logo

иқтисод

ВАНҶ. БОЗ ДАР БОРАИ ДАСТОВАРДҲО

Дар даврони соҳибистиқлолӣ ба шарофати сиёсати созандаю бунёдкоронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми гӯшаю канори мамлакат ободу зебо ва шукуфон гардид. Дар ин радиф Ҷамоати деҳоти Язгуломи ноҳияи Ванҷ  низ симояшро ба куллӣ дигаргун сохт.

- Сокинони ин гӯшаи зебои диёр, - гуфт Валиҷон Муҳаммадуллоев, раиси деҳоти Язгулом, - аз он сипосгузоранд, ки баъди сафарҳои кории Сарвари давлат муҳтарам Эмомалӣ Раҳмон ба водии Язгулом дар иҷрои барномаи рушди иқтисодӣ ва иҷтимоии ҷамоати деҳот, коҳиш додани сатҳи камбизоатӣ ва фароҳам овардани шароити арзандаи зиндагӣ барои бошандагони он корҳои зиёде ба ҷо оварда шудаанд. Мардуми сарбаланд ва меҳнатқарини Язгулом ҳеҷ гоҳе фаромӯш намекунанд, ки дар солҳои аввали соҳибистиқлолӣ, вақте баъзе ҷавонони  гумроҳ  камон  дар китфу ханҷар дар миён доштанд, Пешвои муаззами миллат ба водии  Язгулом сафари корӣ анҷом доданд. Сарвари давлат дар расми мавриди истифода қарор додани Неругоҳи барқи обии  деҳаи Андарбак иштирок намуданд. Ҳамон вақт дар суханронии худ Президенти кишвар бо  боварӣ ва итминони комил гуфтанд, ки дар кӯтоҳтарин фурсат  амалҳои ободонӣ, бунёдкорӣ ва созандагӣ  дар саросари Бадахшон оғоз мешаванд. «Шумо сокинони  Ҷамоати деҳоти  Язгулом ва  саросари ноҳияи Ванҷ низ умедвор бошед, ки   раванди  ободкорӣ ва созандагиҳо дар  водиҳои Ванҷи Боло ва Язгулом низ сар мешаванд». Баъди суханронии пурмуҳтавои Сарвари давлат ҳамон рӯз  бист нафар силоҳҳои худро  супурда, ба  назди падару модаронашон баргаштанд ва ҳоло хонаи обод ва зиндагонии хушу гуворо доранд.
Бо дастуру ҳидоятҳои Сарвари давлат,  пеш аз ҳама, бинои нави беморхонаи минтақавӣ дар деҳаи Мотравн қомат афрохт. Дар деҳаҳои Мотравн, Вишхарв ва Жамаг  муассисаҳои таҳсилоти миёнаи умумӣ сохта шуда, бархе аз бинои дигари таълимгоҳҳо таъмир ва бо компютеру принтер таъмин гаштанд. Дар ин давра хонаи фарҳанги деҳаи Мотравн навсозӣ гардида, ҳамзамон, се маркази саломатӣ ва бунгоҳи тиббии нав сохта шуд. Миёни деҳаҳои Шавуд ва Будун аз болои Язгуломоб пули мошингузари тавоноиаш зиёда аз 30 тонна сохта шуд. 
Баъди сафари кории навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  ба  Ҷамоати деҳоти Язгулом, ки ду сол пеш сурат гирифта буд,  корҳои ободонию созандагӣ вусъати тоза гирифтанд. Иқтидори НБО-и деҳаи Андарбак аз 250 кВт - соат ба 500 киловатт соат расонда шуд. Бо дастури Пешвои муаззами миллат сохтмони хатти баландшиддати барқии 35 - киловолтаи Вомар- Шидз - Деҳ - Язгулом ба итмом расид. Ҳоло манзилҳои истиқоматии сокинони  водӣ, мактабу муассисаҳои тиббӣ ва фарҳангӣ саросар чароғон гаштаанд. Дар ин рӯзҳои ҷашнӣ сохтмони Неругоҳи барқи обии деҳаи Мотравн низ босуръат идома дорад ва  дар муҳлати муайяншуда мавриди истифода қарор  хоҳад гирифт. Ҳамзамон, сохтмони бинои дуошёнаи Ҷамоати деҳоти Язгулом оғоз ёфт. Ба деҳаи Зайч, ки то ҳанӯз роҳи мошингард надошт, дар масофаи 10 километр роҳи нав сохта шуд. Дар ин давра сифати роҳҳои миёни деҳаҳо, аз Дашти Язгулом то рустои Зайч, ки зиёда аз 75 километрро ташкил медиҳад,  хеле  беҳтар гаштааст.
Ба гуфтаи Содиқ Абдусамадов, сардори идораи кишоварзии ноҳияи Ванҷ  бо дастгирии  Ҳукумати Ҷумҳурии Тоҷикистон соҳаи кишоварзӣ  низ дар хоҷагиҳои деҳқонӣ ва хусусии ҷамоати деҳоти Язгулом  хеле рушд ёфтааст. Ин водӣ  макони асосии парвариши дарахтони мевадор, аз ҷумла себу нок, зардолу, гелосу олуболу ва токҳои ангур мебошад. Дар ин давра бо  кумаки мақомоти иҷроияи ҳокимияти давлатии вилоят ва ноҳия, инчунин, дар  ҳамкорӣ бо Барномаи инкишофи иҷтимоии манотиқи кӯҳистони хазинаи Оғохон  обёрӣ ва аз худ кардани 100 гектар  замини ташналаби дашти Язгулом анҷом ёфта, 22  гектар боғ бунёд гаштааст.

Сироншоҳи ДИЛОВАР,  «Ҷумҳурият»


Баёни ақида (0)    Санаи нашр: 4.09.2017    №: 187    Мутолиа карданд: 380

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед