logo

фарҳанг

ФАРЗОНАФАРЗАНДОНИ МИЛЛАТ ВА ЗАБОНИ ТОҶИКӢ

Тоҷикон аз зумраи халқиятҳое мебошанд, ки  дар таърихи мавҷудияташон ҷабрҳои зиёдеро дидаву таҳаммул карда, ба саодати соҳибмиллативу соҳибдавлатӣ мушарраф гардидаанд. Дар давраҳои гуногуни таърихӣ аҳёнан фарзонафарзандоне зуҳур кардаанд, ки бо донишу идрок ва  иродаи қавиашон миллатро аз хатари нобудшавӣ наҷот дода, бо ин амали хеш умри ҷовидона ёфтаанд.  Аз гузаштаи дури таърих ёд намекунем, зеро барои тақвияти гуфтаҳои болоамон кифоя аст, ки садсолаи охири давлатдории тоҷикон ва ҷонбозиҳои  фарзандони фарзонаи миллат оид ба барқарор кардани адолати таърихӣ ва  ҳифзи якпорчагии марзу буми Ватанро хотиррасон намоем. Ба ҳамагон маълум аст, ки тоҷикон бо вуҷуди таърих ва фарҳанги қадима доштанашон дар солҳои бистуми асри гузашта ба ноадолатиҳои зиёд рӯ ба рӯ гардидаанд. Дар ин айём, ки пантуркизм бо авҷи олии рушд зуҳур карда буд, тамоми кӯшишро барои ташкил нашудани ҷумҳурие бо номи Тоҷикистон дар Осиёи Марказӣ, ки аҳолии асосиву бумиашро тоҷикон ташкил мекарданд, мубориза мебурд. Ҳатто барои ба мақсад расидан ҷавонони равшанфикри дар Туркия таҳсилдидаи тоҷикро моҳирона истифода бурдаанд, ки таъсирноктарин шахсиятҳои замони худ ба шумор мерафтанд. Имрӯз метавон ба хулосае омад, ки дар он шароити ҳассоси таърих Худованд устод Айнӣ ва ҳаммаслаконашро ба бахти тоҷикон додаву нигоҳ доштааст. Зеро, маҳз талошу кӯшишҳои пай дар пайи ин фарзонафарзанди миллат боис шуд, ки дар аввал Ҷумҳурии Мухтори Тоҷикистон, баъдтар Ҷумҳурии Шӯравии Сотсиалистии Тоҷикистон таъсис ёбад. Ташкил шудани давлати миллӣ барои мо - тоҷикон дастоварди беназир маҳсуб меёбад. Зеро имрӯз миллатҳои зиёде ҳастанд, ки бо вуҷуди зиёд будани шумораашон аз шарофати давлатдорӣ бенасиб мондаанд. Аз ин рӯ, месазад номи  нафаронеро, ки дар ташкили давлати миллӣ, рушду нумӯи он, ҳифзи истиқлолият ва якпорчагии кишвари азизамон Тоҷикистон ҷонбозиҳо кардаанд, бо эҳтиром ба забон орему гиромиашон дорем. Боиси хушнудист, ки имрӯз зиёдтар аз ҳар нафари дигар Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба заҳмати бузургони миллат арҷ гузошта, хизмати эшонро гиромӣ медоранд. Нафарони огоҳ бисёр таъкид намудаанд, ки таъсиси олитарин унвон дар кишвар - «Қаҳрамони Тоҷикистон» ва сарфароз гардондани фарзонафарзандони миллат бо он иқдоми саривақтӣ буд. Зеро, то имрӯз нафароне пайдо мешаванд, ки баъзан надониста ва баъзан, шояд огоҳона хизмати бузургони тоҷикро нодида гирифта,  бо суханони бепояву беасос ҳарзагӯйӣ мекунанд. Воқеан, агар аз ҷонбозиҳои шахсиятҳои ҷонсупурдаи миллат огоҳ бошему сидқан баҳо диҳем, пас боварӣ ҳосил менамоем, ки ҳеҷ нафари дигар наметавонист ба ҷойи онҳо чунин хизмати бошарофона, вале пурхатарро анҷом диҳад. Адабиётшиносону сиёсатшиносон ва дигар қишри рӯшанфикри ҷомеа эҷоди китоби арзишманди «Намунаи адабиёти тоҷик»-ро қаҳрамонии бемисл ном мебаранд, ки танҳо устод Садриддин Айнӣ ин корро карда тавонист.  Устод дар баробари эҷоди асарҳои гаронбаҳои бадеиву публитсистӣ, чун олими забардаст ва аввалин роҳбари Академияи илмҳои Тоҷикистон дар рушди бемайлони адабиёт, фарҳанг ва илму маърифат саҳми беандоза дорад. Дар даврае, ки гурӯҳҳои махсус бо тамоми қувва зидди миллати мо кор бурда, таъриху фарҳанг ва забону адабиёти зиёда аз ҳазорсолаамонро инкор мекарданд,  ӯ бо навиштани мақола ва асарҳои илмӣ, бо факту далелҳои раднопазир ба даҳони ҳарзагӯён муҳри хомӯшии ҳамешагӣ мезад. Хусусан, силсиламақолаҳои дар бораи забони тоҷикӣ навиштаи номбурда бори дигар забони илму давлатдорӣ будани забони тоҷикиро ёдрас менамояд.
Президенти Ҷумҳурии Тоҷикистон Эмомалӣ Раҳмон низ дар давраи наву ҳассостарину сарнавиштсози тоҷикон - охири асри бист хизмати арзишманде кард. Номбурда замоне масъулияти роҳбарии давлатро бар дӯш гирифт, ки  хавфи пора шудани кишвари воҳиди мо вуҷуд дошт ва маҳз ӯ тамоми ҳастияшро барои барқарорсозии сулҳу ваҳдат, таъмини якпорчагии марзу буми давлати тозаистиқлоламон бахшид ва муваффақ шуд. Коре, ки Эмомалӣ Раҳмон кардаанд, то имрӯз камназир буда, ҷомеаи ҷаҳонӣ сулҳи тоҷиконро беҳтарин таҷрибаи баҳамоӣ маънидод менамояд. То имрӯз созмону ташкилотҳои ҷаҳонӣ  аз кишварҳои гирифтори кашмакашҳои дохилӣ тақозо менамоянд, ки таҷрибаи тоҷиконро дар барқарорсозии сулҳ истифода баранд. Президенти кишвар аз рӯзҳои аввали  масъулияти роҳбариро бар дӯш гирифтан ба муқаддасоти давлатдорӣ таваҷҷуҳи хоса намуда, дар рушди он саҳми созгор гузоштааст. Хусусан, мавқеи забони тоҷикиро чун яке аз рукнҳои асосии давлатдории миллӣ  баланд бардошт. Зеро забон, ки яке аз нишонаҳои асосии миллат ба ҳисоб меравад, пайваста ба таваҷҷуҳу ғамхорӣ ниёз дорад. Роҳбари давлат барои ҳифзу гиромидошт ва тозаву озода нигоҳ доштани забони давлатӣ пайваста тадбирҳо меандешад. Аз ин рӯ, мутмаинем, ки забони тоҷикӣ бо гузашти солҳо мавқеашро боз ҳам мустаҳкамтар намуда, то ҷовидона барои миллати соҳибтамаддуни мо хизмат мекунад.

Шариф АТОБУЛЛОЕВ,
рӯзноманигор


Баёни ақида (0)    Санаи нашр: 12.09.2017    №: 191    Мутолиа карданд: 661
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед