logo

иқтисод

НИГАРОНӢ. ЧӢ ГУНА МАВЗЕИ ХАВФНОК МАВЗЕИ ЗИНДАГӢ ШУД?

Чанд сол пеш як гурӯҳ сокинони ноҳияи Абдураҳмони Ҷомӣ фирефтаи найрангҳои соҳибмулки анбори заҳрхимикатҳои собиқ колхози ба номи Кирови ноҳия шуда, дар ин ҷойи барои ҷону молашон хавфнок манзили истиқоматӣ бунёд карданд.

Ҳарчанд мақомот ин мавзеъро барои зист номувофиқ мешуморад, мушкили бо макони нави иқомат таъмин кардани сокинон ҳанӯз ҳам ҳалношуда боқӣ мондааст. Айни замон дар ҷойи ин анбори заҳрогин, ки дар деҳаи Ҷовидон - 4 - и Ҷамоати деҳоти Яккатут ҷойгир аст, панҷ оила ва ё тақрибан сӣ нафар истиқомат мекунад.
- Ин мавзеъ то солҳои 70 - уми асри гузашта ҳамчун анбори захираи сӯзишворӣ истифода мешуд. Баъдтар онро ба анбори нигаҳдории нуриҳои минералӣ ва заҳрхимикатҳо табдил доданд. Пас аз таҷдид шудани колхоз онро як сокини шаҳри Душанбе бо номи Даврон Илясов хусусӣ гардонда, барои сохтани хона ба мардум тақсим кард, - мегӯяд Лочин Худоиев, ки солҳои мадид дар анбори собиқ вазифаи посбониро адо мекардааст. 
Аввали соли равон Кумитаи ҳифзи муҳити зисти ҷумҳурӣ ва созмонҳои байналмилалӣ заҳрхимикатҳо ва қисме аз хоки заҳролуди ин мавзеъро канда, барои нигоҳдорӣ ба партовгоҳи заҳрхимикатҳои ноҳияи Вахш бурданд. Акнун ин ҷо бӯйи ғализ чандон ҳис намешавад, вале мутахассисон собиқ анборро барои зиндагонӣ мувофиқ намеҳисобанд. Саъдӣ Азизхоҷаев, сокини деҳаи Ҷовидон - 4, мегӯяд, ки хонаҳои дар  инҷо бунёдшуда то ҳол ягон ҳуҷҷати расмӣ надоранд. Вақте одамон хостанд, ки хонаҳояшонро ба расмият дароранд, ба онҳо гуфтанд, ки манзилҳои шумо ҳуҷҷатгузорӣ намешаванд.
Мо хостем бо соҳибхонаҳое, ки атрофи собиқ анбори заҳрхимикатҳоро макони зист ихтиёр кардаанд, ҳамсуҳбат шавем, вале онҳо аз суҳбат худдорӣ карданд. Дар мақомоти иҷроияи маҳаллии ҳокимияти давлатии ноҳия гуфтанд, ки Кумитаи ҳифзи муҳити зисти ҷумҳурӣ дар ин мавзеъ мониторинг гузаронда, муайян кард, ки он заҳрнок асту ҳам барои зист ва ҳам барои фаъолият хавфи зиёд дорад. Аз ин хотир, бо назардошти пешниҳоди бахши ҳифзи муҳити зист ва Маркази санитарию эпидемиологии ноҳия Абдуҷаббор Баҳодурзода, раиси ноҳияи Абдураҳмони Ҷомӣ, бо як қарор, аз 18 майи соли 2017,  таҳти № 664  қарори раиси собиқи ноҳия Акрам Сулаймонзодаро, аз 25 июли соли 2013, таҳти № 334 “Дар бораи ба фонди манзил гузарондани қитъаи замини бинои хусусигардондашудаи шаҳрванд Илясов Д. бо майдони умумии 1,16 гектар, воқеъ дар деҳаи Ситораи Сурх, Ҷамоати деҳоти Яккатут” бинобар ғайриқонунӣ буданаш, бекор кард. Дар банди дуюми қарор омадааст, ки масоҳати умумии 1,16 гектар ба ҳолати аввала баргардонда ва сохтмони хонаҳои истиқоматӣ дар масоҳати зикршуда қатъиян манъ карда шавад.
Абдуҷаббор Баҳодурзода иброз дошт, ки бо пайдо шудани имконият мардум аз ин мавзеъ кӯчонда хоҳанд шуд. Роҳбарияти ноҳия аллакай сари ин масъала фикр карда истодааст. Аммо то замони ҷудо гардидани қитъаи замини наздиҳавлигӣ мардум ногузир бояд дар ин мавзеи заҳрогин истиқомат кунанд...

Зокир ҲАСАН, “Ҷумҳурият”


Баёни ақида (0)    Санаи нашр: 21.09.2017    №: 199    Мутолиа карданд: 367

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед