logo

маориф

ДОНИШГОҲИ ТИҶОРАТ - МАКТАБИ СОҲИБКОРОНИ МУВАФФАҚ

Боиси ифтихор ва сарфарозии ҳайати устодон, кормандон ва донишҷӯёни Донишгоҳи давлатии тиҷорати Тоҷикистон аст, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 1 сентябри соли 2009 дар Рӯзи дониш ба донишгоҳи мо ташриф оварданд ва он рӯз Ҷаноби Олӣ бинои нави таълимиро кушода, дар баромади хеш ба фаъолияти Донишгоҳи давлатии тиҷорати Тоҷикистон ҷиҳати татбиқи низоми кредитӣ баҳои баланд доданд.

Донишгоҳи давлатии тиҷорати Тоҷикистон, ки имсол аз таъсисёбиаш 30 сол пур мешавад, яке аз муассисаҳои таҳсилоти олии касбии пешрафтаи кишвар ба ҳисоб рафта, дар он ҷараёни таълим тибқи низоми кредитии таҳсилот пеш бурда мешавад.
Ҳангоми таъсисёбӣ донишгоҳ  ҳамагӣ аз  2 факулта ва  4 кафедра  иборат буд. Имрӯз донишгоҳ  дорои 5 факултет,  Донишкадаи  иқтисод ва савдои  шаҳри Хуҷанд, литсей, парки технологӣ, «Бонки таълимӣ», шуъбаҳои магистратура, аспирантура, докторантура ва тайёрӣ, марказҳои такмили ихтисос, бозомӯзӣ, омӯзиши забонҳои хориҷӣ, таҳсилоти фосилавӣ ва мудофиаи  шаҳрвандӣ  мебошад.
Дар 7 бинои таълимии донишгоҳ 140 синфхона, 7 лабораторияи таълимӣ ва 15 кабинети методӣ ҷойгир шудаанд, ки дар маҷмӯъ дорои 4924 ҷойи нишаст мебошанд. Шумораи синфхонаҳои компютерӣ 15 ва компютерҳо зиёда  аз 600 ададро  ташкил медиҳад. Аксари онҳо ба шабакаи интернет пайваст мебошанд. Дар ҷараёни таълим, инчунин, диопроектор (бо экран), лавҳаҳои электронӣ, миқдори зиёди ноутбук ва нетбукҳо, терминалҳои иттилоотӣ, принтерҳо ва дигар таҷҳизоти  ҳозиразамон истифода бурда мешаванд.
Донишгоҳ аз рӯи 18 ихтисоси замонавӣ, ки 24  зерихтисоси ба талаботи бозори меҳнат ҷавобгӯйро дар бар мегирад, тибқи барномаҳои «Бакалавр» аз рӯи 11 ихтисос, «Магистр» аз рӯи 14 ихтисоси  илмӣ, дар аспирантура, доктор PhD (доктори фалсафа) аз рӯи 19 ихтисоси илмӣ ва докторантура аз рӯи 2 ихтисоси илмӣ мутахассисон ва кормандони илмӣ - омӯзгориро тайёр мекунад. Шӯрои диссертатсионии донишгоҳ дар ҷумҳурӣ ва берун аз он машҳур аст. 
Мактаби  илмии ДДТТ машғули тадқиқоту  ҳалли масъалаҳои иқтисодии равияи соҳибкории тиҷоратӣ буда, барои табдил додани Тоҷикистони соҳибистиқлол  ба кишвари транзитӣ, эҳёи «Роҳи абрешим» ва ташкили фазои ягонаи иқтисодӣ дар ҷумҳурӣ  пайваста талош меварзад. Равияи дигари масъалаҳои тадқиқотӣ дурнамои рушди соҳаи хизматрасонӣ ва  бозори истеъмолӣ дар Ҷумҳурии Тоҷикистон буда, расондани чунин хадамот - моделҳои муосири хизматрасонӣ ба рушди сайёҳӣ  дар кишвари маҳбубамон  мусоидат менамояд.
Тоҷикистон кишвари биҳиштосо, тамошобоб ва дорои захираю имконоти  фаровон аст ва илман асоснок кардани дурнамои рушди индустрияи сайёҳии  кишвари азиз – ҳадафи корҳои илмӣ мебошад.
Дар Паёми Президенти Ҷумҳурии  Тоҷикистон ба Маҷлиси Олии мамлакат таъкид  гардидааст: «Минбаъд  муассисаҳои таҳсилоти олии касбиро лозим аст, ки истифодаи васеи технологияҳои иттилоотиву коммуникатсиониро дар ҷараёни таълим ба роҳ монанд, таҷрибаи байналмилалиро омӯзанд, нақшаву барномаҳои таълимиро ба талаботи бозори дохиливу ҷаҳонии меҳнат ва таҳсилот мутобиқ гардонанд».
Донишгоҳ аввалин шуда «Маркази электронии тестии дохилидонишгоҳӣ» - ро созмон дод. Тамоми санҷишу имтиҳонҳо ба тариқи электронӣ қабул карда мешаванд ва ин амал шаффофияти қабули имтиҳонҳоро баланд мебардорад.
Донишгоҳи давлатии тиҷорати Тоҷикистон ҳамчун мактаби таҷрибаи пешқадам дар Тоҷикистон ба ҳамаи муассисаҳои ҳамто барои гузаштан ба низоми нави таълимӣ  ёрии худро мерасонад.
Пояи мустаҳками технологияи иттилоотӣ ва иртиботӣ  имкон медиҳад, ки дар самти навоварӣ  ва кашфиётҳои нав комёбиҳо ба даст оянд. Тавассути  шабакаҳои  интернетӣ бо ибтикори донишгоҳ борҳо конфронсҳои байналмилалӣ баргузор шудаанд .
Самтҳои асосии фаъолияти илмӣ - тадқиқотӣ ва инноватсионӣ  алҳол инҳоанд:
1. Ташаккул  ва рушди кооператсияи матлубот дар шароити гузариш ба иқтисодиёти инноватсионӣ.
2. Дурнамои  рушди соҳаи хизматрасонӣ.
3. Рушди  фаъолияти соҳибкорӣ.
Тадқиқот дар  соҳаи  тиҷорати  электронӣ  низ оғоз ёфтааст.
Рушди робитаҳои байналмилалии донишгоҳ барои амалӣ гардондани ислоҳоти соҳаи таҳсилоти олӣ ва тадриҷан  ворид шудан ба фазои  ягонаи таҳсилоти ҷаҳонӣ нақши назаррас дорад.   Густариши робитаҳои байналмилалӣ ва ҳамкориҳо  бо муассисаҳои таҳсилоти олии кишварҳои  хориҷӣ ва созмонҳои  байналмилалӣ дар доираи шартномаҳои дуҷониба ва бисёрҷониба роҳандозӣ мешавад. Раёсати донишгоҳ иҷрои корҳои муштараки илмӣ – тадқиқотӣ ва лоиҳаҳои инноватсиониро бо донишгоҳу донишкадаҳои ҷаҳон самти афзалиятноки  фаъолияти хеш мешуморад. Ҳоло бо 13 донишгоҳу донишкадаҳои  хориҷӣ  ҳамкории муштараки илмӣ ба роҳ монда шудааст.
Донишгоҳ дар доираи фаъолияти Шӯрои ректорони  муассисаи таҳсилоти олии кооператсияи матлуботи кишварҳои ИДМ ва шартномаю лоиҳаҳои муштарак алҳол бо беш аз 70  муассисаи таҳсилоти олии кишварҳои узви ИДМ, Осиё  (Ҷумҳурии  Корея, Ҷумҳурии Мардумии  Чин, Ҷумҳурии Исломии Афғонистон, Ҷумҳурии Исломии Эрон), Аврупо (Англия, Шотландия, Ҳолланд, Испания, Италия, Белгия,  Олмон, Лаҳистон, Австрия, Чехия, Словения, Латвия, Шветсия, Франсия) ва ИМА ҳамкориҳои  судманд дорад.
Донишгоҳи давлатии тиҷорати Тоҷикистон дар татбиқи лоиҳаҳои муштарак, ки аз ҷониби  барномаҳои алоҳидаи созмонҳои байналмилалӣ, аз ҷумла  барномаи  TEMPUS-и Иттиҳоди Аврупо, Институти «Ҷомеаи  кушода», Бонки ҷаҳонӣ маблағгузорӣ мешаванд, фаъолона иштирок менамояд. Дар тӯли 10 соли охир донишгоҳ дар татбиқи 15 лоиҳаи муштараки байналмилалӣ, ки самтҳои гуногуни ислоҳоти соҳаи  таҳсилоти олӣ, ба монанди такмили идоракунии донишгоҳ, баланд бардоштани сифати таълим ва кафолати он, байналмилалишавии таҳсилот ва тадқиқот, такмили нақшаҳои таълим, мубодилаи  омӯзгорон ва донишҷӯёнро дар бар мегиранд, иштирок намудааст. Дар амалӣ гардондани ин нақшаҳо  саҳми устодон Арбоби илму техникаи Тоҷикистон, доктори илмҳои иқтисодӣ, профессор С. Ҳабибов,  дотсентон Н. Сангинов, З. Қодирова, Ф. Шарофов, Н. Салимов  ва бисёр дигарон арзанда аст.
Донишгоҳ дорандаи ҷоизаҳои байналмилалии «Сифати Аврупо» (2007), «Муассисаи беҳтарини Аврупо» (2009), шаҳодатномаи аккредитатсияи барномавии  байналмилалӣ (2012) ва ғолиби чандин озмунҳои байналмилалӣ ва ҷумҳуриявӣ мебошад.
Дастпарварони      донишгоҳ ифтихори моанд, онҳо  соҳибкороне мебошанд, ки бо созандагию  бунёдкории худ дар рушду шукуфоии Тоҷикистони азиз саҳми назаррас доранд. Дар корхонаҳои таъсисдодаи дастпарварони донишгоҳ  Авазхони  Султони Кабир, Ғафур Муродалиев, Абдуҳалим Қодирзода, Саидалӣ Амиров, ва дигарон даҳҳо ҳазор сокинони кишвар бо ҷойи кор таъминанд.  Даҳҳо хатмкунандагони  донишгоҳ дар вазифаҳои масъули давлатӣ меҳнат мекунанд.
Дар рӯзи ҷашни 30 - солагии донишгоҳ бамаврид аст номи ташкилотчӣ ва нахустректори ин боргоҳи илму ҳунар, Корманди шоистаи Тоҷикистон, Аълочии матлуботи ҷумҳурӣ, марди бунёдкору созанда, шодравон Арслонбек Ғозибековро бо некӣ  ёд намоем. Устодон Владимир Василевич Салий, И. Усмонов, М. Дониёров, А. Қодиров,  В. Набиев, Ҳ. Наҷмиддинов, В. Стетсенко Р. Исоев, Ҳ. Боқиев, Н. Сангинов, А. Юсуфов, М. Исмоилова,  В. Николаева, А. Умаров, А. Абдуназаров, К. Ҳусейнов,  Б. Қурбонмуродов, В. Давлатмамадов, З. Абдуев, О. Ғуломов ва дигарон дар рушду камоли шогирдон ва ба воя расондани кадрҳои баландихтисос саҳми арзанда гузоштаанд.
 Имрӯз  ҳайати  профессорону устодони ДДТТ пешоҳанги низоми кредитии таълим дар ҷумҳурӣ  буда, дар иҷрои вазифаҳои гузоштаи Асосгузори  сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати ба камол расондани мутахассисони баландпоя сарбаландона талош меварзанд.

Ф. ФАҚЕРЗОДА, Р. РАҶАБОВ,
Қ. ТОЛИБОВ, С. ҲИКМАТОВ,
Ҳ. САНГИНОВ, устодони  ДДТТ


Баёни ақида (0)    Санаи нашр: 4.09.2017    №: 187    Мутолиа карданд: 1627

19.11.2018


Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд


Дар сомонаҳои дигари Тоҷикистон хонед