logo

сиёсат

ИШТИРОКИ ЭМОМАЛӢ РАҲМОН ДАР ЧОРАБИНИИ САТҲИ БАЛАНД

Субҳи 19 сентябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Ню - Йорк дар ҳошияи иҷлосияи 72 - юми Маҷмааи умумии Созмони Милали Муттаҳид дар  чорабинии сатҳи баланд зери унвони “Дар роҳи татбиқи Даҳсолаи байналмилалии амал "Об барои рушди устувор", солҳои 2018 - 2028 иштирок ва суханронӣ намуданд.
Дар оғоз Эмомалӣ Раҳмон ҳамаи ҳозиринро дар ин чорабинии сатҳи баланд хайрамақдам гуфта, изҳори умед намуданд, ки мубоҳисаҳои имрӯза дар тақвият бахшидани кӯшишҳои муштараки мо ба хотири татбиқи Даҳсолаи байналмилалии амал "Об барои рушди устувор", солҳои 2018 - 2028 саҳми арзишманд хоҳанд гузошт.
Пешвои миллат зикр намуданд, ки таҷрибаи андӯхтаи мо дар раванди татбиқи Даҳсолаи байналмилалии амал "Об барои ҳаёт", солҳои 2005 - 2015 собит кард, ки ин қабил даҳсолаҳо метавонанд ҷиҳати мусоидат ба татбиқи вазифаю ҳадафҳо дар соҳаи рушд василаи басо судманд бошанд.
Сарвари давлат изҳор доштанд, ки саъю талошҳо дар чаҳорчӯбаи Созмони Милал ва дигар ташкилоту ниҳодҳо, ки тайи ин давраи чилсола ҷой доштанд, барои вусъатбахшии раванди дастрасӣ ба оби ошомидании бехатар, густариши донишу малака дар соҳаи мудирияти фарогири захираҳои об, тақвияти ҳамкорӣ ва ҳамёрӣ дар соҳаи об, ташаккули дидгоҳу заминаҳои нав барои баррасии мушкилоти ҷаҳонӣ ва минтақавии марбут ба захираҳои об мусоидат карданд.
Бо вуҷуди ин пешравиҳо, Эмомалӣ Раҳмон дар суханронии худ пешниҳод намуданд, ки омилҳое, ки майдони ҳамкориҳои минбаъдаро маҳдуд мекунанд, ба инобат гирифта шаванд. Аз назари Президенти Ҷумҳурии Тоҷикистон ҳамкории самараноки фаромарзӣ метавонад ба мудирият ва истифодаи оқилонаву устувори захираҳои об мусоидат намуда, боиси коҳиши хатари хароҷоти беасос ва таъмини тавозун байни шаклу навъҳои гуногуни истифодаи захираҳои об шавад.
Дар поёни сухани худ Эмомалӣ Раҳмон изҳор доштанд, ки Тоҷикистон ба сифати кишвари ташаббускори Даҳсолаи байналмилалии амал “Об барои рушди устувор” ният дорад, ки ҷиҳати таъмини ҳамоҳангии фаъолият дар татбиқи он маркази махсусро таъсис диҳад. Ҳамчунин, бо мақсади татбиқи Нақшаи миллии амал ҷиҳати мусоидат ба Даҳсолаи байналмилалӣ пешниҳод намуданд, ки дар ин мавзӯъ дар соли 2018 дар шаҳри Душанбе конфронси байналмилалӣ даъват карда шавад.
Дар чорабинии мазкур раиси Иҷлосияи 72 - юми Маҷмааи умумии Созмони Милали Муттаҳид Мирослав Лайчак, муовини Дабири кулли Созмони Милали Муттаҳид оид ба масъалаҳои иҷтимоӣ ва иқтисодӣ Луи Женмин, муовини Дабири кулл ва директори иҷроияи комиссияи иқтисодии аврупоии Созмони Милали Муттаҳид Олга Алгаёрова, муовини Дабири кулл ва директори иҷроияи Дафтари лоиҳавии Созмони Милали Муттаҳид оид ба хизматрасонӣ Грет Фаремо, Сарвазири Тувалу Энеле Сосене Сопоага, Сарвазири Маврики Анируд Ҷагнот, вазири корҳои хориҷии Шоҳигарии Ҳошимии Урдун Айман ас-Сафадӣ, вазири давлатии Қатар оид ба муносибатҳои байналмилалӣ Султон бинни Саад Ал-Мурейхи, вазири Канада оид ба муҳоҷират, паноҳандагон ва шаҳрвандӣ Аҳмад Ҳусейн, муовини вазир оид ба рушди устувори Марокаш Нежа ал - Оуафи, муовини вазири корҳои хориҷии Эквадор Мария Карола Иникиез, директори генералии ЮНЕСКО Ирина Бокова, раиси Хазинаи байналмилалӣ оид ба рушди кишоварзӣ Жилбер Унгбо, ёвари маъмурии Барномаи рушди Созмони Милали Муттаҳид Ҷиҳан Султаноғлу, ёрдамчии вазири корҳои хориҷии Ҷопон оид ба масъалаҳои глобалӣ Хидео Сузуки, намояндаи доимии Арабистони Саудӣ дар Созмони Милали Муттаҳид Абдулло ал -  Муаллимӣ суханронӣ намуда, ташаббусҳои Тоҷикистонро дар мавриди татбиқи Даҳсолаи байналмилалии амал “Об барои рушди устувор», солҳои 2018 – 2028 ҳамаҷониба дастгирӣ намуда, ба нақши Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун пешоҳанги ташаббусҳои байналмилалӣ оид ба масъалаи об баҳои баланд доданд.


Баёни ақида (0)    Санаи нашр: 20.09.2017    №: 198    Мутолиа карданд: 536

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед