logo

сиёсат

ШУКУРҶОН ЗУҲУРОВ: "ҚОНУН ДАР РОҲИ ОЗОДСОЗИИ МАРДУМ АЗ ХУРОФОТ ХИЗМАТИ АРЗАНДА КАРД"

Мулоқоти Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров бо  сокинони ноҳияи Рашт 11 сентябри соли 2017 дар толори маҷлисгоҳи  коллеҷи омӯзгорӣ баргузор гардид.

- Бо камоли эҳтиром ва ифтихор самимитарин саломи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба шумо, сокинони заҳматқарину ватандӯсти ноҳияи Рашт, мерасонам, - гуфт дар оғоз Шукурҷон Зуҳуров.  - Мулоқоти мо дар замоне сурат мегирад, ки ду рӯз пеш мардуми кишвар солгарди Истиқлолияти давлатии Тоҷикистонро ҷашн гирифт. Ман ин рӯзро барои ҳамаи шумо табрик мегӯям. Даҳ  рӯз пештар мо дар саросари мамлакат иди Қурбонро  мутобиқи тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», ки, бешубҳа, ҳама ба нафъи мардуманд,  таҷлил намудем ва хабар дорам, ки сокинони ноҳия рӯзи ид аз доираи қонун берун нарафтаанд.
Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»  яке аз ташаббусҳои нодири Президенти Ҷумҳурии Тоҷикистон  муҳтарам Эмомалӣ Раҳмон буд, ки ҳанӯз даҳ сол муқаддам ба ислоҳоти вазъи  маънавии ҷомеа оғоз бахшид. Қонун ислоҳоти ҳаёти иҷтимоӣ ва тартиби гузарондани ҷашну маросимҳои мардумиро масъалагузорӣ намуда, дар кори озодсозии мардум аз хурофот ва одатҳои вазнин хизматҳои арзанда кард. Қобили зикр аст, ки қонун мутобиқ ба муқаррароти дини мубини Ислом ва фарҳанги миллӣ буда, дар доираи арзишҳои пурғановати ниёгонамон тарҳрезӣ шудааст. Амри воқеист, ки ҳар як қонун ё санади меъёрии ҳуқуқии ба ҳаёт пайванд бо мурури замон ба тағйирот ва иловаҳо ниёз пайдо мекунад. Ғояти зарурати тағйирот талабу дархостҳои шаҳрвандони кишвар ва ҳанӯз боқӣ мондани маросимҳои азодории серодам ва тӯйҳои серхароҷоту бемаврид ба хотири худнамоӣ ва шуҳратпарастӣ  мебошад, ки ба фарҳанги миллӣ ва табиати асили дини мубини Ислом номутобиқ ҳастанд. Бо пешниҳоди Президенти мамлакат гурӯҳи кории босалоҳият таъсис дода шуд. Дар асоси дархосту пешниҳоди шаҳрвандон тағйироту иловаҳо ба қонун  ворид гардиданд. Мо, вакилон, баъди баррасии ҳамаҷониба барои қабули ин санади бениҳоят муҳими меъёрии ҳуқуқӣ овоз додем. Бовар дорам, ки мо бо ин иқдоми худ як амали бузурги таърихиро дар раванди қонунгузорӣ иҷро намудем, ки он барои беҳбуд бахшидан ба сатҳи зиндагии ҳар сокини кишвари азизамон ҷиҳати ҳифз кардани ҷашну маросимҳои миллӣ аз хурофот ва мутобиқ ба манфиатҳои халқамон гиромӣ доштани урфу одатҳо нигаронда шудааст.
Қонуни Ҷумҳурии Тоҷикистон «Дар бораи ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»  такмили қонуни амалкунанда таҳия шудааст. Ба қонун як қатор меъёрҳои нав ворид карда шудаанд, ки барои ҳимояи манфиатҳои аҳолӣ равона шудаанд. Аз ҷумла, дар рӯзҳои идҳои Рамазон ва Қурбон оростани дастархони маънавии хоксорона ва роҳ надодан ба исрофкорӣ ва зиёдаравӣ яке аз онҳост. Дар қонун тартиби нави гузарондани хатнасур пешниҳод  гардидааст. Мувофиқи он хатнасур дар доираи оила ва бе хизмати санъаткорон гузаронда мешавад. Хатна бо розигии падару модар аз рӯзи таваллуд то рӯзи бистуми баъди таваллуд ройгон дар беморхонаҳо сурат мегирад. Дар ин маврид таҷрибаи давлатҳои пешқадам ба назар гиирифта шудааст.
Шахсони воқеӣ ва ҳуқуқӣ, ки имконияти молиявӣ доранд, метавонанд бо иштироки комиссияҳои доимии маҳаллӣ хатнасури хайриявии писарони бепарастор ва аз оилаҳои камбизоатро баргузор намоянд. Тартиби гузарондани хатнасури хайриявиро мақоми ваколатдор муайян менамояд..
Маросимҳои «се», «чил» ва «сол» бе забҳи чорво ва додани таом мегузаранд. Ин ҷо як масъалаи нозук аст. Бояд коре кард, ки шахси мусибатдор зери бори хиҷолат намонад. Зеро то имрӯз бо иҷозаи қонун дар ин маросимҳо чорво забҳ карда мешуд ва мардумро ба маърака даъват менамуданд. Акнун қоидаҳои гузарондани маъракаҳои азодориро тартиб доданамон лозим. Дар ин маврид саҳми аҳли уламо, раисони маҳаллаҳо ва дигар шахсони масъул калон аст. Онҳо бояд аниқ кунанд, ки кадом рӯз «се», «чил» ва «сол» гузаронда шавад ва ҳамон рӯз мардумро гирифта ба хонаи шахси мусибатзада баранд ва дар якҷоягӣ дуову фотеҳа кунанд. Он гоҳ шахси азодор ҳис мекунад, ки маърака бе харҷи зиёдатӣ бо иштироки мардуми зиёд гузаронда шуд.
 Ман бовар дорам, ки сокинони ноҳияи Рашт барои дар амал татбиқ намудани қонуни мазкур саҳми арзанда хоҳанд гузошт.
Дар ҳамоиш собиқадори меҳнат  Сафарбек Каримов,  сарвари ҷавонони Донишкадаи омӯзгории Тоҷикистон дар ноҳияи Рашт Шамсиддин Шарифов ва донишҷӯ Шамсия Абдураззоқова дар баромадҳояшон таъкид карданд, ки сокинони ноҳияи Рашт барои дар амал татбиқ намудани  қонунҳои Ҷумҳурии Тоҷикистон талош менамоянд.

Худодод ЗАЙНИДДИН, «Ҷумҳурият»


Баёни ақида (0)    Санаи нашр: 15.09.2017    №: 195    Мутолиа карданд: 525

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед