logo

номаҳо

АЗ ЗАМИНАМОН МАҲРУМ СОХТАНД

Ман ҳамроҳи фарзандону келинҳоям ҳанӯз 8 сол қабл ин гӯшаи замини бекорхобида ва ба харобазор табдилёфтаро барои ба киштзор табдил додан ихтиёр карда будем, то ки ҳосиле ба даст оварда, зиндагиямонро беҳбуд бахшем.
Онҳое, ки ҳолу аҳволи моро дида буданд, хуб медонанд, ки дар ин қитъаи замин чӣ қадар заҳмат кашидем. Аз ин рӯ, соли 2014 барои ҳуҷҷат кардани он ба мақомоти дахлдори ноҳия муроҷиат намудам. Дар асоси қарори раиси ноҳия ба ман аз 19 марти соли 2014 таҳти № 241 барои ташкил намудани хоҷагии деҳқонӣ, майдони умумӣ – 5,06 га, аз он ҷумла замини корами обӣ – 4,92 га дар намуди ҳуқуқи истифодаи якумрӣ – меросӣ сертификати ҳуқуқи истифодаи замин, дараҷаи А № 0468930 аз тарафи кумитаи идораи замини ноҳия 24.07.2014 доданд. Инчунин, пас аз васеъ гардондани қитъаи замин маротибаи дуюм ба тариқи илова ба хоҷагии деҳқонӣ (фермерӣ)-и «Комрон» соли 2015 қарори раиси ноҳия ба тасвиб расидааст.
Гузашта аз ин, масъулони мақомоти дахлдори ноҳия ба ман пешниҳод карданд, ки дар назди замин бошишгоҳи саҳроӣ бунёд намоям. Аз пайи омода намудани ҳуҷҷатҳои лозима шудам, қариб ҳамаи ҳуҷҷатҳои сохтмони бошишгоҳро омода кардам ва моҳи январи соли 2016 барои маслиҳат пурсидан ба раиси кумитаи идораи замини ноҳия муроҷиат намудам. Мутаассифона, ӯ ҳуҷҷатҳоро аз дастам гирифта, дигар барнагардонд.
Имрӯз масъулони мақомоти иҷроияи маҳаллии ҳокимияти давлатии ноҳия даъвои онро доранд, ки гӯё замини мо барои тақсими қитъаи замини наздиҳавлигӣ ҷудо шудааст ва ба мо мегӯянд, ки «шумо дигар ҳуқуқи истифодаи ин заминро надоред». Ҳол он ки ин замин обӣ аст ва заминҳои обиро бояд самаранок истифода бурд. Гузашта аз ин, бо Қарори Ҳукумати Ҷумҳурии Тоҷикистон додани заминҳои обӣ барои сохтани манзили истиқоматӣ қатъиян манъ аст. Мутаассифона, масъулини мақомоти иҷроияи маҳаллии ҳокимияти давлатии ноҳия меҳнату заҳматҳои чандинсолаи моро қадр накарда, як қисмати ин замини обиро ба мардум тақсим кардаанд, ки мо ҳоло зироатҳои киштнамудаамонро ҷамъоварӣ накарда, аллакай як нафар «ман ин заминро ҳуҷҷат кардам» гуфта, дастранҷи моро поймол сохта, барои бунёди манзил ба болои он қуму шағал рехтааст.
Ҳарчанд саъю кӯшиши зиёд ба харҷ додем, ки ин заминро аз мо нагиранд, аммо он ҳама бенатиҷа анҷом ёфт.
Зарур шумурдем, ки тариқи гӯшаи «Шаҳрванд»-и рӯзномаи «Ҷумҳурият» ин масъаларо ба миён гузорем. Шояд масъулон ба доди ин ҷониб бирасанд ва масъаларо дуруст ҳал бинамоянд.
Авзалмо ХОҶАЕВА, роҳбари хоҷагии деҳқонии «Комрон»-и
Ҷамоати деҳоти Чоргули, ноҳияи Ёвон


Баёни ақида (0)    Санаи нашр: 31.08.2017    №: 186    Мутолиа карданд: 1725

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед