logo

иқтисод

ЁВОН БА МАРКАЗИ БУЗУРГИ САНОАТӢ ТАБДИЛ ЁФТ

Бо ибтикор ва ташаббусҳои бунёдкоронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ноҳияи Ёвон дар даврони соҳибистиқлолӣ ба раванди бесобиқаи рушд ворид шуда, ба дастовардҳои назаррас ноил гардидааст, ки назири он дар таърихи гузаштаи ин гӯшаи диёр ба мушоҳида намерасад.

Пешвои муаззами миллат дар мулоқот бо фаъолони вилояти Хатлон ва ноҳияи Ёвон, ки 22 апрели соли 2016 баргузор шуд, зикр сохтанд: «Ба шарофати ба кор оғоз кардани корхонаҳои банақшагирифташуда ноҳияи Ёвон соли ҷорӣ ба яке аз марказҳои калонтарини саноатии кишварамон табдил меёбад». Воқеан, ин ҳидояти ватандӯстонаи Сарвари давлат амалан татбиқ шуд ва имсол ҳаҷми маҷмӯи маҳсулоти саноатии дар ноҳия тавлидшаванда аз ҳаҷми маҳсулоти кишоварзии он зиёд гардид.
Амирбеки Темур, раиси ноҳияи Ёвон, бо қаноатмандӣ иброз дошт, ки тайи солҳои соҳибистиқлолӣ  дар ноҳия шаш корхонаи коркарди пахта, корхонаҳои истеҳсоли маҳсулоти сохтмонӣ, равған ва нонию қаннодӣ, «Намаки Ёвон», «Комрон Агро Холдинг»,  «Хуаксин  Ғаюр  семент»,  фабрикаи «Ваҳдат», фабрикаи мурғпарварии «Беҳамто», корхонаҳои «Хуаҷиан Ғаюр Индастриал», «Криолит», «Ҷунгтсай Моҳир семент», қитъаи Ваҳдат - Ёвони роҳи оҳани «Душанбе - Қӯрғонтеппа - Кӯлоб», даҳҳо коргоҳи саноатии хурду миёна, 16 муассисаи таҳсилоти миёнаи умумӣ, 27 бинои нави таълимӣ, муассисаҳои тиббӣ ва иншооти зиёди фарҳангию маишӣ ва тиҷоративу хизматрасонӣ сохта ба истифода дода шуданд.
Танҳо дар давоми панҷ соли охир даромади буҷети ноҳия аз 30 миллиону 785 ҳазор сомонии соли 2012 ба 484 миллиону 483 ҳазору 252 сомонӣ расид. Дар ҳафт моҳи соли равон ин нишондиҳанда 81 миллиону 130,6 ҳазор сомониро ташкил дод. Корхонаҳои саноатии ноҳия дар ҳафт моҳи ахир 324,3 ҳазор тонна семент, 12 ҳазору 400 дона гаҷкартон, 2 миллиону 69 ҳазору 604 ҷуфт ҷӯроб, 149,1 тонна риштаи рангкардашуда, 715,4 тонна риштаҳои пахтагин ва 340 тонна намак ба хориҷи кишвар содир намудаанд. Агар дар давоми соли сипаришуда маҷмӯи маҳсулоти саноатии ба хориҷи кишвар содиршуда 87,9 миллион сомониро ташкил дода бошад, ин рақам дар ҳафт моҳи соли ҷорӣ ба 153,2 миллион сомонӣ баробар гардидааст. Тавре ишора рафт, ҳоло Ёвон аз ноҳияи кишоварзӣ - саноатӣ ба саноатӣ-кишоварзӣ табдил ёфтааст. Айни замон зиёда аз 70 дарсади даромади буҷети ноҳияро соҳаи саноат ташкил медиҳад.
Бо дастгирии мақомоти иҷроияи маҳаллии ҳокимияти давлатии ноҳия ва заҳмати пурмаҳсули сохтмончиён дар арафаи Ҷашни Истиқлолияти давлатӣ иншооти  зиёди фароғатӣ, маданӣ, хизматрасониву маишӣ, тандурустӣ мавриди истифода қарор гирифтанд. Ҳамчунин, ҳоло корҳои сохтмонӣ дар пули мошингарди болои дарёчаи Ёвонрӯд бо дарозии 70 метр ва паҳноии 18 метр бо дастгирии соҳибкорони маҳаллӣ ва маблағҳои буҷети маҳал бунёд гардида истодааст.
Мақомоти иҷроияи маҳаллии ҳокимияти давлатии ноҳия бо мақсади иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва татбиқи барномаву стратегияҳои миллию давлатӣ оид ба баланд бардоштани мақоми зан дар ҷомеа соли 2014 ба 20 нафар бонуи ниёзманд ба маблағи 50 ҳазор сомонӣ, соли 2015 ба 35 нафар 70 ҳазор сомонӣ, соли гузашта ба 40 нафар дар ҳаҷми 80 ҳазор сомонӣ ва имсол низ ба ҳамин андоза маблағҳои грантӣ ҷудо намуд.
Ба гуфтаи раиси ноҳия, дар партави сиёсати «дарҳои кушода» - и Ҳукумати Ҷумҳурии Тоҷикистон ноҳияи Ёвон соли 2014 бо ноҳияи Уздаи вилояти Мински Ҷумҳурии Беларус ва соли 2015 бо шаҳри Хуан Шии музофоти Хубэйи Ҷумҳурии Мардумии Чин бародаршаҳр гашта, бо мақсади ба роҳ мондани муносибатҳои мутақобилан судманд дар соҳаҳои иқтисодиёт, савдо, илму техника ва фарҳанг бо ин шаҳрҳо созишномаҳои ҳамкорӣ ба имзо расонд. Дар пайи ин иқдомҳои созанда якчанд маротиба боздиди ҳайатҳои кории ҷонибҳо аз шаҳру ноҳияҳои якдигар сурат гирифта, дар шаҳраки Ҳаёти Нави ноҳия корхонаи пахтатозакунӣ сохта шуд ва ҳоло дар заминаи ин корхона коргоҳҳои коркарди нахи пахта бунёд ёфта истодаанд.
Тавассути бунёди корхонаву коргоҳҳои нав ва ба кор даровардани корхонаҳои аз фаъолият бозмонда, дар соли гузашта ва ҳафт моҳи охир дар ноҳия қариб 3000 ҷойи нави корӣ таъсис ёфта, сатҳи зиндагии сокинон ба таври назаррас боло рафт.
Айни замон бо ҷалби шарикони рушди Тоҷикистон дар ноҳия шаш лоиҳаи сармоягузорӣ мавриди татбиқ қарор доранд, ки маблағи умумии онҳо 39 миллиону 502 ҳазору 800 доллари амрикоиро ташкил медиҳад.
Боиси таваҷҷуҳ аст, ки соҳибкорони ноҳияи Ёвон дар рушди ноҳия саҳми назаррас дошта, ҳамеша барои дастгирии табақаи ниёзманди аҳолӣ, варзишгарону санъаткорон ва бунёди иншооти иҷтимоӣ иқдомҳои шоистаи таҳсинро роҳандозӣ мекунанд. Масалан, соҳибкори маҳаллӣ Баҳриддин Ҷӯрахонов соли сипаришуда дар деҳаи Даҳана як мактаби замонавӣ бунёд намуд ва ҳоло дар маркази ноҳия боз як мактаби замонавӣ сохта истодааст. Аз тарафи соҳибкор Акбар Ғуломов бошад, дар шаҳраки Ёвон сохтмони коллеҷи тиббӣ идома дорад. Ҳамчунин, дигар соҳибкорон низ бо мақомоти иҷроияи маҳаллии ҳокимияти давлатии ноҳия ҳамкории зич дошта, дар рушди соҳаҳои маориф, фарҳанг ва тандурустӣ ҳиссаи арзанда мегузоранд.
Пешрафти бесобиқаи ноҳия, тағйироти куллӣ дар ҳаёти иҷтимоию иқтисодии аҳолӣ ва баланд гардидани сатҳи маърифати мардум аз ҷумлаи меваҳои шаҳдбори Истиқлолияти давлатии Ҷумҳурии Тоҷикистон мебошанд. Бо итминон метавон гуфт, ки мардуми меҳнатқарини ноҳияи Ёвон чун дигар сокинони мамлакат иродаи матин ва қудрати бузурги созандагии худро минбаъд низ баҳри боз ҳам пешрафта ва шукуфон гардидани Тоҷикистони соҳибистиқлол равона месозанд.
 
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 12.09.2017    №: 191    Мутолиа карданд: 220

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон

Густариши ҳамкориҳо дар соҳаи сайёҳӣ

Ванҷ. Корҳои ободонӣ вусъат меёбанд

ХАТЛОН. Ба ҳунар арҷ мегузоранд

ИШКОШИМ. Беморон таҳти назорат қарор доранд

Хадамот ба буҷети мамлакат 92799, 26 сомонӣ ворид намуд

"ТОҶИК – ЭЙР". Камбудиҳо бартараф мешаванд

АГЕНТИИ ОМОР. Пешниҳоди шакли нави ҳисоботи ҷойҳои кории навтаъсис

Шералӣ Сиддиқзода: "Шароити муосири таҳсилро фароҳам меорем"

Агентӣ 1980 ҷинояти коррупсиониро ошкор кард

Бекоршавии ақди никоҳ аз мушкилоти мубрам боқӣ мемонад

14.02.2018


ҲИСОР. Аз таъмини дурнамои пахта то иҷрои барзиёди даромади буҷет

КБА яхбандиро сабаби садамаи ҳавопаймои Ан-148 номид

СММ: «Гурезаҳои Мянмаро фоҷиаи нав дар пеш аст»

Ҳиҷрат ба Аврупо тавассути баҳри Миёназамин коҳиш ёфт

Дар Қирғизистон мубориза бо коррупсия миёни қудратиён сахттар мешавад

Қатар барои дучархаронҳо роҳҳои нав месозад

13.02.2018


Баргузории ҷаласаи Шӯро оид ба шарикии давлат ва бахши хусусӣ

Тоҷикистону Қазоқистон Масоили мубрами ҳамкориҳо матраҳ гаштанд

Рушди муносибатҳои Тоҷикистону Қатар

Ширкати "Хитойатом" "Аргус"-ро маблағгузорӣ хоҳад кард


Дар сомонаҳои дигари Тоҷикистон хонед