logo

фарҳанг

ДАР РОҲҲОИ ДУШВОРИ АДАБИЁТ

Хонандаи хушзавқ ва солимандеши тоҷик Бароти Абдураҳмонро ҳамчун нависанда соли 1979 ба василаи ҳикояҳои нахустинаш «Барфи аввал» ва « Муждагонӣ», ки дар матбуот ба табъ расиданд, шинохт. Воқеан, ин барфи аввал зебову дӯстдоштанию пурасрор буд.
Бо вуҷуди он, ин барф ва «Муждагонӣ» аз омадани як нависандаи боистеъдод, хушқареҳа башорат ва муждаи нек доданд. Аммо ӯ ғайри интизори ҳамаи муҳаққиқону ихлосмандонаш ба нохост, агар ҳам зуд набуд, ба роҳҳои душвортари адабиёт қадам ниҳод. Инро замоне диданду дар-ёфтанд, ки ба манзили мақсуд расида буд. Ҳама бештар вақте дар тааҷҷуб афтоданд, ки ӯ романи «Куруши Кабир» - ро таълиф кард. Бо ин достони бузург барандаи Ҷоизаи давлатии Тоҷикистон ба номи Абуабдуллоҳи Рӯдакӣ гардид. То ба ӯ, ин нависандаи асил, донишманд, донандаи таърихи миллат касе ба таълифи асари бузургҳаҷм дар бораи Куруши Кабир рӯ наоварда буд ва ҳам иҷрои ин кори арзишманд на ба ҳар эҷодкор даст медод.
Бешак, таълифи чунин асаре барои Бароти Абдураҳмон як тасодуф ё худ озмоише набуд.
Чун романҳои таърихии сегонаи (трилогияи) «Куруши Кабир», «Камбуҷия» ва «Дорои Бузург» ба табъ расиданд, ба яқин бовар ҳосил карданду эътироф намуданд, ки ӯ андар кори худу пешаи худ ба устодӣ расида ва масъулиятшинос мебошад.
Тайи роҳҳои мушкил ва ба манзили мақсуд расидан ҳаргиз ин нависандаи асилро ба осонӣ даст надода. Ин ҳақиқатро, хушбахтона, баъдҳо дарёфтанд. Зикри асарҳои силсилақиссаи «Ҳафт муъҷизаи олам», романи дугонаи «Биҳишти фиребо» ва драмаҳои таърихии «Искандари Мақдунӣ ва Спитамен», «Рухшона», «Куруш ва Томарис» барои намуна кофист.
Бо асарҳои ӯ мо ишқи ҷонсӯз, муборизаҳои шадид ва ҷабрҳои таърихро мебинему эҳсос мекунем. Моро гоҳе бехабар ин нависандаи хушзавқ ба он рӯзгорон мепайвандад, вориди майдонҳои ҳарбу зарб месозад. Ба қаҳрамонҳояш қаҳрамонӣ мекунем, дӯст медорем, дил медиҳем, ҳақиқатро пирӯз мегардонем. Тасвирҳои зебояш моро ба шинохти зебоӣ, гиромидошти он водор месозад. Бар ивази ин ҳама заҳматҳо аз мо чизе намехоҳад, ҷуз муҳаббати Ватан, дӯстдории сарзамини аҷдодӣ, ҳифзу пойдории истиқлолу дастовардҳои он.
Ӯ ин ҳақиқатро низ собит сохт, ки ҳар кӣ ҷонро барои ин Ватан, миллат фидо намудааст, ҳамеша дар шумори зиндагон ва муҳибон мебошад.
Нахустин маҷмӯаи ҳикояҳояш бо номи «Шабҳои маҳтобӣ» соли 1986 нашр гардидааст. Қиссаи «Кимиёкаҳ» пештар ва қиссаи «Давлати сарам, модар» ва достони «Дунёи сабзи ишқ» баъдтар аз он ба табъ расидаанд. Бо ин достон барандаи Ҷоизаи адабии ба номи С. Айнӣ шуд. Аз драмаи таърихии «Хатои Искандари Мақдунӣ», филмномаҳои ӯ бо номҳои «Тифли домони туям, модар», «Муъҷизаи ҳаштуми олам», «Шамшер ва ишқ», «Васвасаҳои хунафшон» низ бояд ёдовар бишавем.
Агар ҳам зикр бигардад, ки баъди хатми факултаи филологияи тоҷики Донишгоҳи миллии Тоҷикистон ассистенти кафедраи нутқи саҳнавӣ ва маҳорати актёрии Донишкадаи давлатии фарҳанг ва санъати Тоҷикистон ба номи М. Турсунзода, сармуҳаррири барномаҳои адабӣ ва драмаи Телевизиони Тоҷикистон, корманди сарредаксияи илмии Энсиклопедияи советии тоҷик, муовини сармуҳаррири маҷаллаи «Илм ва ҳаёт», мушовири калон, мудири маркази таҳлил ва ёрдамчии Президенти Ҷумҳурии Тоҷикистон буд, ин ҳақиқат рӯшантар мешавад, ки имкони андӯхтани донишу таҷриба, шинохти сиёсатро дошт. Яъне, поя – поя, зина - зина то ба бом расидааст.
Бароти Абдураҳмон ҳеҷ гоҳ фориғ аз кор нанишастааст. Дар Энсиклопедияи миллии тоҷик ба интишори адабиёти кӯдакон ва наврасон замина гузошта, «Донишномаи мухтасари кӯдакон ва наврасон», силсилаи китоби панҷгонаи «Шинохт ва ёдгорӣ», Донишномаи «1001 саволу ҷавоб» ва «Шигифтиҳои бадани одам» - ро омодаи нашр кардааст.
Ӯ чун инсони некандеш, хайрхоҳ, хоксор ва зиёии асил аз маҳбубияти хос бархӯрдор дар ҷомеа мебошад.
Воқеан, то ҳасту ҳастему ҳастанд, ӯро гиромӣ медорему медоранд ва рӯзгору кораш барои мову ояндагон намунаи ибрат аст.
Абдулқодири РАҲИМ,
«Ҷумҳурият»


Аз идора: чанде пеш Бароти Абдураҳмон ба унвони Нависандаи халқии Тоҷикистон мушарраф гардид. Аҳли қалами «Ҷумҳурият» ӯро ба ин дастовард табрику таҳният мегӯяд.


Баёни ақида (0)    Санаи нашр: 29.08.2017    №: 183-184    Мутолиа карданд: 590
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед