logo

фарҳанг

ФОНУСИ НОМУС

Эй забони модариям!
Ту  ганҷинаи хиради миллатам ҳастӣ. Ту забони ҷовидонаӣ.  Дар назофат   чу шири поки модар софу зулолӣ. Аз ангубин ширинтарӣ. Ба сони булур шаффофӣ. Ба монанди шамси ҷаҳонтоб фурӯзонӣ. Ту появу мояи рӯҳи шикастнопазири халқи кабири ман ҳастӣ. Ту меҳвари маърифати тоҷиконӣ. Ту пуршавкату бузургмақомӣ. Воломартабаӣ. Ту рози муҳаббатӣ. Камоли каломӣ. Сеҳру муъҷизаӣ. Ту олитарин фурӯғи назми ҷонпарварӣ.  Ту барои мо азамату шукӯҳи асолатӣ. Шуои шуурӣ. Файзи фазилатӣ. Танини тавҳиду хуршеди хирад ҳастӣ. Ту фарҳанги сабзи суханӣ. Ту башорати субҳу ҳусни баҳорӣ.
Забони модариям! Ҳастиям. Пайванди пайкарам. Дидаи дилам. Аслам. Нажодам. Ному Насабам. Шарофатам. Шафоатам. Фонуси  номусам.
Ту чашми хиради ҷаҳони Рӯдакиӣ. Ту кохи азамати  «Шоҳнома»-и Фирдавсӣ ҳастӣ, ки аз боду борон газанде набинад. Ту ҷавҳари нури  ҳикмати Хайёмӣ. Ҳуҷҷати ифтихори Носири Хусравӣ. Ту мағзи «Маснавии маънавӣ»-и Мавлоноӣ. Ту гулгаштҳои ҳамешасабзи «Гулистон»-у боғҳои бехазони «Бӯстон»-и Саъдӣ, қабули хотиру лутфи сухани худододи Ҳофиз, қанди бастаи каломи Камол ва равзаҳои пурнакҳату ботаровати «Баҳористон»-и Ҷомӣ ҳастӣ.  Ту маънии баланди шеъри Бедилӣ, ки даркаш фаҳми тунд мехоҳад. 
Султони авранги сухан - Мирзо Бедил, ки шоири баландшавкат мебошад, нафасро дар синаи вуҷуд «накҳатошёни хулди тавсифат»  ва нигаҳро дар дидаи ҷон «шабнампарвари боғи  тамошоят» кардааст. Ту, забони модариям, лафзу маънии ашъори Соибӣ, ки  чун ҷону ҷонон онро  ҳаргиз наметавонанд бо теғ ҳам аз якдигар ҷудо бинмоянд. Ту осори  аллома Садриддини Айнӣ ҳастӣ, ки шаҳодатномаи  исботи бузургии тоҷикон шуд.
Устод Айнӣ бо ҳиммату шуҷоати беназираш, бо қудрати қаламу донишу маҳорати оламгираш барои ту камар баст. Махсусан, дар солҳои бистуму сиюми асри гузашта барои ҳифзу асолати ту, эй забони дилнавози модариям, ҷонфидоию ҷонфишонӣ намуд ва бо нашри мақолаҳои шуълавараш - «Сайфу қалам», «Акнун навбати қалам аст», «Қавми тоҷик ва рӯзнома», «Дар бораи мактаб ва маорифи тоҷикон», «Дар бораи китобҳои мактабии тоҷикон», «Тоҷикони кӯҳистон» ва, бавижа, асари наҷотбахшаш - «Намунаи адабиёти тоҷик» азамату ҷалоли туро бори дигар собит кард, ки тоҷикон таърихан «як забони адабии умумии ҷаҳоншумул» доранд. Бо осори дигари худ, аз  ҷумла «Одина», «Дохунда», «Ятим», «Марги судхӯр», «Ғуломон», «Ёддоштҳо», равонию  шевоии туро дар замону асри нав ҷилвагар намуд. Ин устоди фарзона, танҳо ба хотири он ки дар саргаҳи бунёди Тоҷикистони шӯравӣ тоҷикон забони худро беҳтар фаро гиранд, нахустин шуда китоби луғати даврони нав «Луғати нимтафсилии забони тоҷикӣ»-ро таълиф кард. Воқеан, бо кору пайкори маънавию адабиаш исбот кард, ки «Суханро чун арӯсон зеб дода, Забони маърифатпардози тоҷик”.
Эй забони модариям! Ту дар даврони истиқлолият мақому манзалати бузургро соҳиб гаштӣ. Аз нав забони давлатӣ шудӣ. Ба шарофати Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон навою садои гуворои ту дар баландтарин минбарҳои олам танин андохт. Имрӯз  ту лаҳни ширину шево, шоирона ва ваҳдату муҳаббати Пешвои миллатӣ.
Пешвои муаззами миллат туро, эй забони модариям, дӯст медоранд. Барои рушду камоли ту пайваста ғамхорӣ зоҳир менамоянд. Ҳидояту раҳнамоиҳои ҳамешагӣ барои омӯзиши амиқи забони модарӣ, қабул ва мавриди амал қарор додани Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», таъсиси Кумитаи забон ва истилоҳот, нашри садҳо ҳазор ҷилд китоб бо ин забон ва дар натиҷа таълиф ва нашри шиносномаи навини ту, эй забони модариям, бо номи мунири «Забони миллат – ҳастии миллат» гувоҳи барҷастаи муҳаббати самимонаи Пешвои миллат ба забони модарию давлатӣ мебошанд. Имрӯз Пешвои бузурги миллати фарҳангофарини тоҷик пуштибони ҳақиқӣ ва ҳомию нигаҳбони ту аст.
Эй  забони зебои модариям! Ту давлатам, савлатам, гавҳарам, меҳрам ва фурӯғи имонам ҳастӣ. Бо ту Худоямро, паямбарамро, динамро,  ормонамро, ҳадафамро, рисолатамро дуруст шинохтам. Бо ту худамро дарк кардам.  Аслу насабамро донистам ва бузургию муҳаббати Ватани ҷоноҷонамро бо тамоми ҳастӣ эҳсос кардам.
 Забони аз ҷон ширинтари модариям!

Мирзоолими  МИРЗОРАҲИМ,
ноҳияи Мастчоҳ


Баёни ақида (0)    Санаи нашр: 8.09.2017    №: 189-190    Мутолиа карданд: 664
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед