logo

сиёсат

ТАНТАНАИ ҶАШНИ ИСТИҚЛОЛИЯТИ ТОҶИКИСТОН ДАР САНКТ - ПЕТЕРБУРГ, ҲАМБУРГ ВА АФҒОНИСТОН

Дар толори Екатеринаи Қасри Таврики шаҳри Санкт-Петербурги Федератсияи Русия бахшида ба 26 - умин солгарди Истиқлолияти давлатии Ҷумҳурии Тоҷикистон бо ибтикори Консулгарии генералии Ҷумҳурии Тоҷикистон дар шаҳри Санкт-Петербург қабули расмӣ баргузор гардид. Дар чорабинӣ наздик ба 300 нафар, аз ҷумла, роҳбарон ва намояндагони сохторҳои давлатии шаҳри Санкт-Петербург ва вилояти Ленинград, ректорони донишгоҳҳо, сарони намояндагиҳои дипломатии муқими шаҳр,  намояндагони доираҳои илмию эҷодӣ, ҷамъияти тоҷикон ва васоити ахбори омма иштирок карданд.
Консули генералии Ҷумҳурии Тоҷикистон дар шаҳри Санкт-Петербург Давлаталӣ Назризода зикр кард, ки ба шарофати сиёсати оқилона ва дурандешонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кишвар сулҳу субот барқарор гашт, дар ҳамаи ҷанбаҳо ислоҳот гузаронда шуд, рушди соҳаҳои гуногуни хоҷагии халқи мамлакат таъмин гардид. Котиби генералии Шӯрои Ассамблеяи байнипарлумонии ИДМ - роҳбари котиботи Шӯрои Ассамблеяи байнипарлумонии Иттиҳоди Давлатҳои Мустақил  А. Сергеев, раиси Кумитаи муносибатҳои хориҷии вилояти Ленинград А. Минин ва дигарон ба халқи шарафманди тоҷик саодати рӯзгор ва ба Тоҷикистони соҳибистиқлол пешрафту шукуфоӣ таманно намуданд.
Ҳамин гуна чорабинӣ бо ташаббуси сафорати Ҷумҳурии Тоҷикистон дар Ҷумҳурии Федеролии Олмон якҷо бо Консулгарии фахрии кишвар дар заминҳои федеролии Ҳамбург ва Шлезвиг-Ҳолштайни Олмон доир шуд.
Дар он, ки бо садо додани сурудҳои миллии ҳар ду кишвар оғоз гардид, доираҳои сиёсиву иқтисодӣ, фарҳангӣ, корпуси дипломатӣ, намояндагони парлумони Олмон ва парлумони замини Ҳамбург, намояндаи Вазорати федеролии корҳои хориҷӣ, ҳамватанони муқими ин кишвар ва доираи васеи рӯзноманигорон ширкат варзиданд. 
Сафири фавқулода ва мухтори Ҷумҳурии Тоҷикистон дар Ҷумҳурии Федеролии Олмон Маликшо Неъматов дар мавзӯи «Истиқлолият - бузургтарин дастоварди миллат» суханронӣ намуда, зикр кард, ки аз баракати сиёсати хирадмандона ва дар партави ташаббусҳои ҷаҳонии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кишвари мо тавонист тайи 26 соли соҳибистиқлолӣ ҷойгоҳи шоистае дар арсаи байналмилалӣ касб намояд. Вакили Парлумони Олмон ҷаноби Юрген Климке дастовардҳои солҳои охири Тоҷикистонро дар ҳама ҷанбаҳо назаррас арзёбӣ намуд.
Филм-консерти ба имрӯзи Тоҷикистони соҳибистиқлол бахшидашуда, хотири иштирокдорони маҳфилро болида сохт. Дар доираи ин ҷашнвора аз ҷониби Сафорати Тоҷикистон ва Консулгарии фахрӣ гӯшаи фарҳангӣ, намоиши китобҳо ва расмҳо оид ба Тоҷикистон пешкаши меҳмонон гардид.
Аз Вазорати корҳои хориҷии кишвар хабар доданд, ки Ҷашни 26- солагии Истиқлолияти давлатӣ дар Консулгарии Ҷумҳурии Тоҷикистон дар шаҳри Файзободи Ҷумҳурии Исломии Афғонистон низ бо иштироки як қатор роҳбарони вилояти Бадахшони ин кишвар, тоҷикони муқими ҳавзаи консулӣ, аъзои Анҷумани форсизабонон ва тоҷикони ҷаҳон, намояндагони созмонҳои байналмилалӣ, аҳли ҳунар ва фарҳанг хотирмон баргузор гардид.
Дар суханрониҳои волии Бадахшон Аҳмад Файсали Бегзод  ва намояндаи Вазорати корҳои хориҷии Ҷумҳурии Исломии Афғонистон дар вилоят муносибатҳои рӯ ба рушди Тоҷикистон ва Афғонистон бозтоб ёфта, изҳори назар шуд, ки «Президенти Ҷумҳурии Тоҷикистон дар кулли суханрониҳояшон таъкид менамоянд, ки самти ҳамкорӣ бо Афғонистон дар феҳрасти авлавиятҳои сиёсати хориҷии кишвари мо қарор дорад ва зербинои онро усули «ҳамсоягии нек» ташкил медиҳад».
Дар ин маҳфили бошукӯҳ намоиши  гулдӯзӣ ва «Гӯшаи Тоҷикистон» бо пешниҳоди китобҳои Пешвои муаззами миллат муҳтарам Эмомалӣ Раҳмон манзури меҳмонон гардид.

Додоҷон РӮЗИЕВ,
«Ҷумҳурият»


Баёни ақида (0)    Санаи нашр: 13.09.2017    №: 192    Мутолиа карданд: 271

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон

Густариши ҳамкориҳо дар соҳаи сайёҳӣ

Ванҷ. Корҳои ободонӣ вусъат меёбанд

ХАТЛОН. Ба ҳунар арҷ мегузоранд

ИШКОШИМ. Беморон таҳти назорат қарор доранд

Хадамот ба буҷети мамлакат 92799, 26 сомонӣ ворид намуд

"ТОҶИК – ЭЙР". Камбудиҳо бартараф мешаванд

АГЕНТИИ ОМОР. Пешниҳоди шакли нави ҳисоботи ҷойҳои кории навтаъсис

Шералӣ Сиддиқзода: "Шароити муосири таҳсилро фароҳам меорем"

Агентӣ 1980 ҷинояти коррупсиониро ошкор кард

Бекоршавии ақди никоҳ аз мушкилоти мубрам боқӣ мемонад

14.02.2018


ҲИСОР. Аз таъмини дурнамои пахта то иҷрои барзиёди даромади буҷет

КБА яхбандиро сабаби садамаи ҳавопаймои Ан-148 номид

СММ: «Гурезаҳои Мянмаро фоҷиаи нав дар пеш аст»

Ҳиҷрат ба Аврупо тавассути баҳри Миёназамин коҳиш ёфт

Дар Қирғизистон мубориза бо коррупсия миёни қудратиён сахттар мешавад

Қатар барои дучархаронҳо роҳҳои нав месозад

13.02.2018


Баргузории ҷаласаи Шӯро оид ба шарикии давлат ва бахши хусусӣ

Тоҷикистону Қазоқистон Масоили мубрами ҳамкориҳо матраҳ гаштанд

Рушди муносибатҳои Тоҷикистону Қатар

Ширкати "Хитойатом" "Аргус"-ро маблағгузорӣ хоҳад кард


Дар сомонаҳои дигари Тоҷикистон хонед