logo

иҷтимоиёт

ФАЙЗОБОД. ИСТИҚБОЛИ СОКИНОН АЗ ТАҒЙИРУ ИЛОВАҲО БА ҚОНУНИ ТАНЗИМ

Сокинони ҷамоатҳои деҳоти Меҳробод, Бӯстон ва Вашгирди ноҳияи Файзобод дар мулоқот бо аъзои гурӯҳи корӣ доир ба тарғибу ташвиқи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ҳамовозии якдилонаи худро аз тағйиру иловаҳои ба ин санади меъёрии ҳуқуқӣ воридгардида баён доштанд.

Лутфулло Саидмуродов, директори Институти иқтисодиёт ва демографияи Академияи илмҳои Ҷумҳурии Тоҷикистон, тартиб ва муқаррароти гузарондани маросими азодорӣ ва таъзияро, ки 6 сентябр аз тарафи Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон тасдиқ гардидааст, шарҳ дод. Мавсуф зикр кард, ки азодорӣ ва таъзия дар асоси талаботи шариати ислом, таъкидҳои Имом Абуҳанифа, меъёрҳои фиқҳӣ ва қонунҳои амалкунандаи Ҷумҳурии Тоҷикистон гузаронда шуда, ба соҳибони майит набояд вазнинӣ ва хароҷоти зиёдеро ба бор орад. Аз ин сабаб, пас аз таҳлилу баррасиҳои мақомоти ваколатдор ва комиссияҳои дахлдор наздик ба 70 чорабинии гуногун вобаста ба маросими азодорӣ муайян шуда, ба ҷуз аз маросимҳои «се», «чил», «сол» ва он ҳам бе забҳи чорво ва додани таом, боқӣ ҳама ботил дониста шуд. Аз ҷумла, ташкили «оши сари тахта», «душанбегӣ», «ҷумъагӣ», «ҳафт», «бист», «шашмоҳагӣ» манъ карда шуданд.      
Сокинони ҷамоатҳои деҳоти ба номи Дӯстмурод Алиев, Ҷавонон ва Ҷамоати шаҳраки Файзобод, ки дар Филармонияи халқии ноҳия ҷамъ омада буданд, дар рафти мулоқот меъёрҳои нави Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» - ро дастгирӣ намуда, барои ҳимояи манфиатҳои мардум хидмат кардани онҳоро таъкид карданд.
Сабоҳат Мамадалиева, сармутахассиси Кумитаи кор бо занон ва оилаи назди Ҳукумати Ҷумҳурии Тоҷикистон, дар мавриди аз тарафи шахсони воқеӣ ва ҳуқуқӣ вайрон кардани рукнҳои фарҳанги миллӣ, аз ҷумла забони давлатӣ ва сарулибоси миллӣ ҳарф зада, таъкид дошт, ки ҷашну маросимҳои миллии тоҷикӣ падидаҳои фарҳангӣ буда, дар онҳо худнамоӣ, бегонапарастӣ, суруда шудани таронаҳои орӣ аз мазмуну муҳтаво ва либосҳои нимурёни хориҷӣ раво нест. Зеро фарзандони мо аз чунин сурат гирифтани маъракаҳо мазмун мебардоранд, ки сифату савияи санъат, забон ва маданияти шаҳрвандии мо дар ҳамин сатҳ қарор дорад.
15 сентябр аъзои гурӯҳи корӣ бо сокинони ҷамоатҳои деҳоти Қалъаи Дашт, Чашмасор ва Мискинобод дидору гуфтугӯ доштанд.  Раиси ноҳияи Файзобод Миралӣ Раҷабзода изҳор дошт, ки дар қонуни зикршуда ҷиҳати таҳкими фаъолияти комиссияҳои доимии маҳаллӣ ва ҷамъиятӣ, салоҳияти ин комиссияҳо меъёрҳои нав пешбинӣ шудаанд, ки яке аз онҳо таъсиси комиссияҳои ҷамъиятист. Минбаъд дар вазорату идораҳо, корхонаю ташкилот ва муассисаҳо, ки дар онҳо на кам аз 30 нафар кор мекунад, комиссияҳои ҷамъиятӣ таъсис дода мешаванд. Намояндагони ин комиссияҳо ҷиҳати пешгирии қонуншиканиҳо фаъолияти дигар сохторҳои марбутаро таҳким бахшида, дар сурати ошкор намудани камбудию норасоиҳо ба мақоми ваколатдор ва ё комиссияҳои доимии маҳаллӣ хабар медиҳанд.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 19.09.2017    №: 197    Мутолиа карданд: 317

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон

04.01.2019


Парвози чартерӣ дар масири Душанбе - Шарм-уш-шайх

ҶАҲОН ДАР ЯК САТР

Ҳалокати зани тоҷик ва се фарзандаш дар Магнитогорск

Ваколати нави намояндаи Тоҷикистон дар СҲШ

Аз Сурия баромадани артиши амрикоӣ оғоз ёфт

Зонди чинии "Чанъэ-4" дар Моҳ


Дар сомонаҳои дигари Тоҷикистон хонед