logo

иҷтимоиёт

ШУКРОНА. ДАР БОРАИ ДАСТОВАРДҲОИ МУҚАДДАС ДАР 26 СОЛИ ОХИР

Озодиву истиқлол барои ҳар миллат дастоварди муқаддас ба шумор меравад. Миллати тоҷик дар тӯли садсолаҳо бо ормони давлати мустақили миллӣ зиндагӣ ба сар мебурд ва дар тӯли ин ҳама солҳо ҷони садҳо фарзандони содиқу меҳанпарасташро аз даст додааст. Шукр, ки мо имрӯз давлати миллии худ – тифли ормонҳои гузаштагони худро дорем ва бо азму талоши мардуми ватандӯст онро аз сол ба соле бо меҳнати созандаву талошҳои хастанопазир ба ояндаи босаодат раҳнамун месозем. Вале ҳақиқати таърихӣ ва сабақе, ки дар оғози истиқлолияти ватанамон бардоштаем, нишон медиҳад, ки ҳифзи дастоварди истиқлол мушкилтар аст.
Дар ҷараёни ҷанги таҳмилии шаҳрвандӣ, аз сабаби сӯхтаву вайрон шудани корхонаҳо ва баъдан аз ҷониби ҷинояткорон ба ғорату тороҷ рафтани боқимондаи онҳо, ҳоли табоҳи иқтисоди ҷумҳуриро боз ҳам табоҳтар гардонд. Бар асари ҷанг 120 ҳазор биноҳои истиқоматӣ, марказҳои маъмурӣ, корхонаҳо, идораву кӯдакистонҳо ва мактабҳо вайрону валангор гаштанд. Ҷанг ба иқтисодиёти мамлакат беш аз 10 миллиард доллари амрикоӣ хисорот овард.
Вале Ҳукумати нави Тоҷикистон бо сарварии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар баробари иҷрои вазифаҳои таъхирнопазири бунёди появу рукнҳои давлат, тавонист, ки ба татбиқи барномаи ислоҳоти иқтисодӣ оғоз намояд. Шурӯъ аз соли 2000-ум, Ҳукумати ҷумҳурӣ бо ба кор бурдани тамоми имкониятҳои давлат ба бунёди якчанд иншооти барои пешрафти минбаъдаи мамлакат муҳим, аз ҷумлаи роҳҳои оҳану мошингард, истихроҷ ва истифодаи конҳои газ, бунёди неругоҳҳои хурду миёнаи барқӣ, нақбҳо ва даҳҳо сохтмонҳоро оғоз намуда, ба анҷом расонд.
Ҳоло дар бахшҳои гуногуни иқтисоди мамлакат 56 лоиҳаи сармоягузорӣ ба маблағи беш аз 8,2 миллиард сомонӣ мавриди татбиқ қарор дорад. Дар тӯли даҳ соли охир зиёда аз 150 лоиҳаи сармоягузорӣ амалӣ шудааст. Дар тавсеаи саноат, ки яке аз рукнҳои асосии иқтисодиёти мамлакат мебошад, то имрӯз барои таъмини рушди устувори он заминаҳои меъёрии ҳуқуқӣ фароҳам оварда шудаанд. Ҳоло 40 дарсади маҳсулот дар корхонаҳои хусусӣ истеҳсол мешавад.
Дар Ҷумҳурии Тоҷикистон захираҳои фаровони ашёи хом мавҷуданд. Дар минтақаҳои гуногуни кишвар зиёда аз 400 кон кашф шуда, 30 намуди ашёи хомро фаро мегирад. Бояд гуфт, ки мамлакати мо аз рӯи захираҳои оҳаксанг, санги хоро, мармар, оҳаксанги мармарӣ, гаҷ ва амсоли инҳо яке аз ҷойҳои аввалро ишғол карда, алҳол 5 корхонаи бузург ва хурди истеҳсоли семент, 67 корхонаи хишт, 46 корхонаи истеҳсоли қуму шағал, корхонаҳои коркарди санг, шишабарорӣ, шифербарорӣ ва истеҳсоли лӯлаҳои асбестӣ фаъолият доранд.
Дар пайвастагӣ бо сохтмон, ки робитаи маҳкам бо ободӣ ва бунёдкорӣ дорад, дар даврони истиқлолият дар минтақаҳои гуногуни кишвар 1700 км роҳҳои мошингард, 17 км нақб ва беш аз 100 пул бунёд ва бозсозӣ шуданд.
Метавон гуфт, ки ҳанӯз 26 сол пеш Тоҷикистон дар арсаи сиёсати ҷаҳон вуҷуд надошт ва чун вориди саҳна шуд, ҷаҳониён диданд, ки саропо дар оташ аст. Яқин мекарданд, ки Тоҷикистон ояндаи дурахшон нахоҳад дошт. Вале, кӯшишу заҳматҳои таъхирнопазири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ватанамонро аз дохили оташ берун кашида, захмҳояшро марҳам кард ва дигарбора қобили нашъунамо сохт. Мо ин даст-оварди бузургамон – истиқлолиятро ба наслҳои оянда барои ҳифзу ҳиросати ҷовидон армуғон мебарем.

Қурбон АҲМАДЗОД, «Ҷумҳурият»


Баёни ақида (0)    Санаи нашр: 12.09.2017    №: 191    Мутолиа карданд: 282

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал

ХАТЛОН. Рафти кишти такрорӣ бад нест, аммо...

Ҷаҳон дар як сатр

Путин зарурати рушддиҳии технологияҳои рақамиро таъкид кард

Ба Афғонистон низомиёни Амороти Муттаҳидаи Араб ва Қатар меоянд


Дар сомонаҳои дигари Тоҷикистон хонед