logo

сиёсат

КОНСТИТУТСИЯ - ДАСТОВАРДИ БУЗУРГИ ИСТИҚЛОЛИЯТ

9 сентябри соли 1991 Тоҷикистон худро давлати соҳибихтиёр эълон кард, яъне дар ҳаёти сиёсии кишвари маҳбуби мо рӯйдоди хеле фараҳбахшу муҳим ва таърихӣ ба вуқӯъ пайваст. Декабри соли 1991 мамлакати озоди тоҷику тоҷикистониён узви комилҳуқуқи Иттиҳоди Давлатҳои Мустақил гардид ва моҳи марти соли 1992 ҷомеаи ҷаҳонӣ дар симои СММ Тоҷикистонро ҳамчун давлати мустақил шинохт. Ба андешаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Истиқлолияти давлатӣ Тоҷикистонро бо ҷаҳон ва ҷаҳонро бо Тоҷикистон пайванди ногусастанӣ ва ҳамешагӣ бахшид, дарвозаҳои чаҳор самти олами бекаронро ба рӯяш боз намуд.
Соҳиб гаштан ба Истиқлолияти давлатӣ аз сиёсатмадорон тақозо менамуд, ки дар самти бунёди низоми нави ҳуқуқӣ, таҳия ва қабули Конститутсияи нави кишвар ва қонунҳои дигари ҳаётан муҳим, ки ҷавобгӯй ба стандартҳои байналмилалӣ бошанд, тадбирҳои муассир андешанд. Вале солҳои аввали соҳибистиқлолӣ бо дахолати қувваҳои ниҳонӣ вазъи сиёсии кишвар муташанниҷ гашт ва танҳо баъди Сарвари давлат интихоб гардидани Пешвои муаззами миллат муҳтарам Эмомалӣ Раҳмон дар моҳи ноябри соли 1992 имкон фароҳам омад, ки дар самти таъмини ҳаёти осоишта, беҳсозии некуаҳволии мардум, ҳалли масъалаҳои сиёсӣ, иқтисодиву иҷтимоӣ қадамҳои устувор гузошта шаванд.
Пас аз барқарор гардидани ҳокимияти конститутсионӣ дар кишвар зарурати ба таври расмӣ муайян намудани сохти давлатдорӣ ва роҳи минбаъдаи мамлакат, самтҳои гуногуни рушди ҳаёти он ба миён омад.  Бо ин мақсад аз ҳисоби мутахассисони соҳаҳои гуногуни ҳаёти кишвар, махсусан ҳуқуқдонон комиссияи конститутсионӣ таъсис ёфт ва ба зиммаи он таҳияи лоиҳаи нави Конститутсияи Ҷумҳурии Тоҷикистон бо назардошти талаботи замони муосир гузошта шуд. Бо назардошти дархосту пешниҳодоти мардуми мамлакат ва ташкилоту идораҳо, созмонҳои ҷамъиятӣ аз тарафи комиссияи мазкур лоиҳаи Конститутсия таҳия шуд ва 6 ноябри соли 1994 бо номи Конститутсияи (Сарқонуни) Ҷумҳурии Тоҷикистон ба тариқи раъйпурсии умумихалқӣ қабул гашт. Тибқи моддаи 1 Конститутсия Тоҷикистон давлати соҳибихтиёр, демократӣ, ҳуқуқбунёд, дунявӣ ва ягона эълон шуд. Ҷумҳурии Тоҷикистон ҳамчун давлати мустақил барои барқарор ва ташкили асосҳои давлатдории навин дар асоси Конститутсия ва дигар санадҳои меъёрии ҳуқуқӣ муваффақ гардид, амният ва оромии ҷомеа, суботи сиёсӣ ва иҷтимоиву иқтисодиро дар кишвар таъмин кард.
Конститутсияи Ҷумҳурии Тоҷикистон, ки ба он 26 сентябри соли 1999, 22 июни соли 2003 ва 22 майи соли 2016 тавассути раъйпурсии умумихалқӣ тағйиру иловаҳо ворид карда шудаанд, дар солҳои соҳибистиқлолӣ дар рушди иҷтимоиву иқтисодии кишвар, тантанаи адолат, ҳифзи ҳуқуқу озодиҳои мардум хизмати арзанда намуд. Конститутсия инсон, ҳуқуқ ва озодиҳои ӯро арзиши олӣ эътироф намудааст. Бинобар ин, Тоҷикистон аз рӯзҳои аввали истиқлолияти давлатӣ ба ҷараёни иҷрои таъмини риояи ҳуқуқу озодиҳои инсон ва арзишҳои умумибашарӣ диққати ҷиддӣ дода, дар ин самт чораҳои дахлдорро амалӣ намуд.
Ин ва дигар чораҳои андешида аз он шаҳодат медиҳанд, ки Тоҷикистони соҳибихтиёр тамоми имкониятҳо ва воситаҳоро барои эҳтиром, риоя, таъмин ва ҳимояи ҳуқуқи инсон андешидааст ва минбаъд низ хоҳад андешид.

И. САИДЗОДА,
муовини директори Маркази
миллии қонунгузории назди
Президенти Ҷумҳурии Тоҷикистон


Баёни ақида (0)    Санаи нашр: 8.09.2017    №: 189-190    Мутолиа карданд: 667
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед