logo

фарҳанг

ЗАБОНАМОНРО НИГАҲ ХОҲЕМ ДОШТ

Андешапешагони кишварамон аз дастурҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мавриди гиромидошт ва ба таври шоиста донистани забони миллӣ бардоштҳои судбахш дошта, талош барои шукуфоии сухани тоҷикӣ доранд. Ҳамин аст, ки солҳои охир тоҷикидонӣ ва саранависӣ дар ҷомеаи мо ҳунари баланд ба шумор рафта, адабпарастону забоншиносон рӯ ба беҳсозӣ ва илмисозии забони тоҷикӣ овардаанд.

Донишомӯхтагон ва коршиносон огоҳанд, ки забони тоҷикӣ аз дастаи забонҳои ҳиндуэронӣ, аз гурӯҳи забонии ҳиндуаврупоӣ мебошад ва реша дар забони ориёӣ дошта, дар радифи забонҳои неруманд ҷой дорад.
Аммо забони гиромии мо пас аз ҳамлаҳои шадид вожаҳои ғайрро дар навбати нахуст пазируфта, бо гузашти дусад – сесад сол, чӣ бо фишори ишғолгарон ва чӣ бо талоши рӯҳониёну донишмандони худбегона, шумори вожаҳои ба пайкараш воридшударо то ба 60 дарсад ва аз он ҳам зиёд расонда буд. Ва чуноне ошкор аст, рахнаи забоншиносии сиёсатзадаи шӯравӣ тавоноии илмии забони моро то андозае коста гардонд.
Забонҳои қавмҳои ғолиб, ки бештар сабабгори ошуфтагии забони тоҷикӣ гардидаанд, даст ба вожаҳои пояӣ дароз карда, ба онҳо осеб расондаанд. Забони тоҷикӣ пас аз садаи VII мелодӣ анбӯҳи вожаҳои пояии худ, иборат аз феълҳои содаро аз даст додааст, ки бинобар бегона гаштан акнун дубора аз онҳо наметавон кор гирифт. Чунончи: «ниюшидан» (шунавидан), «тафтан» (тафсидан), «фарсудан» (куҳна шудан), «шикефтан» (сабр кардан), «сутурдан» (пок кардан), «ситадан» (пас гирифтан), «охтан» (дароз кардан), «алфахтан» (тӯда кардан), «оғолидан» (таҳрик кардан), «шоистан» (ҳақдор кардан) ва монанди он.
Бисёре аз феълҳои содаи дар баён шевову расо, ки ба воситаи пешвандҳо сохта шудаанд,  ҷойи худро ба феълҳои мураккаб додаанд. Ба монанди: «ёридан» - ёрӣ додан, олудан – олуда кардан, осудан – истироҳат кардан ва монанди он, ки бо такрори фаровони «кардан», ба сохтори оҳангдори забони тоҷикӣ зиён меоварад.
Ҳамин фишори соҳибони забонҳои бегона сабаб гардида, ки  бисёре аз пешовандҳои феълӣ низ аз баҳрагирӣ дар канор монда, бад – ин васила ба тавонмандии забони тоҷикӣ осеб расонда шавад.
Барои огоҳии бештар дар ин росто мо нигоҳи гузаро ба пешовандҳои феълии забони русӣ меафканем, ки аз хешовандони забони тоҷикӣ буда, сохтори вожасозии он низ бар пояи омезиши решаҳо устувор аст. Забони русӣ гарчи калимаҳои бешумореро низ аз забонҳои дигар вом гирифта бошад ҳам, тору пуди худ, устухонбандии хеш, яъне сохтори вожасозиашро нигаҳ дошта, дар дарозои замон вожаҳои сутунӣ, ё пояии худро хеле кам аз даст додааст.
Яке аз вижагиҳои тавонмандии ин забон сохтани феълҳои зиёде ба воситаи пешовандҳои феълӣ мебошад, ки аз роҳи корбурди онҳо, маъниҳои гуногуни як вожаро метавон пайдо кард. Чунончи агар мо як вожаи русии «ходить» (рафтанро) интихоб карда, ба он пешовандҳои «на», «от», «за» «с», «пере», «ис», «у»- ро бипайвандем, маъниҳои гуногуне ҳосил хоҳем кард; «находить» (дарёфтан, пайдо кардан), «отходить» (ба канор рафтан), «заходить» (ворид шудан), «сходить», (рафтан, сари қадам…), «переходить» (гузаштан, убур кардан), «исходить» (баромадан - бармеояд), «уходить» (берун шудан, бурун рафтан)…..
Дар забони классикони адабиёти мо вожаҳое, ки аз роҳи пешовандҳои феълӣ сохта шудаанд, чун дар забони русӣ фаровон ба кор бурда шудаанд. Чунончи бо корбурди пешованди «боз»: бозхондан, бозовардан, бозбурдан, бозшинохтан, бозҷастан, бозрасондан, бозистодан, бозгаштан, бозҷустан, бозомӯхтан, бозниҳодан. Бо коргирӣ аз пешованди «бар»: баргирифтан, баровардан, барниҳодан, барсохтан, барафроштан, баромадан, (бармеояд), барнишондан, барафкандан, барчидан, баршумурдан, барнишастан, барнигаристан, баргузидан, барҷастан, баргаштан, барканор. Бо пешованди «дар»: дархостан, дармондан, даровардан, дарафтодан, даррасидан, даррафтан (дарнарафтан), даровехтан, дарниҳодан, дарафкандан. Бо пешованди «фаро»: фарохӯр, фаротар, фаро гирифтан, фаро расидан, фаро хондан. Бо пешованди «фурӯ»  -  «фурӯд»: фурӯ омадан, фурӯ бурдан, фурӯ рафтан, фурӯд овардан, фурӯ ниҳодан. Бо пешованди «во»: вокӯфтан, вогузордан, вогуфтан, вораҳидан, вобастан, вохостан, вомондан, ворастан, вокуниш кардан. Бо корбурди пешованди вожасози «ҳам»: ҳамгуҳар, ҳамгун(а), ҳамсон, ҳамдуш, ҳамсанг, ҳамранг, ҳамнабард, ҳамдостон, ҳампеша, ҳамгинон, ҳамрадиф, ҳамроҳ, ҳамроз, ҳампеша, ҳамтухма, ҳамнажод, ҳамсангар. Бояд донист, ки пешовандҳои вожасоз, ки дар забони осори классиконамон ба кор бурда мешуданд, бо гузашти замон тағйири шакл кардаанд: «андар» – дар, «абоз»  – боз, «абар»  – бар, «або»   – бо,  «аби»   – бе, «фаро»   – фароз.
Ҳамчун намунаи коргирии фаровон аз пешовандҳои феълӣ, байти зеринро аз «Шоҳнома» - и Ҳаким Фирдавсӣ пеши рӯ меоварем:
Набояд, ки гург аз пасаш даркашад,
Ки ӯро ҳамон бахти бад баркашад.  
Аз ин нигариш бар он боварем, ки забоншиносони донои мо андешаи таҳлилии хешро ба шеваи фаромӯшшудаи вожасозӣ равона карда, барои коргирӣ аз он талош хоҳанд варзид. Гумон меравад ин суханони шоистаи Пешвои тоҷикони ҷаҳон, муҳтарам Эмомалӣ Раҳмон, ҳамеша дастури соҳибони забони аҳуроии тоҷикӣ хоҳад буд:
«Ниёконамон ин забони нобро то ба рӯзгори мо бо як ифтихор ва хештаншиносӣ маҳфуз доштаанд ва мо низ ин ҷавҳари ҳастии миллатро дар андеша, гуфтор ва кирдори наслҳо аз рӯи эҳтиром ба таври ҷовидон бояд ҳифз намоем. Мо борҳо таъкид намудаем, ки донистани забони миллӣ далели эҳтиром ба миллат, арзишҳои миллӣ ва таърихию фарҳангии хеш аст».
Зафар МИРЗОЁН,
мушовири ректори Донишгоҳи давлатии Кӯлоб ба номи Абуабдуллоҳи Рӯдакӣ


Баёни ақида (0)    Санаи нашр: 31.08.2017    №: 186    Мутолиа карданд: 776
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед