logo

фарҳанг

САЙРЕ ДАР ОСОРХОНАИ УСТОД ЛОҲУТӢ

Сайёҳони хориҷӣ беҳуда осорхонаҳои шахсиятҳои бузургро дар нақшаи ҷаҳонгардии худ яке аз ҷойҳои асосии диданбоб интихоб намекунанд. Вале аз чӣ сабаб бошад, ки имрӯзҳо мардуми мо дидан як тараф истад, ҳатто аз вуҷуд доштани осорхонаҳои одамони наҷиби машҳури дунё дарак надоранд. Файласуфи Юнони Қадим Теофраст мефармояд: «Агар дар шаҳр ё минтақае, ки шумо ба сар мебаред, чунин марказҳои бузургон арзи ҳастӣ дошта бошанд, пас шумо яке аз шахсони хушбахти ин замон ба ҳисоб меравед». Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон низ дар иртибот ба ин мавзӯи муҳим чунин тазаккур додаанд: «Ҳар кӣ гузаштаи хешро фаромӯш созад, инсони комил нест». Аз ин сабаб, тасмим гирифтем сайре дар осорхонаи илмиву адабии устод Абулқосим Лоҳутӣ дошта бошем.

Абулқосим Лоҳутӣ шоир, тарҷумон ва яке аз фаъолони сиёсии Тоҷикистон ба ҳисоб рафта, дорандаи орденҳои Ленин, «Нишони фахрӣ», «Байрақи сурхи меҳнат» ва дигар ҷоизаҳои давлатии замони хеш мебошад. Бисёр деҳаву мактабҳо, муассисаву хиёбонҳои шаҳру ноҳияҳои ҷумҳурӣ номи некашро ба худ доранд. Ҷоизаи махсуси Иттифоқи журналистони мамлакат номи ӯро дорост. Устод Лоҳутӣ соли 1945 матни Суруди миллии Ҷумҳурии Шӯравии Сотсиалистии Тоҷикистонро эҷод кардааст, ки то даврони соҳибистиқлолӣ вирди забони ҳамагон буда, дар замонаш яке аз беҳтарин сурудҳои миллии ҷамоҳири шӯравӣ ба ҳисоб мерафт.
Осорхонаи устод дар шаҳри Душанбе, кӯчаи Истаравшан 4, ҷойгир буда, нахустин маротиба дари худро 4 - уми декабри соли 1987 ба муносибати 100 - солагии шоир боз намудааст. Шоир ду соли умри пурбаракати хешро аз соли 1941 то 1943 дар ин манзил гузарондааст.
Ҳангоми вориди осорхона гаштан, мудир Фарида Нозимова ва сармуҳосиб Маҳбуба Луқмонова ҳамчун роҳбалад дар бораи экспонатҳои осорхона бо завқ қисса карданд.
Нигораҳои хонаи аввал дар бораи айёми наврасӣ ва аҳли оилаи Абулқосими ҷавон ҳикоят мекунанд. Дар он ҷо, пеш аз ҳама, муҳити хонаводагии устодро то андозае дарк кардан мумкин. Ҳамчунин, дар дигар ҳуҷраи осорхона муҷассамаву расмҳои шоир ҳамроҳи бузургону дӯстонаш ба намоиш гузошта шудаанд. Ҳуҷраи дигар аз заҳмату эҷодиёти шоир дарак медиҳанд. Мизи кории устод низ он ҷо гузошта шудааст.
- Ҳамасола ба осорхонаи устод Лоҳутӣ омӯзгорони донишгоҳу муассисаҳои таълимӣ ҳамроҳи донишҷӯёну мактаббачагон омада, аз ин макон дидан мекунанд, -  гуфт Маҳбуба Луқмонова.
Осорхона дорои китобхонаи махсус аз эҷодиёти устод Лоҳутӣ буда, аз он то кадом андоза ба илму адаб завқу рағбати беандоза доштани шоирро пай бурдан мумкин аст.
Ҳар фарди ватандӯсти ҷомеаро мебояд аз осору рӯзгори бузургони гузаштаи хеш ёд оварда, сайри осорхонаҳои шахсиятҳои бузургро фаромӯш насозад. Бо боварии комил метавон гуфт, нафаре, ки аз чунин осорхонаву ёдгориҳои таърихӣ дидан мекунад, ҳатман дар қалбаш ғурури миллӣ ва ҳисси меҳанпарастиву эҳтиром ба халқу Ватан бедор мегардад.
Қурбон АҲМАДЗОД,  «Ҷумҳурият»


Баёни ақида (0)    Санаи нашр: 18.09.2017    №: 196    Мутолиа карданд: 317

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард


Дар сомонаҳои дигари Тоҷикистон хонед