logo

иқтисод

МУШКИЛОТИ ДОРУ

Хонандагони «Ҷумҳурият» дар номаҳои худ перомуни масъалаҳои иқтисодӣ, хусусан соҳибкорӣ, тиҷорат, андоз, гумрук ва вижагиҳои дигари бахшҳои иқтисодию иҷтимоӣ, саволҳо медиҳанд. Мо кӯшиш кардем барои посух додан ба пурсишҳо роҳбарон ва масъулони соҳаҳои алоҳидаро ҷалб намоем. Инак, чанд пурсиш ва посух дар бахши доруворӣ.
- Барои кушодани дорухона ва ё муассисаи фармасевтӣ дипломи маълумоти олии фармасевтӣ доштан шарт аст?
Умархони Аҳмад,
сокини ноҳияи Хуросон
- Ҳар шаҳрванди Тоҷикистон метавонад муассисаи фармасевтӣ ё худ дорухона таъсис намояд, аммо ӯ танҳо муассис аст. Муассисе, ки мутахассис нест, иҷозатномаи махсусро барои фурӯши маводи доруворӣ ва ороишию гигиенӣ, тибқи қонунҳои мавҷудаи кишвар, гирифта наметавонад. Танҳо шахсе, ки дорои тахассуси фармасевтӣ аст, ба ин кор машғул шуда метавонад. Аз ин рӯ, муассис метавонад фармасевт ё провизорро барои ин кор ҷалб намояд, зеро танҳо мутахассис ҳуқуқ дорад ба муомилоти доруворӣ машғул шавад.
Камолиддин Талбаков,
сардори шуъбаи назорати
давлатии Хадамоти назорати давлатии фаъолияти фармасевтӣ
* * *
- Чаро баъзе доруҳо бетаъсиранд? Мехос-там, дар ин бора шарҳи масъулони соҳаи дорусозиро бифаҳмам.
Таҳмина Наимова,
сокини шаҳри Кӯлоб
- Барои ба сифати доруҳо баҳо дода, хулосабарорӣ намудан шароити махсус лозим мебошад. Дар Ҷумҳурии Тоҷикистон чун аксари давлатҳои ҷаҳон системаи махсуси баҳодиҳии сифати воситаҳои доруворӣ ба роҳ монда шудааст.
Дар корхонаҳои истеҳсолии дору сифати маҳсулоти он ба воситаи технологияи нав ва таҳлилгарон назорат карда мешавад. Инчунин, ҳам доруҳои ватанӣ ва ҳам воридотӣ аз тарафи мутахассисони озмоишгоҳҳои махсус аз санҷиши сифат гузашта, пас, барои ба муомилот баровардан иҷозат дода мешавад.
Ҳоло озмоишгоҳҳои мо бо дастгоҳҳои муосири лабораторӣ муҷаҳҳаз буда, рӯз аз рӯз таҷрибаи кориву сатҳи дониши касбии мутахассисон низ баланд рафта истодааст. Тибқи натиҷаи санҷишҳое, ки аз тарафи озмоишгоҳи мо гузаронда мешаванд, ҳолати пастсифат будани доруҳо қариб, ки ба чашм намерасад. Нуқсонҳои ҷиддии барои организми инсон зарарнок дар дорувориҳо мушоҳида намегардад.
Оид ба натиҷаи дилхоҳ надодани дору ҳангоми табобат ва ё таъсири ғайриинтизор гуфтан мумкин, ки ба сифати доруҳо ва самаранокии табобат омилҳои зиёд таъсир мерасонанд. Аввалан, бояд табобат ҳатман бо тавсияи табибон ва дар асоси муоинаҳои амиқ сурат гирад. Ҳангоми тавсияи дору ба назар гирифтан зарур аст, ки як дору метавонад таъсири доруи дигарро тағйир диҳад. Якҷоя истифода бурдани ду ва зиёда дору бояд аз тарафи табиб асоснок карда шавад. Аз тарафи бемор шартҳои қабули дору ҳатман риоя гардида, фосилаи байни вояи (дозаи) ҷудогона, муҳлати табобат, тарзи қабули дору (истифодаи нӯшокиҳо барои қабули доруҳо), риояи парҳези махсус ва ғайра. Ҳамаи инҳо ба ҷараёни муолиҷаи беморӣ таъсир мерасонанд.
Равшан ИМОМОВ,
мудири озмоишгоҳи марказии Хадамоти назорати давлатии фаъолияти фармасевтӣ


Баёни ақида (0)    Санаи нашр: 29.08.2017    №: 183-184    Мутолиа карданд: 428

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед