logo

иқтисод

БЕОБӢ ДАР НОҲИЯИ ТЕМУРМАЛИК. СОКИНОН САРСОНУ МАСЪУЛОН НОЧОРАНД

Чанде қабл ба идораи рӯзномаи «Ҷумҳурият» аз ҷониби як гурӯҳ сокинони Ҷамоати деҳоти Саидмуъмин Раҳимови ноҳияи Темурмалики вилояти Хатлон номае расид, ки дар он аз мушкилоти дастрасӣ ба оби ошомиданӣ нақл мешавад.
Барои омӯзиши масъала ба ноҳияи Темурмалик омадем ва бо масъулону сокинони Ҷамоати деҳоти Саидмуъмин Раҳимов суҳбат кардем. Шиносоии мо нахуст аз пойгоҳҳои обкашӣ шурӯъ шуд. Тавре маълум гашт, то ҷамоати деҳоти мазкур ҳамагӣ 18 километр хати об мавҷуд аст, ки тавассути ду пойгоҳ обёрӣ мешавад. Аз пойгоҳи аввал бояд об аз чоҳи амудӣ ба обанбори дигар 12 километр интиқол дода шавад. Аз он ҷо тавассути насос обро 6 километр то ҷойи ниҳоӣ мерасонанд. Мутаассифона, насоси пойгоҳи аввали обкашӣ, ки иқтидораш калон аст, аз аввали соли ҷорӣ аз кор мондааст. Ба гуфтаи масъулон, ин насос соли 1969 насб гардида, то ҳол иваз нашудааст. Аз сабаби муҳлати истифодааш гузаштан, баъзе аз қисмҳои он корношоям гардидаанд. Ин пойгоҳҳо аз ду обанбор иборат буда, яке 150, дигаре 250 мукааб об мебарад.
Вақте ба ҷамоат омадем, дидем, ки мардум бо хару ароба об мекашонданд. Маълум гардид, ки онҳо аз ягона чашмае, ки бо миқдори хеле кам ва оби шӯр ба деҳаи Ҳасанбег меомад, об мегирифтаанд. Оби ин чашма воқеан қобили нӯшидан набудааст. Иззатулло Ғураев, муовини раиси ҷамоат, зикр сохт, ки аз даҳ деҳаи ҷамоат танҳо се деҳа тавассути насосҳо обёрӣ мешаванд, боқимонда аз оби чашмаҳо истифода мебаранд.

Сокинон барои дастрасӣ ба об навбат меистанд
Назаралӣ Шовалиев, сокини деҳаи Ҳасанбег, иброз дошт, ки ҳоло вақти таътили хонандагон аст, аммо фарзандони онҳо ба ҷои фароғат дар истироҳатгоҳҳои кӯдакона, дар ин мавсим вақти худро аксаран дар навбати об мегузаронанд, то барои аҳли хонавода ва чорво об кашанд. Ин ҳолат дар вақти таҳсил низ боиси нигаронии волидон аст. Зеро хонандагон баъди дарс ба ҷои иҷрои вазифаҳои хонагӣ соатҳо дар навбати об меистанд. Шоҳидони ҳол мегӯянд, ки ғайр аз ин, аз дарёи Сурхоб оби фурӯшӣ меоранд, ки як мошинаш 200 сомонӣ мебошад, вале на ҳама имкони дар як моҳ харидани чанд мошин обро дорад.

Дастури қатъии раиси вилоят
19 августи соли ҷорӣ дар ноҳияи Темурмалик рӯзи қабули шаҳрвандон аз ҷониби раиси вилояти Хатлон Давлатшоҳ Гулмаҳмадзода сурат гирифт. Назир Ҳиматов, сокини ҷамоати мазкур, ба раиси вилоят гуфт, ки сокинони ҷамоат аз аввали соли ҷорӣ инҷониб ба оби тозаи ошомиданӣ дастрасӣ надоранд. Ӯ хост, ки ин мушкили онҳо зудтар ҳалли худро ёбад. Раиси вилоят аз ҳамаи арзу шикоятҳои пешниҳодшуда ба ин масъала таваҷҷуҳи бештар зоҳир намуда, ба масъулони идораи обтаъминкунии вилоятӣ ва ноҳиявӣ дастур дод, ки ҳар чи зудтар барои таъмири насоси обкашӣ чораҷӯӣ намоянд. Ҳамчунин, раиси вилоят таъкид кард, ки сокинон низ бояд қарзи истифодаи обро сари вақт пардохт кунанд. Аммо ҳанӯз маълум нест, ки кай масъулон дастури раиси вилоятро иҷро менамоянд.
Ба эътирофи Эмомиддин Аслзода, раиси ноҳияи Темурмалик, низ норасоии оби ошомиданӣ дар ноҳия яке аз мавзӯъҳои ҳалталаб ба ҳисоб меравад.

Қарз болои қарз
Маҳмадсаид Раҳмонов, раиси корхонаи истифодабарии оби нӯшокии деҳоти ноҳия, гуфт, ки қарзи сокинони  ноҳия аз истифодаи оби ошомиданӣ 78 ҳазору 800 сомониро ташкил медиҳад. Аз ин 15 ҳазораш ба сокинони Ҷамоати деҳоти Саидмуъмин Раҳимов рост меояд. Корхонаи обрасон бошад, аз ҳаққи истифодаи барқ 85,5 ҳазор сомонӣ ва дигар намуди андозҳо 214 ҳазор сомонӣ қарздор аст.
- Ду моҳ қабл, вақте ба ин вазифа таъйин шудам, насоси пойгоҳи аввали обкашӣ аллакай кор намекард. Барои ҳалли мушкилоти аҳолӣ аз ҳисоби худам ду маротиба насосро таъмир кардам, ки панҷ ҳазор сомонӣ масраф шуд, вале баъди омадани ҳамагӣ чанд литр об насос дубора аз кор монд, - мегӯяд М. Раҳмонов.

Пас чӣ бояд кард?
Идораҳои дахлдор ва сокинон барои харидории қисми вайроншудаи насос ҳамоно сармоя меҷӯянд. Масъулон мегӯянд, ки, мутаассифона, ин қисми насос хеле камёфт аст, зеро он дар замони шӯравӣ истеҳсол шудааст. Харидани насоси нав бошад, хеле гарон меафтад. Ҳоло умеди ягонаи мақомоту сокинон қисми истифодашудаи насос аст, ки аз шаҳри Қӯрғонтеппа бо нархи 22 ҳазор сомонӣ дарёфт кардаанд. Маҳмадсаид Раҳмонов мегӯяд, ки агар сокинони Ҷамоати деҳоти Саидмуъмин Раҳимов 15 ҳазор сомонӣ қарзашонро пардохт кунанд, маблағи боқимондаро аз сарчашмаҳои дигар дарёфт мекунем. Аммо аз чӣ бошад, ки сокинон дар пардохти қарзи солҳои пешини оби истифодакардаашон саҳлангорӣ мекунанд. Ин ҳам дар ҳолест, ки барои истифодаи об аз ҳар хоҷагӣ танҳо 5 сомонӣ гирифта мешавад.
Ёдрас мешавем, ки имрӯз норасоии оби ошомиданӣ на танҳо дар ноҳияи Темурмалик, балки дар дигар манотиқи ҷумҳурӣ низ мушоҳида мешавад. Кормандони идораҳои истифодабарии об сабаби ин ҳолатро аз як тараф фарсудашавии насосҳо ва аз ҷониби дигар сари вақт пардохт нашудани маблағи истифодаи об аз ҷониби истифодабарандагон унвон мекунанд. Аммо, дар ҳар сурат, масъулон бояд роҳи ҳалли мушкилотро пайдо кунанд. 
Лашкар ШАРИФ, «Ҷумҳурият»


Баёни ақида (0)    Санаи нашр: 25.08.2017    №: 181    Мутолиа карданд: 496

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй


Дар сомонаҳои дигари Тоҷикистон хонед