logo

иҷтимоиёт

ТАНЗИМ. ШАҲРВАНДОН БЕТАФОВУТ НАБУДАНД ВА НЕСТАНД

Дар рӯзҳои мо, дар давраи истиқбол аз даҳумин солгарди қонун «Дар бораи танзими анъана ва ҷашну маросимҳо дар Ҷумҳурии Тоҷикистон» зимни таҳлил ва хулосагириҳо Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки ташаббускор ва тасмимгирандаи асосии таҳияи лоиҳаи қонун ва мавриди амал қарор гирифтани он маҳсуб меёбанд, вазъияти бавуҷудомадаро ҳамаҷониба дарк намуда, бамаврид  таъкид карданд, ки: «Воқеан, қисме аз мардуми мо  ба сабаби зоҳирпарастии  беасос ва дар иҷрои маросимҳо  ва маъракаороиҳо пойбанди  таассубу хурофот  будани худ ба амалҳое даст мезананд, ки дар ягон гӯшаи  дигари олам ба назар намерасанд».
Муҳтавои назар, андеша ва нигарониҳои Сарвари давлат ба он равона гардида буданд, ки новобаста аз комёбиҳо ва дастовардҳои дар паст кардани сатҳи камбизоатии аҳолӣ дар доираи афкор ва ақидаи қисме аз афрод омилҳои алоқаманд ба таассубу хурофот ва, инчунин, зоҳирпарастӣ ба назар мерасанд. Аз ин рӯ, зарурият пеш омад, ки қонуни мазкур аз нав такмил дода шавад. Бояд ин нуктаи муҳимро ёдовар гардид, ки аксари шаҳрвандони кишварамон новобаста аз сатҳи иҷтимоии худ дар мавриди такмили ин қонун бетафовут набуданд ва нестанд. Зеро онҳо дар зарфи даҳ сол мушоҳида карданд, ки дар ҳақиқат, тарзи зиндагии аҳолии кишвар ба куллӣ тағйир ёфтааст. Ёдовар бояд шуд, ки қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» дар ҳаёти иҷтимоии аҳолӣ ва иқтисодии давлат ҳодисаи муҳим, тақдирсоз ва саривақтӣ  буд. Қабл аз қабули он фарқ миёни маъракаҳои хурсандӣ ва азодорӣ қариб аз байн рафта ва як навъ рақобат ба ҳамдигар маҳсуб мешуд. Қонун бо муқаррарот, талабот ва фармудаҳои шариати ислом мухолифат надошта, баръакс тибқи далолати оятҳои Қуръони карим барои пешгирии исроф ва дастгирии шахсони камбизоат роҳандозӣ шудааст. Новобаста аз ин, чӣ тавре ки ба назар мерасад, бо вуҷуди дастовардҳо дар муддати 10 соли амали қонун  боз ҳам ҳастанд афроди алоҳидае, ки талаботи муқарраргардидаи қонунро риоя намекунанд. Аксар ҳолат, вайронкунандагони талаботи қонунҳои амалкунанда шахсони мансабдор, инчунин, фарзандону наздикони онҳо буда, берун аз муқаррароти ҷорӣ худсарона маъракаҳои дабдабанок мегузаронанд ва ба ин васила барои баамалбарории қонуни танзим монеаҳои нав эҷод менамоянд. Вобаста ба ин масъала Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон талаб намуданд, ки таъмини қатъии талаботи қонунҳои амалкунанда дар  мамлакат ба роҳ монда шавад ва ба масъулон ҷиҳати ба танзим даровардан ва мувофиқ ба талаботи қонун гузарондани ҳамагуна маъракаҳои мардумӣ ва ҷашну маросимҳои миллӣ, риояи ҳатмии қоидаҳои ҳаракат дар роҳ, хусусан аз ҷониби мансабдорон, пурзӯр намудани ҷавобгарии интизомӣ ва нишондиҳандаҳои ҷаримаҳои маъмурӣ нисбат ба вайронкунандагони қонун, падару модарон ва фарзандони онҳо дастуру супоришҳои қатъӣ доданд. Сарвари давлат   таъкид карданд, ки минбаъд дар ҳолати аз ҷониби аъзои Ҳукумати Ҷумҳурии Тоҷикистон, вакилони Маҷлиси намояндагони Маҷлиси Олӣ ва узви Маҷлиси миллии Маҷлиси Олии Ҷумҳурии Тоҷикистон, раисони вилоят ва шаҳру ноҳияҳо, хизматчиёни давлатӣ, фарзандон, пайвандон ва хешовандони наздики онҳо такрор шудани қонунвайронкуниҳо татбиқи ҷазо то аз вазифа озод кардани хизматчиёни давлатӣ ва аз макотиби олӣ хориҷ намудани фарзандони онҳо амалӣ мегардад.  Президенти мамлакат ба мардум фаҳмонда тавонистанд, ки ҳамаи зиёдаравию исрофкорӣ дар баргузории ҷашну маъракаҳо ҷуз худнамоӣ ва шуҳратпарастӣ чизи дигаре нест. Мардум дарк карданд, ки қонуни қабулшуда дар беҳбуди ҳаёти рӯзмарра ва буҷети оилавии ҳар яки онҳо манфиатҳои зиёд овард.  
Тағйиру илова ба қонуни мазкур,  бешак, барои боз ҳам баланд бардоштани сатҳи зиндагии аҳолӣ, паст намудани сатҳи камбизоатӣ ва рушди минбаъдаи ҳаёти иҷтимоӣ - иқтисодии давлат мусоидат хоҳад кард. 
 Ҳайдар ҲАЙДАРОВ,
Аминҷон ШАРИФОВ,
устодони Донишгоҳи давлатии Кӯлоб  ба номи Абуабдуллоҳи Рӯдакӣ


Баёни ақида (0)    Санаи нашр: 25.09.2017    №: 201    Мутолиа карданд: 525

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед