logo

ҳуқуқ

ДАҲШАТАФКАНӢ. АЛАЙҲИ ОН БОЯД МУБОРИЗАИ ДАСТАҶАМЪОНА БУРД!

Имрӯз ҳамаи мо шоҳиди воқеаҳои даҳшатноку фоҷиабор дар як қатор кишварҳои олам ҳастем, ки бар асари шиддати бесобиқа пайдо кардани бархӯрди манфиатҳои қудратҳои ҷаҳонӣ ва таҳдиду хатарҳои нав, аз ҷумла торафт вусъат гирифтани фаъолияти гурӯҳҳои экстремистиву террористӣ, амнияту суботи баъзе давлатҳои як вақтҳо ороми сайёра аз байн рафтааст.
Воқеан, таҳдиди зуҳуроти харобиовари гурӯҳҳои ифротгаро ва созмонҳои террористӣ, ки аксари онҳо фаъолияти худро бо номи ислом анҷом медиҳанд, имрӯз аз сатҳи миллӣ ва минтақавӣ фаротар рафта, хусусияти ҷаҳонӣ касб кардааст. Далелҳо собит месозанд, ки афзоиши ҷиноятҳои  хусусияти  экстремистӣ  ва террористидошта, ба вусъат ёфтани терроризми байналмилалӣ, фаъолшавии унсурҳои тундраву ифротгаро, ҷалби ҷавонон ба сафи созмонҳои экстремистиву террористӣ ва иштироки онҳо дар низоъҳои мусаллаҳонаи давлатҳои хориҷӣ мусоидат менамояд.
Коршиносон омили асосии ба ин гурӯҳҳо пайвастани ҷавононро дар паст будани сатҳи маърифати динию ҳуқуқии онҳо, тасаввуроти нодуруст дар бораи ислом, ҷаҳонбинии маҳдуд, фаҳмиши суст, инчунин, аз назорат дур монданашон маънидод мекунанд. Раиси Кумитаи давлатии амнияти миллии кишвар Саймумин Ятимов дар мақолаи «Равоншиносии ҷамъиятӣ ва амнияти ҷамъиятӣ (Дар доираи шуури муқаррарӣ)» ба ин мавзӯъ дахл намуда, навиштааст: «Дараҷаи тафаккуре, ки ҷомеаро пеш мебарад, хирад (фаҳм, фаросат, идрок, зиракӣ, заковат, ҳушёрӣ) аст. Яъне агар инсон хирад дошта бошад, ба ҳеҷ ваҷҳ ба доми фиреби бегонагон намеафтад, ба гурӯҳҳои террористиву экстремистӣ шомил намешавад, баръакс, дониш, таҷриба ва ҳунарашро барои пешрафти ҷомеа сарф менамояд.
Дар ин росто тарбияи инсони бохирад, ҳушёру дурандеш на танҳо вазифаи оила ва муассисаҳои таълимӣ, балки вазифаи ҷонии тамоми ҷомеаи шаҳрвандӣ бояд бошад. Намояндагони васоити ахбори омма, сиёсатмадорону ҷомеашиносон дар маводҳои таҳлилии худ ва суҳбату вохӯриҳояшон бо мардум бояд ниқоб аз рӯйи гурӯҳҳои экстремистиву террористӣ, ки қобили эҷоди амалҳои нангини даҳшатафканианд, баркашанд, асли манфуру расвоии табиати зиддибашарии онҳоро  ба ҷаҳониён фош созанд. Дар ин замина афкори ҷамъиятие ба вуҷуд оварда шавад, ки ба терроризм, ифротгароӣ, зӯроварӣ ва харобкорӣ қатъан оштинопазир бошад. Ба андешаи доктори илмҳои сиёсатшиносӣ Саидмурод Фаттоҳзода, маърифати сиёсии ин гурӯҳҳо хеле маҳдуд буда, дар муносибат бо мардум на аз илму маърифат, балки бештар аз эҳсосот кор мегиранд ва ба ҷомеа хатари ҷиддӣ эҷод карда метавонанд.
Президенти Ҷумҳурии Тоҷикистон муҳтарам Эмомалӣ Раҳмон дар Паёми худ ба Маҷлиси Олии мамлакат, аз 20 январи соли 2016, таъкид карда буданд, ки: «Вазъи бамиёномада фароҳам овардани заминаҳои дахлдори ташкиливу ҳуқуқӣ ва фазои оштинопазирро бо экстремизм ва терроризм дар сатҳи барномаи стратегии давлат тақозо дорад». Дар ин росто Сарвари давлат ба Прокуратураи генералӣ супориш доданд, ки дар ҳамкорӣ бо намояндагони як қатор вазорату идораҳо, муассисаҳои илмию тадқиқотӣ ва олимону коршиносони соҳа «Стратегияи миллии Ҷумҳурии Тоҷикистон оид ба муқовимат бо экстремизм ва терроризм барои солҳои 2016 - 2020» - ро таҳия ва пешниҳод намояд. Дар асоси ин дастур лоиҳаи стратегия аз ҷониби гурӯҳи корӣ таҳти роҳбарии Прокурори генералӣ омода шуда, бо фармони Президенти Ҷумҳурии Тоҷикистон 12 ноябри соли 2016 таҳти № 776 тасдиқ гардид.
Дар стратегияи миллӣ роҳандозии муҳокимаҳои илмию ҷамъиятӣ вобаста ба таҳия ва қабули андешаи миллӣ, ташаккули тарзу усулҳои муосири корҳои идеологӣ, омода намудани мутахассисон дар соҳаи муқовимати иттилоотӣ бо ифротгароӣ ва терроризм, инчунин, пурзӯр намудани нақши пешгирикунандаи воситаҳои ахбори омма дар ин самт махсус таъкид гардидааст. Бо татбиқи стратегия ва дигар санадҳои меъёрии ҳуқуқии дар ин самт қабулгардида, ҳамзамон роҳандозии корҳои таблиғотию ташвиқотӣ, ба мардум фаҳмондани оқибатҳои даҳшатбори терроризму ифротгароӣ ҷомеа метавонад аз ин таҳдиду хатарҳо худро эмин нигоҳ дорад.
Вобаста ба равандҳои ҷаҳонишавӣ ва шиддат гирифтани муборизаҳои иттилоотӣ, ҳамчунин, воридшавии мафкураи бегона ба зеҳни ҷомеа мо бояд ба таблиғи масъалаҳои худшиносиву худогоҳӣ, ҳифзи арзишҳои миллии таърихию фарҳангӣ, истиқлолият ва дастовардҳои он, ваҳдати миллӣ, тавсеаи ҷаҳонбинии демократию дунявӣ ва суботи ҷомеа беш аз ҳар вақти дигар таваҷҷуҳ зоҳир намоем.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 25.09.2017    №: 201    Мутолиа карданд: 427

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед