logo

фарҳанг

ШОҲИ САҲНА

Бардошт аз ҷашнвораи театрӣ ба ифтихори 60 - солагии фаъолияти эҷодии Ҳошим Гадо
Бо амри тақдир соле чанд дур аз Ватан дар кишвари дигар кор кардам ва баъди бозгашт ба Душанбеи маҳбуб басо навигарӣ дар кӯчаҳои пойтахт дар-ёфта, аз ин озодагию ободиҳо – фаввораю гулгашту хиёбонҳо, сохтмони биноҳои истиқоматӣ, ки қасрро мемонданд, шод гаштам. Ҳанӯз ба бинои Театри академии драмаи ба номи А. Лоҳутӣ нарасида, аз садои баланди карнаю дойра гумон кардам, ки табли ягон намоишномаи нав мезананд. Аммо дар болои даромадгоҳи театр портрети азими чеҳраи ошною азизи кулл - актёр ва коргардони маъруф, Ҳунарманди халқии ҶШС Тоҷикистон, Ҳунарманди халқии ИҶШС, барандаи ҷоизаҳои давлатии ИҶШС ва ба номи Абуабдуллоҳи Рӯдакӣ, дорандаи ордени “Ситораи Президенти Тоҷикистон” Ҳошим Гадоро дидам. Дар лавҳа хондам, ки дар театр намоиш бахшида ба 60 - солагии фаъолияти эҷодии ин нобиғаи саҳнаи тоҷик баргузор мешавад.
Ростӣ, ифтихор аз кишвар, аз Ҳошим Гадо, аз худ ва ҳама тоҷикистониҳо кардам, ки Ватанамон фарзандони фарзонаи худро нодида намегирад ва саҳми арзандаашонро дар рушду ободии диёр арҷ мегузорад, санаҳои фархундаи ҳаёти шахсиятҳои барӯманде амсоли Ҳошим Гадоро бо шаҳомат таҷлил месозад. 
Андаруни театр шефтагони ҳунари волои Ҳошим Гадо торафт меафзуданд. Диққати маро китобҳое ҷалб намуданд, ки ба маъраз гузошта буданд. 133 ҷилд китоби Ҳошим Гадо, ки солҳои истиқлолият иншо кардааст.
Соли 1999 Ҳошим Гадо нақши шоҳ Исмоили Сомониро офарид ва порае аз онро дар варзишгоҳ бибозид: бо қабои шоҳона ба бару тоҷ ба сар чолок савори аспи сафед шуд дар мушоиати аҳли рикоб ва ин ҳама шаҳомату салобат ҳазорон тамошобинро ба ваҷд оварду нидоҳои “Ҳошим Гадо... Исмоили Сомонӣ” ба фалак печиданд. Он рӯз банда ҳам дар варзишгоҳ будам ва ин манзараи дилошӯб дар хотирам якумрӣ нақш бастааст.
Пас аз “Исмоили Сомонӣ” Ҳошим Гадо чун коргардон спектакли “Рӯдакӣ” - ро рӯи саҳна овард, ки он боиси баҳсу гуфтугӯи зиёд гашт ва дар фестивали байналмилалӣ он ҷоизаи аввалро гирифт...
Занги даромад садо дод ва китобҳоро ба ҷояшон гузошта, сӯи толор рафтам. Дар они воҳид чунон аз тамошобин пур шуд, ки ҳатто дар балконҳо ҷойи сӯзанпартоӣ намонд. Намоишро гурӯҳи актёрҳо бо либоси фохир, ки ҳамроҳ бо саҳна чарх мезаданд, оғоз карданд. Миёни онҳо шоҳи саҳна Ҳошим Гадо барҷаста буд, ки дар тан фрак бо гарданбанди сафед дошту дар сар дастори сафеди хотамкорӣ. Дар чапи саҳна тахти шоҳӣ гузоштаву наздаш сарбози зиреҳпӯш омодаи ҳифзи шоҳи худ. Ҳошим Гадоро бо эҳтироми зиёд назди тахт оварданд ва ӯ бо салобати хосса ба он нишаст.
Садои мусиқии дилфиреби итолиёӣ баланд шуд ва дар толор овози марғӯладори сарояндаи машҳури опера Адҳам Холиқов, ки дар Милани Италия сабақи ҳунар гирифтааст, танинандоз гашт. Ин суруди пурхурӯш ва ҳамзамон мутантани итолиёӣ эҳдо ба соҳибҷашн буд. Пас аз анҷоми суруд Адҳам Холиқов бо арзи эҳтиром бо як зону назди ҳамкасби номии худ нишаст. Ҳошим Гадо даст ба истиқболи ӯ дароз кард ва ҳар ду баробар ба по шуданд. Басо гуворо буд дидани оғӯшгирии бародаронаи ду шахсияти бузурги санъати тоҷик.
Намоишнома хеле ҷолиб тарҳрезӣ шуда буд. Ҳошим Гадоро ҳама театрҳои ҷумҳурӣ, аз ҷумла театри лӯхтак, табрик карданд ва ҳар кадом саҳнае аз нақшҳои Ҳошим Гадоро аз намоишномаҳо мебозид. Ҳамзамон, бо намоишнома дар экрани саҳна порчаҳо аз филму спектаклҳо намоиш меёфтанд, ки дар онҳо нақши асосиро соҳибҷашн бозидааст. Ҳама театрҳо ниҳоят хуб бозиданд. Лекин ба ҳозирон бештар намоишномаи театри драмаи Қӯрғонтеппа писанд омад, ки порае аз спектакли “Муфаттиш” - ро манзури тамошобинон кард. Замоне дар он Ҳошим Гадо нақши Хлестаковро бозида буд.
Соҳибҷашни дар тахт нишаста магар ҳамон солҳоро ёд овард, ки ба намоиш ҳамроҳ шуд. Ба вай чун ба “муфаттиш” мансабдорони ба даст афтода аз кисаҳо дастаҳои пулро бароварда меқапонданд, “муфаттиш” Ҳ. Гадо бошад, бо як даст рӯяшро пӯшонда, бо дасти дигар саросема пулҳоро гирифта ба кисаҳояш мехаст. Ҳамзамон, мушоҳида мекард, ки оё ҳама пул додаанд ва бо ишора мегуфт, ки алҳол на ҳама додаанд ва ҳамоно боз пул мехост. Мансабдори охирин кисаҳои холияшро берун кард, ки дар он фақат рӯймолча монда буд ва онро гирифта арақи пешонияшро пок намуд. “Муфаттиш” онро ҳам чанг зада гирифту ба киса зад. Ин лаҳза басо хандаовар буд ва ба фикрам, худи Гогол ҳам аз чунин хатм ба ваҷд меомад.
Портфели машҳури Ҳошим Гадо низ намоиш дода шуд, ки акнун дар дарунаш чун собиқа на гантелҳо, балки китобҳо буданд, ки алъон Ҳунарманди халқии ИҶШС дар кӯчаҳо гаштугузор карда, ба мардум китоб – донишу маърифат мебарад, ки барои такомули ҳар яки мо заруранд.
Намоишнома анҷом ёфт ва Ҳошим Гадо аз тахт рост шуда ба сар кулоҳи масхарабоз пӯшид ва ба ҳунармандони саҳнаи чархзананда ҳамроҳ шуд. Миёни ҳамкасбон даст сӯйи Осмон бардошт ва муноҷоти ҳунарманд дару девори театрро ларзонд.
Сипас соҳибҷашн ба Президенти Ҷумҳурии Тоҷикистон муҳтарам Эмомалӣ Раҳмон, ба тамошобинон барои таваҷҷуҳашон ба эҷодиёташ, барои қадрсозии заҳматаш баҳри шукуфоии фарҳангу санъати кишвар, барои табрикоти ҷашнҳояш изҳори сипос намуд. Дар ниҳоят муовини вазири фарҳанги ҷумҳурӣ Ибодулло Машрабов Ҳошим  Гадоевро бо ин ду санаи фархунда таҳният гуфт.
Аҳли толор ҳунарманди маҳбубро гулборон карданд. Аз ин намоиши олиҷанобу хатми зебои он ман дар ҳукми ҳаяҷону нишот будам ва суханони Ҳунарманди халқии ИҶШС Кирилл Лавров ёдам омад, ки гуфта буд: “Мегӯянд, ки театр мемирад. Аммо ман мегӯям, ки то замоне дар он ҳунармандоне мисли Ҳошим Гадоев ҳастанд, театр нахоҳад мурд!”

Евгений МОРОЗ,  рӯзноманигор, мунаққиди театр
Аз русӣ тарҷумаи Шамсиддини НАСРИДДИН


Баёни ақида (0)    Санаи нашр: 15.09.2017    №: 195    Мутолиа карданд: 313

20.11.2018


ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ


Дар сомонаҳои дигари Тоҷикистон хонед