logo

фарҳанг

МУТЕУЛЛО НАҶМИДДИНОВ ВА ПУБЛИТСИСТИКАИ ТОҶИК

Саҳифаҳои бо мурури замон зардшудаи солҳои 50 – 60 - уми рӯзномаи овозадори  “Тоҷикистони  советӣ” (ҳоло  “Ҷумҳурият”) - ро варақ мезанаму бештар чашмам ба  имзои  Мутеулло  Наҷмиддинов меафтад.  Силсилаи лавҳаю очеркҳои  муаллиф  саҳифаҳои рӯзномаро оро додаанд.  Очеркҳои машҳури адиби публисист “Шаби чӯпони куҳансол”,  “Фарзанди охирин”, “Подоши “мукофот”, “Азоби дурӯғ”, “Марди неканҷом”, ”Бародарон” маҳз ҳамон солҳо интишор ёфтаанд ва  номи  Мутеулло  Наҷмиддиновро чун рӯзноманигори  хушсалиқаю  ояндадор  муаррифӣ намудаанд.

Бештари  фаъолияти адабӣ - публитсистии Мутеулло Наҷмиддинов  дар  рӯзномаи  “Тоҷикистони советӣ” гузаштааст ва кор дар ин рӯзномаи  бонуфуз барои нависанда  хеле  айёми бобарор ва  ҷустуҷӯйҳои  эҷодӣ маҳсуб меёфт. Маҳз ҳамон давра   ӯ ҳамчун рӯзноманигор дар матбуот тарбия ёфта, сиру асрори  рӯзнома ва  иншои очерку мақола ва лавҳаю дигар  жанрҳои  адабиро хуб омӯхт. Ба кӯҳистон ва бойигариҳои  табиат ва  муҳити зист сахт дилбастагӣ пайдо кард. Бахусус,  бо нахустин очерку лавҳаҳои худ аз ҳаёти  кишоварзон,  чӯпонон ва мардуми деҳот  собит намуд, ки метавонад дар оянда дар ин мавзӯъҳо  асарҳои калонҳаҷм эҷод созад.
Сафарҳои эҷодӣ ба ӯ имконият медоданд, ки ба ноҳияҳои гуногун сафар намояд ва ҳаёти мардумро пурра омӯзад. Натиҷаи ҳамин ҷустуҷӯҳои  пайвастааш буд, ки соли 1964 нахустин  маҷмӯаи ҳикоя  ва очеркҳои  ӯ бо номи “Одамони сарбаланд” аз нашр баромад. Ҳамон солҳо  ӯ очерке бо номи “Якраҳа” аз нашр баровард, ки  аз ҳаёти раиси колхоз Бободӯстов ва мутахассиси соҳаи кишоварзӣ Карима Сангинова ҳикоят менамуд. Очерк хеле ҷолиб иншо шуда буд ва хонандагон онро хуш пазируфтанд.
Баъдтар Мутеулло  Наҷмиддинов повести машҳураш “Дарё маҷрои нав меҷӯяд”- ро эҷод намуд, ки давоми мантиқии ҳамон очерк мебошад. Ин повест соли 1970 ба забони русӣ низ бо теъдоди калон ба нашр расида, ба муаллиф шуҳрати зиёде овард. Повести  “Дарё маҷрои нав   меҷӯяд” бо  амалиёти  пурмоҷарое шурӯъ гардида, заминаи он муборизаи наву куҳна, ақидаҳои гуногун мебошад. Қаҳрамонони қиссаро танҳо ҳалолкорӣ ва пешаи дурусту фаъолияти нек ба ҳам овардааст.
Дар повест ҳаёти Карима пурра тасвир меёбад .
Ӯ ҷавонзани  зебоест ва бо ҳамроҳии  духтарчааш Лола  саргузашти омӯзандае дорад. Симои Карима  чун зани оқилаву ҳақиқатпараст таҷассум меёбад.  Ӯ дар истеҳсолот ҳамеша пешсаф мебошад. Роҳбари хоҷагӣ Бободӯстов Каримаро бис-ёр меозмояд ва  мехоҳад ӯро забонкӯтоҳ намояд. Карима  дар асар симои зани матину боиродаи тоҷик  мебошад.
Дар повест  тасвири олами ботинии Карима ва андешаҳои вай  дар пешорӯи ҳаёт хеле ҷаззоб  ба риштаи тасвир кашида шудаанд.
Повести “Пайраҳаи шинос”  асари дилкаши бачагона буда, пурра ба мавзӯи ҳифзи табиати  диёр ва шоҳкориҳои он бахшида шудааст. 
Воқеоту ҳодисот аслан дар табиати васеъ ба амал меоянд. Нависанда хислату характер ва муносибати мактабиёнро дар табиат инъикос менамояд  Ин ҷо манзараи моҳидорӣ ва бераҳмӣ нисбат ба мавҷудоти табиат ва шикори беасоси моҳӣ оварда шудааст. Нависанда бо ин роҳ гуфтанист, ки дар ҳама давру замонҳо  ҳифзи табиат масъалаи ҷиддӣ мебошад. Зеро, ба ақидаи адиб, инсон як ҷузъи ҳамин табиат мебошад. Ва бояд мувозинати онро ҳамеша нигоҳ дорад.
Асарҳои адиб дар қолаби  публитсистикаи бадеӣ иншо шудаанд ва  аз маҳорати  баланди нигорандагии ӯ  башорат  медиҳанд. Масалан, вай дар   очерки  “Шаби  чӯпони куҳансол”  фасли тирамоҳи зарринро бисёр ҷаззобу дилфиреб ба риштаи тасвир мекашад. Дар нигоштаҳои  Мутеулло  Наҷмиддинов  ҳар сангу ниҳоли талу пуштаҳо ба худ мазмуну эътибор доранд. Садои кӯҳу дара ва овози гӯсфандон бо ҳам ҷӯр мешаванд: “Офтоби тиллоранги тирамоҳ ба талу теппаҳои соҳили рости дарёчаи  Лучоб шаъшаапошӣ мекард. Дар домана ва нишебиҳои теппаҳои он ҷо садҳо гӯсфандони сафеди маҳинпашм аз замин  сар набардошта мечариданд. Мӯйҳои маҳини абрешимини гӯсфандон дар партави офтоби ғурубкарда ҷило медоданд.”
Мутеулло Наҷмиддинов шояд ягона публисисте мебошад, ки перомуни  ҳаёти чӯпонон ва  рӯзгори онҳо очеркҳои  муассир таълиф намудааст. 
Аз мутолиаи асарҳои Мутеулло  Наҷмиддинов бармеояд, ки ӯ  дилдодаи табиат ва муҳити зист будааст. Дилбастагияшро ба табиати нозанин  дар ин очерк чунин баён доштааст:  “Чӣ қадар табиат зебост. Шумо, чӯпонамак, ҳазорон бор баромадани офтобу моҳи мунирро пешвоз  гирифтаед. Моҳ ҳам, офтоб ҳам нахустин бор ба шумо ханда мекунанд. Бисёр одамон аз ин кайфияти табиат бебаҳра мемонанд. Ҳавои софи беғубор низ якумр насиби шумо шудааст”. Насиби публитсист ва рӯзноманигори хушсалиқаи тоҷик Мутеулло  Наҷмиддинов  бошад, осори адабӣ - публисистияш аст, ки то ҳол қимати худро гум накардаанд.
Маҷид САЛИМ, адиб


Баёни ақида (0)    Санаи нашр: 14.09.2017    №: 193-194    Мутолиа карданд: 664
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед