logo

иқтисод

ИСТИХРОҶИ АНГИШТ. "ФОН-ЯҒНОБ" НАҚШИ КАЛИДӢ ДОРАД

Истихроҷу коркарди ангишт яке аз соҳаҳои афзалиятнок ва манфиатбахш буда, рушди ин соҳа метавонад дар таъсис ва фаъолияти бомароми корхонаҳои саноатӣ нақши фаъол гузорад. Хушбахтона, кулли ангиштканони ноҳияи Айнӣ моҳияти ин масъаларо дарк намуда, ҷиҳати афзоиши бемайлони истихроҷи ангиштсанг силсилаи тадбирҳои судмандро ба роҳ мондаанд.

Ин матлабро Неъматулло Раҳматуллозода, раиси ноҳия Айнӣ, зимни як ҳамоиши идона бахшида ба Рӯзи ангиштканон дар ҳузури роҳбарият ва кормандони Корхонаи фаръии шахтаи «Фон-Яғноб» баён намуд. Раиси ноҳия изҳор дошт, ки дар доираи иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба рушди соҳа истихроҷи ангишт дар конҳои ноҳия сол ба сол рӯ ба афзоиш аст. Чунончи, дар давоми ҳашт моҳи соли ҷорӣ истихроҷи ангишт дар ноҳия 786,0 ҳазор тоннаро ташкил дода, нисбат ба ҳамин давраи соли гузашта 107,0 ҳазор тонна зиёд мебошад. Дар ҳамин ҳол, танҳо дар Корхонаи фаръии шахтаи «Фон-Яғноб» ҳаҷми истеҳсоли ангишт дар ин давра ба 426,0 ҳазор тонна расида, 130 дарсади иҷрои нақшаро ташкил медиҳад. Неъматулло Раҳматуллозода бо қаноатмандӣ аз нишондиҳандаҳои истеҳсолӣ ва  фаъолияти босамари ангиштканон пешқадамони истеҳсолотро бо ифтихорномаҳои мақомоти иҷроияи маҳаллии ҳокимияти давлатии ноҳия сарфароз гардонд.
Зимнан, Фирӯзбек Сайфуллоев, директори кулли Корхонаи фаръии шахтаи «Фон-Яғноб», кормандони фаъолро бо туҳфаҳои молиявию хотиравӣ қадрдонӣ намуда, изҳор дошт, ки ҷомеаи меҳнатии корхона дар партави сиёсати созандаи Пешвои муаззами миллат 26-солагии Истиқлолияти давлатиро бо дастовардҳои назарраси меҳнатӣ истиқбол мегиранд. Роҳбарияти корхона ба манзури афзоиши истеҳсоли ангишт ва таъмини нақшаву барномаҳои пешбинишуда шароитҳои моддиву маишии коргаронро пайваста беҳтар менамояд. Аз ҷумла, музди миёнаи маоши кормандони соҳаи саноатро дар соли 2017 ба 2727 сомонӣ расондааст, ки нисбат ба соли 2016-ум 767 сомонӣ зиёд мебошад.
Ба гуфтаи Собир Ҳоҷиев, сармуҳандиси корхона, дар ин коргоҳ ба нақши ҷавонон дар рушди истихроҷи ангишт афзалият дода шудааст. Ҳоло дар корхона 39 нафар ҷавон аз коргари одӣ то мутахассису сардорони қитъаҳо фаъолият доранд. Гузашта аз ин, айни замон 8 нафар мутахассиси ҷавон бо дастгирӣ ва маблағгузории корхона дар муассисаҳои таҳсилоти олии касбӣ аз рӯи ихтисосҳои гуногуни вобаста ба соҳаи кӯҳкорӣ таҳсил менамоянд.
Роҳбарияти Вазорати саноат ва технологияҳои нави ҷумҳурӣ, Корхонаи воҳиди давлатии «Ангишти Тоҷик» низ дар рушди истихроҷи ангишт дар ҷумҳурӣ саҳми «Фон-Яғноб»-ро назаррас медонанд. Аз ҷумла, ба гуфтаи Сайфиддин Аслиддинзода, муовини директори кулли КВД «Ангишти Тоҷик» аз 920,0 ҳазор тонна ангишти дар ҳашт моҳи соли ҷорӣ истихроҷшуда 425,0 ҳазор тонна ба КФ шахтаи «Фон-Яғноб» рост меояд, ки 46 дарсади истихроҷи ангишт дар ҷумҳуриро ташкил медиҳад. Дар маҷмӯъ, истихроҷи солонаи ангишти ин корхона зиёда аз 60 дарсади талаботи ҷумҳуриро таъмин месозад. Корхонаҳои азими саноативу энергетикӣ, назири Хуаксин-Ғаюр семент, Моҳир семент, Тоҷиксемент, Маркази барқу гармидиҳии шаҳри Душанбе ва муассисаҳои буҷетӣ аз истифодабарандагони аслии ангишти «Фон-Яғноб» мебошанд.
Бино ба маълумоти оморӣ, афзоиши истихроҷи ангишт дар конҳои ҷумҳурӣ маҳз дар замони Истиқлолияти давлатӣ бамаротиб боло рафт. Аз ҷумла, соли 2016 дар мамлакат ҳаҷми истихроҷи ангишт 1,360 ҳазор тоннаро ташкил намуд, ки дастоварди бесобиқа аст. Ин раванд имкон дод, ки корхонаҳои саноатии дар гузашта бо гази табиӣ фаъолиятдошта, баробари маҳдуд шудани гази воридотӣ бо истифода аз ангишт фаъолияти хешро ба роҳ монанд. Бино ба иттилои Хол Ҳайдар, муовини аввали вазири саноат ва технологияҳои нави ҷумҳурӣ, феълан дар мамлакат 230 корхонаи саноатӣ аз ин намуди сӯзишворӣ истифода мекунанд, ки дар рушди иқтисодиёти мамлакат нақши чашмрас доранд.   
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 31.08.2017    №: 186    Мутолиа карданд: 569

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед