logo

ҳуқуқ

ТАҒЙИРОТ БА ҚОНУН ТАҒЙИРОТ БА РӮЗГОРИ ШАҲРВАНДОН АСТ

Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон баъд аз ворид гардидани тағйиру иловаҳо ба Кодекси ҳуқуқвайронкунии маъмурӣ ва Кодекси ҷиноятии Ҷумҳурии Тоҷикистон, ки ҷавобгарии ҷиноятиро барои идоракунии воситаҳои нақлиёт дар ҳолати мастӣ ва бе ҳуҷҷати ронандагӣ пурзӯр мекунанд, нақша - чорабинӣ таҳия карда, дар асоси он амал карда истодааст.
Амирхон Ҳасанов, сардори шуъбачаи амалияи маъмурии шуъбаи хадамоти роҳбонии РБДА Вазорати корҳои дохилии Ҷумҳурии Тоҷикистон, иброз дошт, ки пас аз ворид шудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», Кодекси ҷиноятӣ ва Кодекси ҳуқуқвайронкунии маъмурӣ мо дар байни кормандони шуъбаҳои ВКД дар шаҳру навоҳӣ ва дигар сохторҳо вохӯриву корҳои фаҳмондадиҳӣ гузаронда истодаем. Ин иқдом дар оянда низ идома меёбад. Ҳадафи асосӣ ба мардум фаҳмондани мазмуну моҳияти тағйиру иловаҳои ба санадҳои меъёрии ҳуқуқӣ воридшуда мебошад.  
Бар пояи тағйироти воридгардида ба қонунҳои Ҷумҳурии Тоҷикистон «Дар бораи маориф», «Дар бораи таҳсилоти ибтидоии касбӣ», «Дар бораи таҳсилоти миёнаи касбӣ» ва «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ» минбаъд хонандагон, таълимгирандагон ва донишҷӯён ҳуқуқи бо нақлиёти механикӣ ба муассисаи таълимии таҳсилоти умумӣ ва муассисаи таълимӣ омаданро надоранд. Дар сурати риоя накардани талаботи мазкур хонандае, ки ба синни 16 расидааст аз муассисаи таълимии таҳсилоти умумӣ хориҷ карда мешавад. Таълимгирандагон ва донишҷӯён бошанд, мутобиқан бе ҳуқуқи барқарор шудан ба муҳлати аз як то се сол аз муассисаи таълимӣ хориҷ мешаванд. Нозирони БДА дар ҳолати ошкор кардани қонуншикании хонандагону донишҷӯён санад тартиб дода, ба Вазорати маориф ва илми Ҷумҳурии Тоҷикистон ирсол менамоянд ва вазорат дар доираи салоҳияти худ ҷазоро муайян мекунад.
Дар моддаҳои 37  ва 42 - и Кодекси ҳуқуқвайронкунии маъмурии Ҷумҳурии Тоҷикистон  ҷазои маҳрум кардан аз ҳуқуқи махсус ҳамчун ҷазои иловагӣ муқаррар гардида, муҳлати аз ҳуқуқи махсус маҳрум намудан то даҳ сол зиёд карда шудааст. Дар моддаи 332 - и кодекс барои идора намудани воситаи нақлиёт ба шахсе, ки дар ҳолати мастӣ қарор дорад, ҷарима ба андозаи сесад нишондиҳанда барои ҳисобҳо ё ҳабси маъмурӣ ба муҳлати понздаҳ шабонарӯз бо маҳрум кардан аз ҳуқуқи идораи воситаи нақлиёт ба муҳлати панҷ сол таъйин карда мешавад.
Ворид шудани тағйиру иловаҳо ба кодексҳои ҷиноятӣ ва ҳуқуқвайронкунии маъмурӣ дар ҳолест, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз зиёд шудани садамаҳои нақлиётӣ ва бо мошини шахсӣ ба дарс омадани хонандагону донишҷӯён, бахусус фарзандони баъзе мансабдорон, борҳо зимни суханрониҳояшон изҳори нигаронӣ кардаанд. Сарвари давлат ахиран ба вазорату идораҳои дахлдор дастури қатъӣ доданд, ки ҷиҳати ҳалли ин мушкилот чораҷӯӣ намоянд ва ҳар мансабдоре, ки фарзандаш бо мошини шахсӣ ба дарс меояд, аз вазифа озод карда шавад.
Амирхон Ҳасанов дар посух ба суоли мо, ки тағйиру иловаҳои ба кодексҳои ҷиноятӣ ва ҳуқуқвайронкунии маъмурӣ воридшуда то чӣ андоза метавонанд ба манфиати ҷомеа ва тартибу низом дар муассисаҳои таълимӣ хизмат карда бошанд, гуфт: «Вақте ҷазо вазнинтар мешавад, қонуншиканӣ низ коҳиш меёбад. Баъди ворид гардидани тағйиру иловаҳо ба қонуни танзим мушоҳида карда истодаем, ки шаҳрвандон моҳияти онро дуруст дарк кардаанд. Мувофиқи маълумоти дастрас, сатҳи қонуншиканӣ дар саросари мамлакат паст шудааст». 
Сарвиноз ШОДМОНОВА,
Лашкар ШАРИФЗОДА, «Ҷумҳурият»


Баёни ақида (0)    Санаи нашр: 25.09.2017    №: 201    Мутолиа карданд: 429

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед