logo

иҷтимоиёт

ОМОДАГӢ БА ЗИМИСТОН ДАР ВОДИИ ВАХЁ

Айёми хунукиҳо ва сармо ба ҳабдаҳ ҳудуди Ҷамоати деҳоти Сағирдашт, ки  дар водии баландкӯҳи Вахё воқеъ гардидаанд,  аз миёнаҳои моҳи октябр фаро мерасад. Ба ин хотир, ҳамасола аз ҷониби мақомоти иҷроияи маҳаллии ҳокимияти давлатии ноҳияи Дарвоз, ҷамоати деҳот ва дигар идораю муассисаҳои дахлдор ба давраи зимистон дар ин минтақа ба мисли дигар водиҳои баландкӯҳи Вилояти Мухтори Кӯҳистони Бадахшон омодагии комил дида мешавад.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҷлиси ҳукумат диққати вазорату идораҳо, мақомоти иҷроияи ҳокимияти давлатии вилоятҳо ва шаҳру ноҳияҳоро ба масъалаи муҳим - омодагӣ ба давраи тирамоҳу зимистони солҳои 2017 - 2018 ҷалб намуданд.
Бино ба иттилои муовини аввали раиси ноҳияи Дарвоз Носирзода Умеди Саидҷон, мақомоти иҷроияи ҳокимияти давлатии ноҳия барои иҷрои дастуру супоришҳои Президенти кишвар тадбирҳои мушаххас андешида, идораю муассисаҳои фарҳангӣ, пеш аз ҳама муассисаҳои таълимӣ, тиббӣ, кӯдакистонҳо ва аҳолиро бо захираи маҳсулоти озуқа, ангиштсанг, ҳезум ва дигар асбобу анҷоми зарурӣ таъмин карда истодааст.
Бегиҷон Алиев, раиси Ҷамоати деҳоти Сағирдашт, иброз намуд, ки  фасли сармо дар водии Вахё хеле барвақт фаро мерасад ва то моҳи апрел давом мекунад. Баъзе вақт дар миёнаҳои моҳи октябр дар ин минтақаи баландкӯҳ барфи нахустин меборад. Барои ин бо дастгирии мақомоти иҷроияи ҳокимияти давлатии Вилояти Мухтори Кӯҳистони Бадахшон ва ноҳияи Дарвоз, инчунин, соҳибкорон ангиштсангро аз кони ангишти мавзеи Равнов, ки дар чилкилометраи деҳаи Сағирдашт дар  подомони қаторкӯҳҳои Дарвоз ҷойгир аст, ғайр аз ин, аз мавзеъҳои Назарайлоқ, Зиддӣ ва Фон Яғноб кашонда истодаанд. Солҳои пеш ангиштро бо мошинҳои Зил - 130, ки қудрати борбардориашон ҳамагӣ 5 тонна буд, мекашонданд. Ин мушкилии зиёд пеш меовард. Ҳоло аз нақлиёти ҳозиразамон истифода бурда мешавад, ки тавоноии борбардории  25 - 40 тонна мебошад.
То имрӯз аллакай барои таъмини эҳтиёҷоти сокинони Ҷамоати деҳоти Сағирдашт тариқи нақлиёти гаронвазн беш аз 350 тонна ангишт ворид гардид. Маъмурияти ҷамоат ният дорад, ки то оғози давраи зимистон зиёда аз 900 тонна ангишт захира намояд. Ҳезумро бошад, аз пуштаҳои подомони ағбаи Хобурубот, мавзеъҳои Фаркинг, Сафедорон, Гурбадара, Пуштароғ, Сафедсанг ва ҷангалҳои соҳили рӯди Хингоб захира  карда истодаанд.
Сироншоҳи ДИЛОВАР, «Ҷумҳурият»


Баёни ақида (0)    Санаи нашр: 18.09.2017    №: 196    Мутолиа карданд: 453

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед