logo

маориф

ДАРС. РАФТУОМАДИ ДОНИШҶӮЁН ТАНЗИМ МЕШАВАД!

Дар сурати бо воситаҳои нақлиёт ба муассисаи таълимӣ омадани донишҷӯ ӯ бе ҳуқуқи барқарор шудан ба муҳлати се сол аз муассисаи таҳсилоти олии касбӣ хориҷ карда мешавад.

Ин нуктаро Саид Нуриддин, вазири маориф ва илми Ҷумҳурии Тоҷикистон, зимни баррасии лоиҳаи Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ» дар иҷлосияи дуюми ғайринавбатии Маҷлиси намояндагони Маҷлиси Олӣ, даъвати панҷум баён намуд. Ба гуфтаи ӯ, тағйирот ба қонуни мазкур бо мақсади  ба танзим даровардани рафтуомади донишҷӯён ба муассисаҳои таҳсилоти олии касбӣ, таъмини устувори раванди таълиму тарбия, пешгирӣ намудани ҳуқуқвайронкунӣ ва баланд бардоштани масъулияти донишҷӯён амалӣ карда мешавад.
Дар иҷлосия, ҳамчунин, лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон» мавриди баррасӣ қарор гирифт. Рамазон Раҳимзода, вазири корҳои дохилии кишвар, зимни ташреҳи лоиҳа иброз дошт, ки бо вуҷуди тадбирҳои андешидашуда ва пешгирӣ намудани қоидавайронкунии ҳаракат дар роҳ вазъи содиршавии ҳодисаҳои роҳ ва нақлиёт ташвишовар боқӣ мондааст.
Зикр шуд, ки дар давоми 10 солу шаш моҳи соли равон дар ҷумҳурӣ зиёда аз 15 ҳазор садамаи нақлиётӣ ба қайд гирифта шудааст, ки дар натиҷа наздик ба 5 ҳазор нафар ҳалок ва беш аз 17700 нафар ҷароҳат бардоштааст. Аз ин шумора 518 садамаи нақлиётӣ дар ҳолати мастӣ ба қайд гирифта шуда, 160 нафар ҳалок ва қариб 600 нафар захмӣ шудааст. Дар ин давра қариб 2500 садамаи нақлиётӣ аз тарафи шахсоне, ки бе ҳуҷҷати ронандагӣ нақлиётро идора кардаанд, содир шудааст, ки дар натиҷа ба ҳалокати 831 нафар ва ҷароҳат бардоштани зиёда аз 2800 нафар боис гардидааст. Ба гуфтаи вазир, ҷиҳати пурзӯр намудани ҷавобгарии ҷиноятӣ нисбат ба ронандагоне, ки дар ҳолати мастӣ ва бе ҳуҷҷати ронандагӣ воситаҳои нақлиётро идора менамоянд, ба садамаҳои марговари нақлиёт роҳ медиҳанд, бо истифода  аз ҳуқуқи ташаббуси қонунгузорӣ  аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Кодекси ҷиноятии Ҷумҳурии Тоҷикистон тағйиру иловаҳо пешбинӣ шудаанд. Тибқи онҳо ҷазои маҳрум кардан аз озодӣ ба муҳлати аз 10 то 15 сол ва маҳрум намудан аз ҳуқуқи ишғоли мансабҳои муайян ё машғул шудан ба фаъолияти муайян ба муҳлати аз 10 то 20 сол муқаррар шуда,  ҷарима то ҳазор нишондиҳанда барои ҳисобҳо пешбинӣ гардидааст.
Мунаввари САФАР,
«Ҷумҳурият»


Баёни ақида (0)    Санаи нашр: 28.08.2017    №: 182    Мутолиа карданд: 1604

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид


Дар сомонаҳои дигари Тоҷикистон хонед