logo

иқтисод

АШТ. АЗ ОСОИШИ МАРДУМ ТО РУШДИ САНОАТ

Самари  соҳибистиқлолии кишвар сулҳу субот ва иқдомҳои бунёдкорист. Кулли соҳоти хоҷагии халқи ноҳияи  Ашт дар  ин замина рушд ёфта истодаанд.

Одатан дар таҷрибаи ҷаҳонӣ  ченаки асосии пешрафти иқтисодии ҳар шаҳру ноҳия сатҳи осоиштагии мардум мутобиқ ба маҷмӯи маҳсулоти тавлидотӣ мебошад. Агар маҷмӯи маҳсулоти ноҳия соли 2010 баробари 330,8 миллион сомонӣ бошад, пас ин нишондод дар ҷамъбасти соли гузашта 660,9 миллион сомониро ташкил дод. Мувофиқи ҳисобу китоби пешакӣ,  соли равон маҷмӯи маҳсулоти минтақавии ноҳия ба 720,7 миллион сомонӣ хоҳад расид, ки баландтарин натиҷа дар даврони соҳибистиқлолии ҷумҳурӣ маҳсуб меёбад. Ҳаҷми  маҷмӯи маҳсулоти минтақавӣ ба ҳар сари аҳолӣ аз 2 ҳазору 425 сомонии соли 2010 соли 2016 ба 4 ҳазору 156 сомонӣ расида, суръати афзоиш 171,4 дарсадро ташкил медиҳад.
- Қиёси нишондиҳандаҳои иқтисодӣ ва иҷтимоии ноҳия  ба соли 2010 беваҷҳ нест. Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон таъкид доштанд, ки баъди ба даст омадани сулҳу салоҳ ва пойдории осудагиву амонӣ нишондиҳандаҳои иқтисодии кишвар дар ҳамин сол ба сатҳи баланд расида буд. Масалан, агар ҳаҷми маҳсулоти саноатии ноҳия дар соли 2010 ҳамагӣ 48,8 миллион сомонӣ бошад, пас ин рақам соли гузашта 3,2 маротиба афзуда, ба 158,3 миллион сомонӣ  баробар гаштааст, - иброз дошт Зариф Мирдадо, раиси ноҳияи Ашт.
Самти дигари рушди иқтисодӣ дар ноҳия равнақи соҳаи кишоварзӣ мебошад. Зеро  аз ҳисоби азхуд кардани даштҳои Ашти Калон шароит фароҳам меояд, ки  майдони боғот боз ҳам васеъ карда шавад. Феълан дар ноҳия, бино ба маълумоти расмии оморӣ, зиёда аз 16 ҳазор боғу токзор мавҷуд аст, ки 8,5 ҳазор гектараш  ҳамасола самари дилхоҳ мебахшад. Бе ваҷҳ Сарвари давлат муҳтарам Эмомалӣ  Раҳмон дар ҷараёни сафари кории худ соли 2016 Аштро «диёри  меваҳои шаҳдбор» унвон накардаанд. Агар соли гузашта дар ҳамаи шаклҳои хоҷагидорӣ боғпарварони ноҳия қариб 14 ҳазор тонна мева истеҳсол карда бошанд,  дар мавсими имсола  интизор меравад, миқдори умумии ҳосил аз 20 ҳазор тонна бештар гардад. Мутобиқи Барномаи рушди боғу токзор барои  солҳои 2015 - 2021  дар ноҳия майдони боғҳои нав то 200 гектар афзун хоҳад шуд. Яъне метавон гуфт, ки ноҳияи Ашт дар солҳои наздик ба калонтарин минтақаи боғдории вилояти Суғд мубаддал мегардад. Тавре Рафтор Муҳаммадиев, сардори идораи кишоварзии ноҳия, гуфт, марҳилаи дигари рушди кишоварзӣ коркарди саноатии маҳсулот мебошад. Соҳибкорони маҳалливу хориҷӣ тасмим доранд  коргоҳҳои хурду миёнаи коркарди мева, тавлиди шарбатҳои гуногун бунёд кунанд, ки ин ба рушди иқтисодиёти ноҳия ва таъсиси садҳо ҷойи нави корӣ заминаи устувор мегузорад.
Соли равон дар ноҳия 9 иншооти истеҳсолӣ, иҷтимоӣ, хизматрасониву маишӣ ба маблағи умумии 3 миллиону 918,3 ҳазор сомонӣ бунёд гардид. Ҳамчунин, корхонаи коркард ва бандубасти меваи хушки зардолу (ҶДММ «Аштфрут») ва коргоҳи пахтатозакунӣ (ҶСП «Марҳамат») ба фаъолият шурӯъ карда, 70 ҷойи нави корӣ таъсис ёфт.
Мардуми меҳнатдӯсти ноҳияи Ашт бо дарки баланди ватандӯстиву ватандорӣ, шукргузорӣ аз сулҳу субот баҳри боз ҳам дучанд гаштани неруи иқтисодӣ ва шукуфоии сарзамини аҷдодӣ  талош хоҳанд кард.
Ҷовиди АШТӢ,  «Ҷумҳурият»


Баёни ақида (0)    Санаи нашр: 19.09.2017    №: 197    Мутолиа карданд: 455

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед