logo

туризм

БАЛҶУВОН ЭЪҶОЗИ НОТАКРОРИ ТАБИАТ

Имконияти рушди сайёҳӣ дар ноҳия, бо назардошти арзишҳои беназири  таърихӣ, фарҳангӣ ва табиӣ, ба андозае фароханд, ки Балҷувон метавонад яке аз ҷойҳои дӯстдоштаи сайёҳони ҷаҳон гардад.

Таъсисёбӣ ва ободию шукуфоии ноҳияи кӯҳии Балҷувон самараи файзу баракати даврони Истиқлолияти давлатӣ, сиёсати созандаю бунёдкоронаи Сарвари давлат ва Ҳукумати Тоҷикистон аст. Бесабаб нест, ки сафари кории  Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шаҳру навоҳии вилояти Хатлон маҳз аз ҳамин ноҳияи кӯҳӣ оғоз гардид.
Балҷувон то соли 1921 маркази бекигарӣ, мирнишин, аз соли 1930 то  1954 бо 10 деҳшӯрою 260 деҳа ноҳияи алоҳида буд. 2 феврали соли 1996 бо Фармони Президенти Ҷумҳурии Тоҷикистон муҳтарам Эмомалӣ Раҳмон  Балҷувон  бори дигар ҳамчун ноҳияи алоҳида арзи вуҷуд кард.
Балҷувон макони ватандӯстони асил, зодгоҳи 3 Қаҳрамони Иттифоқи Шӯравӣ - Сафар Амиршоев, Саидқул Турдиев ва Исмат Шариф аст. 
Нақши амали ватандороне, ки дар роҳи иҷрои дастуру раҳнамоиҳои Пешвои миллат Тоҷикистонро  беш аз пеш ободу зебо ва Истиқлолияти давлатии онро бо муҳаббату садоқати бепоёни хеш устувору қавитар мекунанд, боиси сарфарозии мост. Хушбахтона, чунин мардону занони бонангу ор дар Балҷувон зиёданд. Сарвари давлат дар сафари охири худ дар маркази ноҳия 2 бинои истиқоматӣ, дар маркази деҳоти Сари Хосор биноҳои таваллудхона ва шуъбаи маорифро  мавриди истифода қарор дода, ба сохтмони роҳҳои Кангурт – Балҷувон - Ховалинг ва Балҷувон - Сари Хосор  ҳусни оғоз бахшиданд.
Дурнамои рушди ноҳия, аз ҷумла  мавзеи  зебоманзари Сари Хосори он, хушҳолкунанда буда, ба қарибӣ дар марказ ва деҳот роҳ, хонаҳои истиқоматӣ ва бисёр иншооти  маъмурию сайёҳӣ мешаванд. Сокинони ноҳия дар вохӯрӣ бо Президенти кишвар, ки дар деҳоти Сари Хосор баргузор гардид, иброз намуданд, ки дар ояндаи наздик  ба хотири рушди соҳаи сайёҳии минтақаи Сари Хосор 7  меҳмонхонаи замонавӣ, 8 иншооти таъйиноташон мухталиф ва дар маҷмӯъ 20 иншооти муосир бунёд менамоянд. Ёдрас месозем, ки  ҳар сол, сарфи назар аз мушкилоти инфрасохторӣ, қариб сад  сайёҳи хориҷӣ, хусусан аз Русия, Фаронса, Испания, Италия, Олмон, ба тамошои Сари Хосор меояд. Ин дар муқоиса ба имконоти сайёҳии минтақа садҳо маротиба кам аст. Бояд таъкид намоям, ки Сари Хосор дар баробари табиати зебою нотакрор дорои вижагиҳои хеле мураккаби табиӣ низ мебошад. Маҳз ҳамин хусусиятҳо боиси то имрӯз бунёд нагардидани  роҳи автомобилӣ дар минтақаи сайёҳӣ шудаанд.  
Ноҳия дорои захираҳои фаровони табиист. То ҳамин наздикӣ корхонаи газу нафти Балҷувон фаъол буд. Айни ҳол раванди азнавсозию таҷдиди техникии корхона идома дорад. Дар ноҳия 11 неругоҳи хурди обӣ фаъолият мекунад. Неругоҳи обии Пушти Боғ рӯзҳои наздик мавриди истифода қарор мегирад. Чарогоҳҳои серобу алаф баҳри рушди соҳаи чорводорӣ хеле мувофиқанд. Ҳоло дар деҳоти ба номи Сайф Раҳимзоди Афардӣ хоҷагии зотпарварӣ амал мекунад.
Табиати ноҳия дорои  қариб тамоми гиёҳҳои шифобахш аст. Дар сурати хуб ба роҳ мондани ин захираҳои мавҷудаи табиӣ ва бунёди корхонаҳои саноатии истеҳсоли доруворӣ рушди иқтисодию иҷтимоии ноҳия метавонад суръати тоза касб намояд. 
«Модари иқтисодиёт таблиғ аст», - мегӯянд аврупоиён. Баробари минтақаи байналмилалии сайёҳӣ эълон гардидани мавзеи Сари Хосор дар назди мақомоти иҷроияи ҳокимияти давлатии ноҳия шуъбаи сайёҳӣ таъсис ёфт, ки самти асосии фаъолияти он марбут ба таблиғи мавзеъҳои таърихию диданибоби  минтақа аст. Новобаста ба мушкилоти мавҷуда, ба тамошои Сари Хосор омадани сайёҳони хориҷӣ худ гувоҳи фаъолияти таблиғотист. Набудани роҳ ва иншооти муосири хизматрасонӣ то ҳол ба кори  ҷалби сайёҳон таъсири манфӣ мерасонд. Акнун ин мушкилот ба шарофати файзи қадами мубораки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар сарҳади ҳаллу фасл қарор дорад. Мақомоти иҷроияи маҳаллии ҳокимияти давлатии ноҳия низ  ҷиҳати рушди иҷтимоию иқтисодии Балҷувон, хусусан дар самти татбиқи барномаи давлатии рушди сайёҳӣ, тадбирҳои зиёдеро амалӣ менамояд. Яке аз ин тадбирҳо ҷалби гурӯҳи хабарнигорон ба мавзеъҳои диданибоби Сари Хосор аст. Баъди боздиди Сарвари давлат аз ноҳия 3 гурӯҳи  калони хабарнигорони ҷумҳурӣ бо даъвати мо ба Сари Хосор ташриф оварданд. Ҳоло ҳамарӯза аз ҷониби онҳо тариқи шабакаҳои телевизионӣ ва рӯзномаю маҷаллаҳо дар бораи Шаршараи Пушти Боғ,  чанорҳои азими деҳаи  Даштаро ва дигар мавзеъҳои дилкаши Сари Хосор барномаҳои телевизионӣ ва мақолаҳо ба нашр мерасанд. Аммо ин ҳанӯз, ба андешаи ман, кам аст.  Балҷувон, арзишҳои табиӣ, фарҳангӣ ва таърихии он ба ташвиқу тарғиб дар сатҳи байналмилалӣ, хусусан дар кишварҳои узви Иттиҳоди Давлатҳои Мустақил ва Созмони Ҳамкории Шанхай, ки аҳолиашон қариб нисфи бошандагони  сайёраро  ташкил медиҳад, меарзад. Боварӣ дорам, ки  минбаъд  ин амал вусъати тоза пайдо мекунад ва Балҷувон бо арзишҳои таърихию фарҳангӣ ва табиати нотакрори худ ба яке аз минтақаҳои машҳури сайёҳии ҷаҳон табдил меёбад.
Маърифат ЗОИРЗОДА, раиси ноҳияи Балҷувон


Баёни ақида (0)    Санаи нашр: 18.09.2017    №: 196    Мутолиа карданд: 1952
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед