораи дигар, ба илм вафодорӣ нишон надода, моҳияти аслии ҲНИТ-ро пардапӯш менамоянд. Ин моҳият ибтидоан ва интиқоан, ба стратегияи судури инқилоби «вилояти фақеҳ» марбут аст. Маҳз дар доираи ҳамин стратегия, пеш аз ҳама, ба хотири манофеи «Тоғути акбар» алайҳи «Тоғути кӯчак» аз тариқи эҷоди Ҷумҳурии Исломии Эрон ва таъсиси ниҳодҳои сиёсӣ, аз ҷумла ҳизбҳои динии сиёсӣ ба сифати «сипоҳҳои панҷум» (пятая колонна) ҷиҳати тавсеа бахшидан ба сиёсати «вилояти фақеҳ», муҳайё сохтани заминаи ошӯбҳои геополитикӣ ва байналмилалӣ сохтани терроризм, нақшаи таъсиси ҲНИТ ба миён омадааст.
Аз ин ҷиҳат, ҲНИТ - ро сипоҳи вилояти фақеҳ дар Тоҷикистон ҳисобидан дуруст аст. Бо кӯшиши Ҷумҳурии Исломии Эрон дигар давлатҳои манфиатдор ҳадафҳои геостратегии муштаракро низ дар минтақаҳои дилхоҳ пайгирӣ менамоянд. Албатта, ин маънои онро надорад, ки давлатҳои манфиатдор мехоҳанд аз ҲНИТ қувваи бузург ва барои худ дарди сар эҷод намоянд. Нақш ва аҳамияти ҲНИТ-ро аз доираи манфиатҳои абарқудрат берун дидан хато хоҳад буд. Аммо яқин аст, ки мубориза барои тағйир додани вазъи геополитикӣ дар дунё, хоссатан дар Осиёи Марказӣ, хеле шадид хоҳад буд. Ирҳоби шумулӣ (фарогир) дар камини давлатҳо қарор дорад. Ин омилро бояд ҷиддӣ қабул намуд. Мушовири муҳтарам низ бояд дар назар дошта бошанд. Эшон бояд иқрор мешуданд, ки ҳамкории маҳрамонаи Ҷумҳурии Исломии Эрон бо ҲНИТ дар ҳамин асосҳо қарор дорад. Вале, маълум аст, ки ҳар як амр ниҳоят дорад. Танҳо аз рӯи ибтидои он баҳогузорӣ кардан комилан дуруст нест. Гап дар сари он аст, ки ҲНИТ ба ҷуз василаи номашрӯъ чизи дигаре нест. Зеро, вақте ки хоҷагон ба мақсадҳои худ расиданд, ходимон нодаркор мегарданд ва саҳнаро хоҳ ба хубӣ ё ба зӯрӣ холӣ мекунанд.
Илова бар ин, бояд гуфт, ки дар ҳаёт лаҳзаҳое ба вуҷуд меоянд, ҳақиқати кор ошкор мешавад. Ва кӣ ба чӣ машғул аст, маълум мегардад. Ин ҳолат барои баъзеҳо дертар бошад, барои баъзеҳои дигар зудтар. Аммо як чиз яқин аст, ки Абдуллои Раҳнамо ҳақ дорад аз манофеи давлатдории миллии тоҷикон ҳимоят намояд ва ҳақиқатро дар бораи ҲНИТ ошкор созад.
Ҳамчунин, бояд гуфт, ки ҳифзи амнияти миллии Тоҷикистон дар чунин вазъияти пурошӯбу ноустувор, ҳифзи ватандорӣ мебошад. Хавфи фарогир гаштани терроризми байналмилалӣ хеле зиёд гаштааст. Ба таъбири динӣ гап занем, терроризм аз нишонаҳои қиёмат шудааст. Зеро фарогир гаштани терроризм амри қарибулвуқӯъ аст. Терроризми фарогир ҳамин аст, ки аз он ҳеҷ кас дар амон нахоҳад монд. Паёмбари гиромӣ мардумро бо ҳадиси худ ҳушдор менамояд: «Қиёмат вақте воқеъ мешавад, ки шахс худро аз ҳамнишини худ дар амон намебинад».
Хиёнат ба Ватан, давлат, миллат, дин нобахшиданист. Алҳазар аз хиёнати ҳамагон. Алҳазар аз зодаҳои терроризм. Алҳазар аз зодаи ғадр!
Худованд дар китоби бузурги худ, дар сураи «ан-Нисо», ояти 105 мефармояд: «Аз касоне мабош, ки аз хоинон ҳимоят мекунанд».
Банда умедворам, ки муҳтарам оқои Саидрасули Мӯсавӣ давлати Тоҷикистонро ба худ бегона намеҳисобанд ва барои ба роҳ мондани ҳамкории ҳаққонии дорои пайвандҳои амиқи таърихӣ ва фарҳангӣ дар доираи парҳезгорӣ аз бегонапарастӣ муҳаққиқона ва дӯстона машварат медиҳанд.
Муродулло ДАВЛАТОВ


Баёни ақида (0)    Санаи нашр: 24.08.2017    №: 180    Мутолиа карданд: 553

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед