logo

фарҳанг

МО ҲАМА БУЛБУЛОНИ ЯК ЧАМАНЕМ

Омили асосии пешрафти  ҷомеа ва неруи  муҳими созандаву бақои он ваҳдат аст. Ҳамон давлату кишваре рушд мекунад, шукуфон мешаваду рӯзгори мардумаш  осудаву обод, ки он ҷо ваҳдат ҳукмрон бошад. Оғози  рӯзҳои фарҳанги Вилояти Мухтори Кӯҳистони Бадахшон дар Суғд ва чеҳраҳои шукуфони меҳмонону мизбонон аз ҳамин мазмуну маънӣ гувоҳӣ медоданд.
Рӯзи нахустини сафари бадахшониён ба сарзамини  Суғд бо истиқболи гарми онҳо дар ҳудуди ноҳияи Айнӣ оғоз ёфт. Меҳмонон баъди шиносоӣ бо сокинони деҳаи  Зосуни ноҳия  бар пояи муҷассамаи шоир Нақибхони Туғрал гул гузоштанд. Ҳамчунин дар Қасри фарҳанги ноҳия барномаи рангину муштараки мусиқӣ ташкил гардид. Баъд аз он, ширкаткунандагони ин чорабинии муҳими фарҳангӣ ба шаҳру навоҳии Панҷакент, Истаравшан, Ҷаббор Расулов ва Хуҷанд расиданд.
Рӯзи дувум аз шиносоӣ бо         фаъолияти корхонаҳои саноатии  Минтақаи озоди иқтисодии “Суғд” дар шаҳри Хуҷанд оғоз гардид. Минтақаи озоди иқтисодии “Суғд” дар тӯли фаъолияташ хеле рушд намуда, дар равнақи соҳибкорӣ, бунёди корхонаҳои муосир, вусъати истеҳсолот, зиёд шудани ҳаҷми содирот саҳми босазо гузоштааст. Дар ин минтақаи озоди иқтисодӣ 35 субъект ба қайд гирифта шуда, феълан 11 - тои он ба тавлиди маҳсулот машғуланд. Моҳҳои наздик боз 12 корхонаи дигар, ки айни ҳол дар онҳо насби таҷҳизот идома дорад, ба фаъолият оғоз менамоянд. Ҳоло дар ин субъектҳо 400 нафар бо ҷойи кор таъмин мебошанд. Агар соли 2016 ҳамаи корхонаҳои минтақа, дар маҷмӯъ, 73,4 миллион сомонӣ мол тавлид карда бошанд, нишондиҳандаи ҳафт моҳи соли равон ба 38,5 миллион сомонӣ баробар шуд.
“Аз шиносоӣ бо минтақаи  иқти-содӣ таассуроти нек  бардоштам, - мегӯяд Бегиҷон Алиев аз ноҳияи Дарвоз. - Ин қадар корхонаҳои замонавӣ бо технологияи пешқадам. Ин сафар ва ин чорабинӣ он қадар ҳаяҷонбахшу  гуворост, ки бо сухан наметавон онро ифода кард. Ин иқдоми Сарвари давлат танҳо ва танҳо ба хотири якпорчагии давлат ва ҳамбастагии миллати тоҷик нигаронда шудааст”. “Шукронаи истиқлолият, шукронаи сулҳу ваҳдатро дорем, ки ба чунин рӯзҳои нек  расидем, таманно мекунем, ки дӯстӣ миёни мардуми кишвар боз ҳам мустаҳкам гардад,  рафтуо бисёр шавад, - иброз медоранд адибон  аз Рӯшону  Мурғоб Маҳмадалӣ Бахтиёров ва Султон Фармонов. - Дар даврони шӯравӣ аз шаш то даҳ моҳ роҳи мо ба вилояти Суғд баста буд, имрӯз ба шарофати истиқлолият ва бо талошҳои Пешвои муаззами миллат Эмомалӣ Раҳмон мо ба ҳам омадем, ба ҳам расидем”.
- Аз қадим беҳуда нагуфтаанд, ки меҳр дар чашм аст, - мегӯяд Наталя Ғуломова аз шаҳри Хоруғ. - Омили асосӣ ва ҳалкунандаи таҳқими дӯстиву рафоқат ин рафтуомад ба шаҳру навоҳии ҳамдигар аст, ки Сарвари давлат доимо таъкид мекунанд.
Меҳмонон, ҳамчунин, аз Дониш-гоҳи давлатии шаҳри Хуҷанд ба номи Бобоҷон Ғафуров дидан карда, бо ҳайати омӯзгорон мулоқот оростанд. Ҷамшед Ҷӯразода, ректори донишгоҳ, ба меҳмонон аз таърихи он ва факултаҳое, ки мутхассис омода мекунанд нақл кард. Дар донишгоҳи мазкур қариб 20 ҳазор донишҷӯй дар бахшҳои рӯзонаву ғойибона таҳсил мекунанд. Маълум шуд, ки солҳои охир теъдоди донишҷӯёни бадахшӣ зиёд шуда истодаанд.
Шиносоӣ аз коргоҳи “Дугонаҳо”- и Ҷамоати деҳоти Ҳайдар Усмонови ноҳияи Бобоҷон Ғафуров, Маҷмааи фарҳангию таърихии “Қалъаи Хуҷанд” низ ба меҳмонон таасуроти нек бахшид.
“Неруи бузургу созанда будани ваҳдатро мардуми Тоҷикистон дар мисоли ҳаёти худ мушоҳида карда,  имрӯз ба таври лозимӣ дар талоши онанд, ки ин дӯстиву рафоқат, ин ваҳдатро чун гавҳараки чашм ҳифз намоянд. Рӯзгори обод ва кишвари шукуфону чеҳраҳои хандони тифлакон танҳо дар он вақт  мешавад, ки агар ҳамдиливу ҳамраъйӣ ҳукмрон бошад”, - иброз медорад Савлатбегим Одилбекова аз ноҳияи Рӯшон.
Ҷовиди АШТӢ, “Ҷумҳурият”


Баёни ақида (0)    Санаи нашр: 29.08.2017    №: 183-184    Мутолиа карданд: 518
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед