logo

иқтисод

БА ДЕҲОТИ МО КАЙ ОБ МЕОЯД?

Хабарнигори махсуси «Ҷумҳурият» дар вилояти Суғд бо номи «Боғу токзорҳо нобуд мешаванд»  аз номи Қиёмиддин Машрафов, сокини деҳаи Сӯфӣ Орифи Ҷамоати деҳоти Зарҳалоли шаҳри Истаравшан, нома гирифт. Муаллиф дар бораи мушкилии беш аз 8 ҳазор нафар аҳолии деҳа - набудани оби ошомиданӣ ва басанда набудани оби полизӣ навиштааст.

- Деҳаи мо ҳамагӣ панҷ километр дур аз маркази шаҳр ҷойгир бошад ҳам, солҳост, ки мушкилии беобӣ ҳалли худро пайдо намекунад ва ҳар бор дарахтони аз беобӣ хазонгашта, майдону токзорҳои хушкидаро дида, аз чашмонам ашк ҷорӣ мешавад. Охир дар замонаш бобою падаронамон бо ҳазор нияти нек ин маконро сабзу хуррам гардонда, боғҳоро бунёд кардаву осудагии рӯзгори хешро аз ҳамин ҳисоб ёфтаанд.  Ҳосили себу ангури фаровони хуштамъу қандини ин боғҳоро на танҳо мардуми Истаравшан, балки аксари мардуми ҷумҳурӣ чашидаанд. Имрӯз дар даврони соҳибистиқлолӣ низ  шавқу завқи мардуми деҳ ҷиҳати парвариши боғу ток кам нашудааст, вале мушкилӣ - кофӣ набудани оби полизӣ намегузорад, ки ин соҳа аз нав эҳё ва ривоҷу равнақ ёбад. Солҳои охир бинобар кофӣ набудани об  боғу токзорҳо нобуд мешаванд. Зиёда аз ин, набудани оби ошомиданӣ хурду калони деҳаро дучори ташвишу саргардонӣ намудааст. Муроҷиатҳо ба мақомоти иҷроияи ҳокимияти давлатии шаҳру вилоят то имрӯз самари дилхоҳ набахшиданд, - омадааст дар нома.
Ҷиҳати пайгирӣ аз ин муроҷиати шаҳрванд ба шаҳри Истаравшан сафар кардем.
Ҷамоати Зарҳалол аз ҷумлаи калонтаринҳо дар Истаравшан ба ҳисоб рафта, шумораи аҳолиаш аз 35,5 ҳазор гузаштааст. Сӯфӣ Ориф асосан аз ҳисоби кори муътадили пойгоҳи обкашӣ аз самти Каттасой бо оби полизӣ таъмин мегашт, ки ҳанӯз солҳои 80-уми қарни гузашта ба фаъолият шурӯъ кардааст. Табиист, ки бо гузашти солҳо бар асари фарсудашавии таҷҳизоти обкашӣ ва омилҳои дигар - азхуд шудани заминҳои наву афзоиш ёфтани шумораи аҳолӣ дар масъалаи оби нӯшиданиву полизӣ мушкилӣ пеш омадааст.
Шавкат Мавлонов, раиси Ҷамоати деҳоти Зарҳалол, дар ҷараёни суҳбат таъкид намуд, ки ба наздикӣ сари кор омадаасту албатта, ҷиҳати ҳаллу фасли масъалаи пешгузоштаи аҳолӣ дар талош хоҳад шуд.
- Камбудиҳое, ки муаллиф дар мактубаш овардааст, дар ҳақиқат, ҷой доранд, - гуфт Шоакбар Ҳамидов, котиби Ҷамоати деҳоти Зарҳалол. - Вале ин маънои онро надорад, ки масъулини мақомоти маҳаллӣ дар деҳот ҷиҳати ҳалли ин мушкилиҳо талош надоранд. Ба хотири таъмини аҳолии ин деҳа аз ҷониби идораи сохтмони асосии Агентии беҳдошти замин ва обёрии ҷумҳурӣ якҷо бо Ассотсиатсияи истифодабарандагони оби хоҷагиии деҳқонии Сӯфӣ Ориф лоиҳае таҳия шудааст, ки мутобиқи  он аз масофаи 8 километр тавассути лӯлаҳо  ба деҳа об ҷорӣ мешавад. Кор оғоз ёфта, то имрӯз наздики 400 метр лӯла хобонда шудааст. Аммо суръати сусти ҷараёни сохтмон ва маблағгузории номуътадил мардумро ба ташвиш овардааст. Тарафи дигари мушкилӣ ин мавҷуд набудани оби ошомиданӣ мебошад.
Шофозил Ҳамидов, сокини деҳа, иброз дошт, ки дар ин самт низ аз ҷониби  муассисаи давлатии «Сарраёсати Тоҷикобдеҳот» - и КВД «Хоҷагии манзилӣ - коммуналии ҷумҳурӣ» лоиҳа тасдиқ шуда, ҷиҳати татбиқи он барои се сол ба миқдори 1 миллиону 280 ҳазор сомонӣ маблағ муайян гашта  бошад ҳам, аммо  ҳанӯз корҳо оғоз наёфтаанд, сокинон як мошин обро бо нархи 50 - 100 сомонӣ мехаранд.  
Вазъ тақозо дорад, ки масъулини мақомоти иҷроияи ҳокимияти давлатии шаҳри Истаравшан ва сохтору идораҳои дахлдори соҳа ҷиҳати ҳаллу фасли мушкилоти сокинони деҳаи Сӯфӣ Орифи Ҷамоати деҳоти Зарҳалол тадбирҳои муассир роҳандозӣ намоянд. Охир соли 2017 дар вилояти Суғд «Соли дастрасӣ ба оби нӯшокӣ» эълон шудааст.

Ҷовиди АШТӢ, «Ҷумҳурият»


Баёни ақида (0)    Санаи нашр: 14.09.2017    №: 193-194    Мутолиа карданд: 397

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед